VISITA DE LEDICIA COSTAS

O luns 7 de abril recibimos a visita da escritora Ledicia Costas que tivo un encontro literario co alumnado de 2º de Primaria para conversar sobre o libro “Curriño. O can influencer”, lectura deste segundo trimestre.

Lucía e Noa foron as encargadas de facer a presentación da escritora e darlle a benvida á nosa biblioteca.

Ledicia contounos en que se inspirou para crear a historia deste can tan especial. Explicounos que quería escribir una colección sobre cans porque lle gustan moito e que se inspirou nos cans máis coñecidos nas redes sociais.

O alumnado compartiu as súas opinións sobre o libro formulando numerosas preguntas ás que Ledicia respostou amablemente.

Ensináronlle o traballo e os debuxos que fixeron sobre Curriño. Agardamos con entusiasmo polas novas aventuras de Curriño!!!

Rematou a sesión asinando nos libros dos cativos e cativas. Grazas Ledicia pola túa visita!!!

OBRADOIRO DE REGUEIFA

O venres 4 de abril, tivemos a visita de Pinto de Herbón e Luis o Caruncho co seu tradicional “Obradoiro de regueifas”.

Ensinaron ao alumnado de 6º de Primaria a orixe das regueifas e a maneira de elaborar as coplas. Achegáronse a improvisación oral, ao ritmo, rima e xogos de palabras...

Aprenderon un montón e xa están preparados e preparadas para crear sin parar!. Grazas regueifeiros!!!

POESÍA E SÍNDROME DE DOWN NA RADIO DO SEIS

Xa está aquí un novo programa da Radio do Seis.

A clase de 3ºA preparou un programa para conmemorar o Día da poesía e visibilizar o Día Mundial do Síndrome de Down.

Desfrutade desta nova entrega!!!

OBRADOIRO DE CÓDIGO MORSE

No mes de marzo, o alumnado de 5º e 6º de Primaria tivo a oportunidade de coñecer o fascinante mundo da comunicación a través do código Morse.

O primeiro reto foi a construción dun telégrafo empregando materiais sinxelos: un cartón, un clip e dous encadernadores. Unha vez listo, conectámolo á plaquiña Makey Makey, que permitiu transformar os impulsos mecánicos en sinais eléctricos.

A continuación, utilizamos Scratch e un dos seus proxectos da biblioteca para decodificar as mensaxes en Morse. Con todo preparado, os alumnos de 5º de Primaria lanzáronse a escribir os seus nomes, o do colexio e outras palabras de xeito cifrado.

En 6º de Primaria, despois de montar o dispositivo e practicar un pouco, deron un paso máis e empregaron o código Morse para descubrir os nomes de varias artesás galegas e coñecer así o papel da muller nos oficios tradicionais.

Seredes quen de descifrar de quen se trata?

PACO NOGUEIRAS

O venres 4 de abril, o alumnado de Educación Infantil desfrutou dunha animación lectora con Paco Nogueiras.

Coma sempre, Paco chegou coa súa maleta cargada de contos para compartir con nós: "Violín, Cinco ratiños, Polo mar salgado, Tarde de sapo, Un, dous, tres. Que ves?, Bim Bam Bum".

Grazas a Paco e a Editorial Kalandraka por ofrecernos a oportunidade de desfrutar destos momentos marabillosos cheos de historias divertidas, rimas e cancións!!!

VISITA AO CENTRO DE DÍA ATENDO

O xoves 3 de abril, o voluntariado da biblioteca visitou o Centro de Día Atendo. 

Dende hai varios cursos desenvolvemos un proxecto de colaboración con este centro co obxectivo de establecer lazos interxeracionais e acompañar aos nosos maiores. Unha actividade que está enmarcada no Programa Bibliotecas Escolares Solidarias.

Escomenzamos contando “Arte” de Patrick McDonnell. Arte é o nome do protagonista que da vía libre a súa creatividade a través dos trazos e das cores e que nos permitiu realizar unha actividade de robótica.

A rapazada, xunto aos usuarios e usuarias do centro crearon un cuadro abstracto manipulando o robot VinciBot.

Compartimos conversas, merenda e sorrisos!!!

Tamén houbo momentos para as lecturas compartidas que nos permitiron desfrutar de contos con temática diversa.

Teresa, Tusa e outras usuarias foron lendo as adiviñas que tiñan preparadas e ás que o noso alumnado foi respostando.

Rematamos coa entrega de agasallos e palabras de agradecemento.

Grazas ao todo o Equipo do Centro do Día Atendo por esta fermosa xornada chea de emocións e sentimentos!!!

VISITA DE ABEL TOMÉ

Co xornalista e escritor Abel Tomé iniciamos o programa de actividades que desenvolveremos na biblioteca neste mes de abril, o Mes do Libro.

O 1 de abril, o alumnado de 5º de Primaria tivo un encontro literario con este autor para conversar sobre o seu libro “Milú e o edificio das persoas extraordinarias”, Premio Merlín de Literatura Infantil 2024.

Desde o comenzo da sesión, Abel estableceu unha interacción coa rapazada, falando sobre as diferentes persoas que viven no edificio “Les Marginaux” e as súas habilidades que determinan que sexan extraordinarias.

Tratáronse os diferentes temas presentes no libro: a dignidade, a pobreza, a inmigración, a forza da comunidade fronte á adversidade...

É unha fábula que nos fala do poder que teñen os nenos e nenas para imaxinar e soñar un mundo mellor. Milú, o protagonista ten o don de construir soños.

O optimismo e a fantasia propios da infancia convértense nesta historia nun antídoto contra a intolerancia e o odio, e fan posible transformar en ternura, audacia, amor, humor e esperanza a tráxica realidade que padecen a diario multitude de persoas, vítimas das grandes desigualdades do mundo.

Rematou respostando ás moitas preguntas que lle fixeron (en que se inspirou, cando comenzou a escribir...) e asinando nos libros do alumnado.

Foi unha sesión moi amena e agradable. Grazas Abel pola túa visita!!!

BIBLIOLAB: MADEIRA

No mes de Marzo, as actividades que se desenvolveron na BiblioLab tiveron como eixo temático a "Madeira".

EMOCIÓNS EN MADEIRA

Representamos en madeira como nos sentimos (contento/a, triste, endafado/a...) empregando os diferentes materiais naturais que hai na mesa.

TRES EN RAIA

Creamos con paus o noso tres en raia para despois xogar.

A ORIXE: AS ÁRBORES

Xogos de memoria sobre as árbores, investigamos nos libros e experimentamos con follas.

XOGOS

Xogamos con diferentes xogos de madeira.

KAPLA

Un xogo en madeira que anima a explorar desenvolvendo a creatividade.

CONSTRUCIÓNS

Empregamos materiais de madeira para facer construcións.

FOLLAS

Investigamos nos libros sobre os diferentes tipos de follas e as decoramos. Creamos en relevo follas e escribimos os seus nomes.

BOSQUE “O REXO”

Pintamos ramas para crear o noso bosque seguindo a intervención artística de Ibarrola  no bosque de “O Rexo”.

DÍA MUNDIAL DA CONCIENCIACIÓN SOBRE O AUTISMO 2025

#SomosInfinitos é a campaña do Día Mundial da concienciación sobre o Autismo 2025.

A campaña  resalta a diversidade e a singularidade existente dentro do espectro autista para concienciar á cidadanía de que non hai dúas persoas con autismo iguais;  aínda que compartan o mesmo diagnóstico, cada unha ten os seus propios intereses, capacidades e necesidades. Por iso, cada unha necesita uns apoios especializados e adaptados á súa situación persoal e ao seu momento vital.

O infinito de cores é o símbolo que representa a esta campaña.

-Símbolo do infinito para colorear.

-Manifesto en galego.

-Manifesto en pictogramas.

-Vídeo da campaña.

-Lecturas.

DÍA DO LIBRO INFANTIL 2025

Como en anos anteriores, o IBBY promove a celebración do Día Internacional do Libro Infantil o 2 de abril, conmemorando o nacemento de Hans Christian Andersen. 

O obxectivo é promocionar os bos libros infantís e xuvenís e a lectura entre os máis novos. 

Holanda é a sección encargada de elaborar a mensaxe da escritora Rian Visser e o cartaz da ilustradora  Janneke Ipenburg co lema:

 “Estas palabras que saíron da miña boca

 son para ti”

GÁLIX, Asociación do Libro Infantil e Xuvenil, promove a celebración deste día e a tradución ao galego de Mercedes Pacheco.

Cartel en galego.

Mensaxe en galego.

FONTE: BIBLIOTECAS ESCOLARES