Durante o mes de Xaneiro, coñecemos os distintos xogos que temos na BiblioLab, organizados por idades e nas distintas sesións disfrutamos, aprendemos e traballamos habilidades, memoria, atención,…
Unha pequena mostra do que fixemos que podedes ver nesta presentación.
Xogos na BiblioLab de Biblioteca Seis do NadalHoxe 30 de xaneiro, para conmemorar o Día da Paz celebramos un acto colectivo.
Na pista de baloncesto, con
roupa branca e o noso colgante, colocámonos formando círculos e, todos xuntos, cantamos a canción “De festa”, de Uxía Lambona e a Banda Molona. Fixemos xestos e o retrouso en lingua de signos acompañada dunha coreografía.
“UN FUTURO DE PAZ”- “A PEACEFUL FUTURE”
Aínda que se traballa ao longo do curso, durante esta semana realizamos varias actividades sobre a PAZ, que remataremos cun acto o luns 30 de xaneiro, Día Escolar da Non Violencia e a Paz.
Exposición: "Lecturas para a Paz”
Expositores cunha morea de libros sobre esta temática: amizade, sentimentos, solidariedade, persoeiros que destacan pola súa labor pola Paz Mundial,……para levar ás aulas e traballar con eles.
Convertindo así a biblioteca nun viveiro de cidadanía, un lugar facilitador do diálogo e das reflexións para conquerir un futuro máis xusto, igualitario e de Paz.
Obradoiros de Robótica
As clases de 1º, 4º e 5º de Primaria participaron
nestes obradoiros para crear o holograma dunha pomba e deseñar en 3D símbolos
da Paz.
.png)
En Educación Infantil, traballamos cos escornabots e ozobots, taboleiros con esta temática.
Contacontos
O voluntariado preparou lecturas para contar ao alumnado de 2º de Primaria. A través dos contos trasmitimos ás nosas crianzas valores de respecto, tolerancia e convivencia.
O 25 de xaneiro tivemos a 1ª reunión do Club de Lectura de “Familias e Profesorado”.
Esta primeira xuntanza foi para presentar a
actividade, explicar a dinámica de organización e funcionamento.
Xogo de presentación no que fomos decindo que nos
motivou a formar parte deste club e tamén escollemos a nosa primeira lectura.
Acompañamos as nosas conversas con café e doces!!!
Iniciamos esta nova andaina con moita ilusión. Grazas a todas as persoas que vos animastes a participar nesta iniciativa!!!
O alumnado de Edº Infantil, 1º e 2º de Primaria disfrutou dunha actividade de animación á lectura.
.png)
Estivo acompañada de Eva Carreras, cantante e exconcursante de Operacion Triunfo, que cantou a canción do conto.
Xa nas súas aulas, a cativada realizou debuxos para agasallar aos compañeiros e compañeiras.
“Sempre contigo” da Ed. Circulo Rojo, cóntanos a historia de dúas nenas, Paula e María, ás que lles toca vivir unha situación complicada na vida: enfrontarse a unha pandemia que lles impide estar xuntas e abrazarse.
Paula e Eva remataron asinando o exemplar para o centro e no libro de visitas. Grazas!!!
.png)
Iniciamos unha nova andaina centrada no fomento da lectura: o Club de Lectura de Adultos.
Os Clubs de Lectura están formados por persoas
que len, a soas e a un tempo, unha mesma obra literaria.
Dirixido
a Familias e Profesorado da nosa Comunidade Educativa que teñan inquedanza pola
lectura.
Se queres compartir momentos e conversas en torno aos libros,… xa sabes este é o teu Club!! Apúntate!!
Envia
os teus datos ao correo
bibliotecaseisdonadal@gmail.com
As
xuntanzas serán na biblioteca do centro en horario de tarde.
A primeira reunión será o mércores 25 de xaneiro ás 18,00h na que explicaremos o seu funcionamento e decidiremos os libros que imos ler. Agardámoste!!!
Neste mes de xaneiro, no que conmemoramos o Día Escolar da Non Violencia e a Paz, traballaremos estos dous Obxectivos ODS:
-O Nº 16: Paz, Xustiza e Institucións Sólidas.
-O Nº 17: Alianzas para acadar os obxectivos.
Propomos que vos ofrezades a axudar aos demais. Pensa nalgo que se che dea moi ben, cubre o modelo de anuncio que podes atopar na biblioteca e, a medida que os vaiades entregando, os colocaremos nun tablón para que os/as interesados/interesadas o collan para pedirche esa axuda cando o precisen.
Por un futuro de PAZ!!!
Durante os meses de novembro e decembro o alumnado de 6º de Primaria participaron no programa InspiraSTEAM, un proxecto levado a cabo coa Universidade de Vigo e cuxo obxectivo é inspirar as vocacións científico-tecnolóxicas entre as rapazas a través do mentoring con mulleres profesionais do mundo da investigación, ciencia e tecnoloxía.
Na seguinte ligazón podedes atopar máis información sobre o programa:
Da man de Ana, Candela e Silvia a rapazada comezou
coñecendo o significado do termo STEAM (Science, Technology, Engineering, Arts
e Maths) e aprendeu a observar o seu entorno próximo para detectar os obxectos
nos que están presentes as STEAM. Cal foi a súa sorpresa cando se deron conta
de que están presentes en todos os obxectos e non só nos tecnolóxicos.
Ademais tamén traballaron sobre estereotipos nas profesións, xoguetes, publicidade... e coñeceron a diversos referentes das STEAM, xerando un diálogo no que chegaron á conclusión de que ao longo da historia se recoñeceu máis logros aos homes que as mulleres neste eido.
Tras todo este tempo de reflexión e investigación chegou o momento de traballar en grupo para crear a súa propia empresa e construír obxectos que cumprisen unha función determinada, por exemplo unha cadeira.
Ao rematar o programa a rapazada reflexionou sobre o
que aprendeu ao longo destas sesións e algunhas das súas conclusións foron:
Continuamos coas xuntanzas do Club de Lectura, nesta ocasión, para conversar e compartir as nosas experiencias lectoras con “Palabras de Caramelo”, de Gonzalo Moure.
Unha lectura que nos presenta a relación
de amizade entre Kori, un neno saharaui xordomudo de oito anos, e un camelo,
Caramelo.
Unha historia que nos permitiu
achegarnos ao pobo Saharaui e á vida dos
campamentos de refuxiados aos que Gonzalo Moure viaxa varias veces e colabora a
través do proxecto Bubisher.
A todos e todas encantounos este libro!!!
Unhas boliñas de chocolate fixeron máis doce a nosa reunión!!!
Durante o primeiro trimestre, o alumnado de 6º de Primaria, utilizando como fío condutor o libro, “Hola Ruby: la aventura de programar” , de Linda Liukas, foise mergullando no mundo da programación e, a súa vez, dando os seus primeiros pasos no programa Scratch, aprendendo a animar personaxes con texto, movementos programados e aleatorios, cambiar a aparencia de personaxes e fondos, incluir sons e incluso crear pequenos programas de debuxo e xogos de persecución.
No seguinte vídeo podedes ver algúns exemplos do traballo que realizaron.
Calendario do Libro e da Lectura de Galicia 2023, coas datas, efemérides e conmemoracións máis salientables en torno aos libros e á lectura.
Preme na imaxe para acceder ao documento en pdf.
