MAIOS NA CASA

Chegou a primavera e con ela os maios e, aínda que en confinamento, é o seu momento.

“ A Festa dos Maios é a festa da primavera, ben sexa da súa chegada, ben do seu trunfo. Significa o reverdecer das prantas , o comezo do ano agrícola, a ledicia de ver o sol por riba do horizonte e coller altura e forza". Vicente Risco.

CELEBRANDO O DÍA DO LIBRO

O noso vídeo sacando os personaxes dos libros a pasear vai aumentando!

No noso barrio, dentro destes edificios, estades vós lendo o voso libro favorito. Só tedes que pasar o rato por enriba e buscarvos (aumentade a foto para vela mellor).

Se aínda nos nos mandastes a vosa foto lendo un libro ou sacando os seus personaxes a pasear podedes facelo ata o xoves 30. Moitas grazas pola vosa participación!!!

Agardamos que vos gusten!!!

23 DE ABRIL,DÍA DO LIBRO

E por fin chegou o  Día do Libro e xa temos unha pequena mostra das fotos que nos fostes enviando para celebrar este día. O vídeo definitivo tardará uns días, así que podedes seguir enviando máis.

Vídeo “Disfrázome do meu personaxe de conto”

Grazas pola vosa participación!!!!

Tamén temos unha sorpresa, a profe Carmen preparou este agasallo para todos e todas.
Agardamos que vos guste!!!!

Feliz Día do Libro!!!!!

22 DE ABRIL, DÍA DA TERRA

Hoxe cumprense 50 anos desde que se celebra o Día Internacional da Terra. O promotor deste día foi Gaylord Nelson, que decidiu instaurar este día para concienciar á poboación dos problemas que nos afectan en torno a contaminación, a conservación do medio ambiente  e a necesidade de coidar o noso planeta e promover a armonía entre natureza e planeta.

O noso proxecto anual está centrado en “Cambiar o mundo” polo que ao longo deste curso traballamos sobre coidado do medio ambente, reducir, reciclar e reutilizar, xestión de residuos,…

Deixamos unha pequena mostra dos traballos que realizaron coas propostas das mochilas viaxeiras sobre Arte reciclado.

Podedes facer manualidades e marcapáxinas con materiais de refugallo que teñades por casa.

Lecturas 

Preme na imaxe e accederas ao conto 

"¿Qué le pasa al planeta"

Poesía "Arbolidades"

PROPOSTAS PARA O DÍA DO LIBRO

O vindeiro xoves 23 de Abril, celebramos o Día do Libro e queremos propoñervos a todos e todas, alumnado, familias e profesorado que participedes para poder celebrar esta data dunha maneira diferente e especial.

Facemos dúas propostas:

1.-Faite unha foto lendo o teu libro favorito.

2.-Saca aos personaxes dos contos a pasear. Disfrázate do personaxe do teu conto ou libro preferido.

Enviade as vosas fotos ao seguinte enderezo electrónico Bibliotecaseisdonadal@gmail.com

Con todas elas faremos unha montaxe que publicaremos no blogue. Animádevos!!!

En Abril...libros mil!!!#quedonacasa

DÍA MUNDIAL DO LIBRO 2020

Achégase o Día Mundial do Libro e do Dereito de Autor, en acepción da UNESCO, e desde a Consellería de Educación, Universidade e formación Profesional edítase o díptico para conmemorar este día 23 de abril de 2020.

Acudiuse, como en anos anteriores a unha persoa referente da literatura galega actual, neste caso ao escritor, xornalista e divulgador da cultura de Galicia, Manuel Gago, quen creou un texto orixinal cedido xenerosamente para esta pequena peza de difusión do Día do Libro, centrándose nas potencialidades do libro e da lectura e que nos agasalla esta evocadora afirmación: 

,

"Cada libro que lemos queda gardado no noso peito como semente, paxaro ou xabarín"

Que a primavera entre polas fiestras e traia a voz das aves para acompañar as nosas lecturas!

o   DÍPTICO COMPLETO (pdf)

o   TEXTO de Manuel Gago

FONTE: BIBLIOTECAS ESCOLARES

DÍA MUNDIAL DA ARTE

Hoxe 15 de abril celebramos o Día Mundial da Arte que conmemora o nacemento do artista italiano Leonardo Da Vinci, unha das figuras científicas, humanísticas e artísticas máis importantes da historia.

A celebración desta data contribúe a reforzar os vínculos entre as creacións artísticas e a sociedade, a fomentar unha maior conciencia da diversidade das expresións artísticas a a por de relevo a contribución dos/das artistas ao desenrolo sostible. E a oportunidade para destacar a Educación Artística nas escolas, xa que a cultura é o camiño hacia unha educación inclusiva e equitativa.

A arte nutre a creatividade, a innovación e a diversidade cultural de todos os pobos do mundo, e desempeña un rol importante no intercambio de coñecementos  e no fomento do diálogo.

Para celebrar esta data A plataforma Google Arts & Cultura lanza un programa virtual para as familias con diversas actividades relacionadas con museos, animais, ciencia, libros e películas.

Aventuras no monte das artes. 

Resolve os retos da Raposa Fedella

É unha iniciativa da Cidade da Cultura con retos artísticos e creativos para resolver en familia e dende casa en torno ao Museo do Gaiás.

Percorrido virtual polos Museos de Galicia

Libros para celebrar este día

MÁIS RECURSOS #QUEDONACASA

Máis recursos para este tempo que temos que quedar na casa. (Preme nas imaxes)

XOGOS TRADICIONAIS GALEGOS

Esta páxina pon a disposición de todos e todas o catálogo de xogos tradicionais galegos para poder xogar na casa durante estes días de confinamento. Xogos tradicionais, xoguetes para construir, xoguetes con tapóns de cortiza, papiroflexia,…

PANDEMIA DE CONTOS

O Colectivo NOGA #narracionoralgalega crea na canle  de Youtube Pandemia de contos onde podes atopar diversas historias contadas por narradores e narradoras orais.

OS BOLECHAS

Xoga e aprende cos Bolechas.

OQUELEO NA CASA

Con diversas propostas e actividades para descargar.

PONTE…NAS ONDAS!

A Asociación Ponte…nas Ondas! Achega na súa web un feixe de propostas didácticas, en galego e portugués, para as escolas.

SOGAMA-CADERNO VERDE

Sogama, a través da súa plataforma educativa online “Caderno Verde”, tamén quere contribuír a que as semanas de confinamento sexan máis levadeiras para os pequenos/as da casa e que estes teñan a oportunidade de seguir interiorizando hábitos saudables e aprendan e gocen con distintas actividades de reciclaxe.

EU QUEDO NA CASA

É un conto de Ramón D. Veiga que pretende axudar a  entender como se senten os máis pequenos/as ante este situación de confinamento e a necesidade de ficar na casa.

LECTURAS #QUEDONACASA

Recollemos nesta entrada máis propostas de lectura que, grazas ás editoriais, podemos ler de forma gratuita na rede.(Premer nas imaxes)

-Ed. ANAYA 

Unha selección de lecturas para nenos e nenas de entre 3 a 11 anos.

-Ed. BRUÑO

-Ed. SANTILLANA

Loqueleo en casa. Lecturas para compartir en familia.

-BANG Ediciones coa colección Mamut para os máis pequenos/as.

-A editorial AIRA co cómic Carriandola

E tamén o xornal O PAPAGAIO, que como sabedes, recibímolo todos os meses na nosa biblioteca e ao longo das 12 páxinas que o compoñen trata temas de ciencia, ecoloxía, arquitectura, banda deseñada, literatura... 

Podedes ler varios números en formato dixital.

2 DE ABRIL: DÍA MUNDIAL DO AUTISMO

O 2 de Abril celebramos o Día Internacional do Libro Infantil e Xuvenil e tamén o Día Mundial de Concienciación sobre o Autismo.

O lema deste ano é 

“Podo APRENDER. Podo TRABALLAR”.

Decora a túa ventá ou balcón cunha tea azul ou fai un muiño de papel

Lecturas: 

-Colección Makakiños - Editorial Kalandraka en colaboración coa Asociación de Tratamento do Autismo BATA.

Imaxe do Blog Ed. Kalandraka

-Fálame - Ed. Kalandraka

-El Cazo de Lorenzo - Ed. Juventud

-María e máis eu - El Patito Editorial

   “El viaje de María”

Unha curtametraxe de animación realizado polo debuxante Miguel Gallardo, pai dunha nena con autismo.

DÍA DAS ARTES GALEGAS 2020

O día 1 de abril celébrase o Día das Artes Galegas, un acontecemento  instituído pola Real Academia Galega de Belas Artes. No ano 2020, o homenaxeado é o arquitecto DOMINGO DE ANDRADE (Cee, A Coruña, 1639 - Santiago de Compostela, 1712).

O cartel conmemorativo, realizado polo académico Xosé Díaz Arias de Castro a partir do retrato de Domingo de Andrade obra de Felipe Criado e conservado na Facultade de Xeografía e Historia compostelá. 

Aínda que a maior parte da súa obra podemos vela en Compostela, fora dalí tamén deixou a súa pegada en Lugo e Ourense. 

Entre as súas obras destacan a Torre do Reloxo e o Pórtico Real da Quintana da Catedral de Santiago. A escaleira de caracol do convento de San Domingos de Bonaval, a Casa da Parra e a Casa da Conga. Ademais, fora de Compostela realizou, entre outras, a sala capitular e a sancristía da Catedral de Lugo.  

-Real Academia Galega de Belas Artes 

-Colexio Oficial de Arquitectos de Galicia

-Cidade da Cultura: Por que se lle dedica a Domingo de Andrade o #DíadasArtes?

 FONTE: BIBLIOTECAS ESCOLARES