CLUB DE LECTURA

Unha das dinámicas bibliotecarias máis asentadas e consolidadas cunha longa traxectoria no noso centro é o Club de Lectura.

Que é un Club de Lectura?

Son grupos de rapaces e rapazas que, de maneira voluntaria, reúnense para compartir e intercambiar puntos de vista, opinións, sentimentos e emocións  en torno a unha lectura coa mediación dun adulto.

-Permite desenvolver habilidades sociais e comunicativas mellorando a autoestima, autonomía e iniciativa persoal.

-Fomenta e consolida hábitos lectores.

-Facilita a socialización e fortalece os lazos de amizade entre os membros do club basado na tolerancia, no respecto aos demais e a empatía.

-O club de lectura como espazo de encontro, inclusión e de convivencia impulsando a formación de cidadáns responsables.

Organizamos tres Clubs de Lectura de 6º de Primaria, un por cada aula. En total, participaron 25 alumnos e alumnas.

Na primeira reunión faíselles entrega dunha carpeta, unha guía do club indicando as lecturas previstas, o calendario de reunións e un marcapáxinas.

Ao longo do curso reunímonos nos recreos e imos lendo e compartindo as nosas experiencias lectoras.

Este curso participamos na convocatoria anual de Clubs de Lectura da Consellería e permitiunos mercar novas coleccións.

Os títulos escollidos foron todos en galego, unha maneira de vincular ao noso alumnado coa nosa lingua e literatura.

A través das reunións foron descubrindo lecturas que, de seguro, deixaron pegadas nos nosos lectores e lectoras.

O 21 de abril, contamos coa presenza da escritora LEDICIA COSTAS que compartiu con nós o seu tempo para falar do libro “A Señorita Bubble”. Charla amena e divertida na que Ledicia contou anécdotas e fixeronlle preguntas para ir desgranando a historia, como xurdiu, en que se inspirou,…

Quixemos rematar as actividades do Club dun xeito especial e saír do noso espazo natural de reunión, a biblioteca, así que, o 1 de xuño, collemos o autobús destino Padrón e alí agardávanos Nuria, excompañeira e mestra de Relixión, a nosa  guía, que nos levou polas rúas facendo o Roteiro Rosaliano.

Paseamos polos distinos lugares, casas, xardíns que percorrera Rosalía:

-Visita a Casa-Museo Rosalía.

-Xardín Botánico.

-Paseo do Espolón, para ver o Monumento a Rosalía de Castro.

-Casa da Rúa do Sol, a casa na que Rosalía pasou a súa infancia, dende os 4 ata os 10 anos,...

Acompañamos o noso percorrido cun recitado dalgúns dos poemas da nosa ilustre poetisa.

Foi unha xornada maravillosa na que aprendemos e disfrutamos xuntos!!! 

A entrega de diplomas puxo o punto e final ás actividades do Club de Lectura. Grazas!!!