PROGRAMA DE RADIO "DÍA DA MULLER"

Xa está aquí un novo programa da Radio do Seis.

A clase de 4ºA preparou un programa adicado ao 8M, Día Internacional da Muller, no que explicarán a importancia desta data.

Desfrutadeo!!!

8M: DÍA DA MULLER

O tema do Día Internacional da Muller do 8 de marzo é “Investir nas mulleres: acelerar o progreso”.

Nun mundo que se enfronta a múltiples crises que someten ás comunidades a unha inmensa presión, lograr a igualdade de xénero e o benestar da muller en todos os ámbitos é máis crucial que nunca si queremos xerar economías prósperas e conseguir un planeta saudable.

Sen embargo enfrentámosnos a un desafío clave: non existe financiación suficiente en materia de xénero e contamos cun alarmante déficit anual de 360.000 millóns de dólares en medidas de igualdade de xénero para 2030.

Estas son as cinco áreas que requiren unha acción conxunta para non deixar ás mulleres atrás:

-Investir nas mulleres, unha cuestión de dereitos humáns.

-Acabar coa pobreza.

-Poñer en marcha un financiamento transformador para a igualdade de xénero. 

-Avanzar hacia o desenvolvemento sostible e unha sociedade do coidado.

-Apoiar os feminismos que impulsan o cambio.

A Axenda 2030 marca como Obxectivo número 5: Lograr a igualdade entre os xéneros e empoderar a todas as mulleres e nenas. As bibliotecas deben apoiar a igualdade de xéneros e ofrecer lugares e actividades de encontro e empoderamento.

As bibliotecas escolares de Galicia traballan todo o curso, en prol dunha igualdade efectiva na nosa sociedade, formando cidadanía crítica.

8M: MERCEDES MARIÑO E MARÍA CASARES

Nas aulas de quinto, con motivo do 8M, estiveron traballando as figuras de actrices galegas que abriron camiño a outras mulleres no mundo do teatro e do cinema.

O alumnado tivo que realizar unha investigación sobre as vidas de Mercedes Mariño e María Casares para posteriormente crear as súas biografías, aproveitando así para traballar esa tipoloxía textual.

Posteriormente elexiuse unha desas biografías e coa aplicación Chatterpix crearon un vídeo que narra a biografía destas dúas grandes mulleres e das cales podedes desfrutar nos seguintes vídeos:

MERCEDES MARIÑO

MARÍA CASARES

PAQUITA IN LONDON

O martes 27 de Febreiro, a fantástica actriz, cantante e bailarina, ARIADNA SANTANA, asistiu ao noso cole para representar, por primeira vez na nosa historia, unha marabillosa obra de teatro en inglés: "Paquita en Londres" para os nenos e nenas de 4º, 5º e 6º de Primaria.

Paquita, unha estranxeira andaluza en Londres,  vai a unha axencia de viaxes para solicitar un tour arredor da cidade… De súpeto, todo cambia cando o guía turístico enferma da barriga e lle pide a Paquita un grande favor: que ocupe o seu lugar na axencia porque un grupo de turistas moi importante (nenos/nenas voluntarios/as que saíron ao escenario para interactuar con ela) estaban a punto de chegar e el non podería atendelos.

Paquita, moi preocupada, contestoulle que ela non coñecía Londres e que o seu inglés era moi malo pero por arte de maxia, ao vestir a chaqueta do guía turístico, empezou a falar cun acento británico envidiable e saiu a ensinarlles aos turistas os puntos de referencia más importantes desta preciosa cidade a través de cancións tradicionais a da música dos Beatles.

Disfrutamos enormemente desta función porque aprendimos moitas curiosidades sobre Londres e bailamos e cantamos con Paquita. Ademáis, non puidemos parar de rir!

Agardamos poder disfrutar pronto doutra obra de teatro en inglés porque foi una experiencia inolvidable!

No blog de inglés podedes ver a mensaxe que a clase de 4ºC lle adica á actriz e a resposta dela.

https://learningtheropeswithlou.blogspot.com/2024/02/paquita-and-4c.html

BIBLIOLAB: ENTROIDO, CIENCIA E ROSALÍA

No mes de febreiro, as actividades que se desenvolveron na BiblioLab tiveron como eixo temático o Entroido, muller e ciencia e a Rosalía.

Taboleiro para Tale-Bot

Xogo de robótica con personaxes do Entroido Tradicional Galego.

Investigo na miña biblioteca

Investigamos sobre un personaxe do entroido vigués, O Merdeiro, e completamos a ficha empregando a tableta e os documentos impresos.

Entroido Galego

Seleccionamos e decoramos as máscaras do Entroido Tradicional Galego.

Decoramos un cartel coa figura de Rosalía de Castro

Xogo de cartas

Xogo de cartas sobre mulleres científicas.

Memory

Memory para atopar parellas de científicas.

Xogo: Quen é ela?

Facemos preguntas e tratamos de adiviñar a científica elexida polo noso rival.

PROXECTO FOTOGRAFÍA 2º: ROBERT CAPA

As  clases de 2º de Primaria continúan traballando no proxecto documental de fotografía.

Despois de coñecer a Vivian Maier e a Luis Ksado, achegámonos a outro fotógrafo que Olai Sendón nos presenta no seu libro “A fotógrafa Perpetua”, porque as súas fotos ademais de contar historias explican o mundo e axudan a recordar as cousas e a xente que se foron deixando atrás.

Aproveitando que o reto da biblioteca para este segundo trimestre é “Imaxina! Narrativas de Paz” e, partindo da foto “Muerte de un miliciano” de Robert Capa, fixemos como Olaia, a nosa propia reinterpretación empregando diferentes elementos.

Robert Capa é o pseudónimo que empregaban dous fotógrafos, Endre Ernő Friedmann e Gerda Taro, para publicar as súas reportaxes fotográficas sobre conflictos bélicos.

Agradecer ás familias a súa inestimable colaboración e implicación por este ilusionante proxecto no que estamos inmersas neste curso.

HORA DE LER COAS FAMILIAS

Neste mes de febreiro continuamos coas contadas en familia.

Grazas por compartir as lecturas e o voso tempo con nós!!!

Amada, nai de Antón, 2º de Primaria, contounos ”Max y los superhéroes”.

Cintia, nai de Erea, 4º Edº Infantil. As dificultades que terá que pasar unha nena que quere ser pirata, “Daniela pirata”.

Irene, nai de Nerea, 2º de Primaria, “Fuera de aquí, horrible monstruo verde!”.

A tía de Dylan, 4º Edº Infantil contounos como “O peixe Arcodavella” de ser admirado pasa  a quedar só e triste.

Antonia, nai de Luna, 6º de Primaria.

Yaiza, nai de Sabela, 4º Edº Infantil. Varios animais que viven no bosque colaboran na elaboración da cea, cando a proban comproban que é “A mellor sopa do mundo”.

Ana e Paula, nais de Simón e Guillermo, 4º Edº Infantil contaron xuntas  a historia de "Cocorico" e nós, como o protagonista, tamén comemos un biscoito.

SALÓN DO LIBRO 2024

O XXV Salón Internacional do Libro Infantil e Xuvenil de Pontevedra, desenvolverase do 1 ao 17 de marzo, no Pazo da Cultura de Pontevedra.

Este ano celebra o seu 25 aniversario cunha homenaxe aos centros de ensino que participan nesta andaina.

O tema deste ano é  A MAXIA.

 

Ilustración, presentacións de libros, contacontos, espectáculos, cociña, exposicións ou obradoiros de ilustración, entre outros, compoñen a oferta de lecer e aprendizaxe arredor dos libros.

Na programación e na ambientación destaca a maxia con fonda raíz galega: Fraga de Esmelle de Cunqueiro e toda unha variedade de actividades arredor de magos, bruxos, xacias, sereas, mouras… con narradoras como Paula Carballeira e Soledad Felloza.

O 8 de marzo, Día da Muller, haberá unha programación especial que pon o acento na igualdade e nas contribucións das mulleres a través de obradoiros.

Todo o Programa aquí.

Máis información en  

                  https://www.salondolibro.gal/

CHARLAS CON ARENARIA

O 19 e 20 de febreiro, Arenaria Coordinación realizou, en diferentes sesións, charlas para todo o alumnado do centro co gallo da celebración do “Día da Muller e da Nena na ciencia”.

A tematica centrouse nas mulleres científicas ao longo da historia e os seus descubrimentos, coñecemos as aportacións de Jane Goodall, Marie Curie, Angeles Alvariño e Margarita Salas.

Foron varios e distintos os experimentos que realizaron en función das idades ás que estaban dirixidos: comparación da pedra e o papel, o globo con auga e como detectar se un producto é ácido ou unha base...

Foron dúas xornadas moi interesantes e amenas nas que aprendimos doutra maneira diferente!!!

PROGRAMA DE RADIO "DÍA DE ROSALÍA"

Xa está aquí un novo programa da Radio do Seis.

A clase de 4ºB preparou un programa adicado á Rosalía de Castro no que explicarán a importancia desta figura para a nosa lingua e cultura.

Desfrutádeo!!!