PROGRAMA DE RADIO "25N"

Xa está aquí un novo programa da nosa Radio Xornal Seis do Nadal.

Nesta ocasión os/as protagonistas son a clase de 6ºA, que nos falarán do 25 N, Día Internacional da eliminación da violencia contra a muller.

Desfrutade desta nova entrega!!!

DÍA DOS INVENTORES E INVENTORAS

O 9 de novembro celébrase o Día dos inventores e inventoras e como ademais coincide co mes da ciencia en galego nas bibliotecas escolares, nos talleres de robótica os alumnos e alumnas de 6º tiveron que mergullarse na pel dos enxeñeiros/as para deseñar unha mascota robótica que contribuíse á sociedade ou ao coidado do Planeta, favorecendo así o desenvolvemento dos Obxectivos da Axenda 2030.

Os futuros enxeñeiros e enxeñeiras deseñaron robots que limpan ecosistemas, dan de comer aos pobres, purifican auga, melloran a educación...

Quen sabe se nuns anos son capaces de facelos realidade!

RETO "OSEISMEDIA"

Xa están aquí os Retos da Biblioteca. Actividade de procura documental que nos permite traballar o proxecto anual e tamén os Obxectivos ODS da Axenda 2030.

Este primeiro reto ten que ver co Consumo Responsable.

Os recursos cos que conta o planeta son escasos e por iso é importante facer un uso responsable dos mesmos para garantir ás novas xeracións un mundo mellor e máis xusto.

O consumo responsable baséase en dúas máximas: consumir menos e o que consumamos sexa o máis sostible e solidario posible.

Propoñemos facer un anuncio sobre algún produto que sexa respetuoso co consumo responsable.

Podes facelo no formato audiovisual que queiras: unha cuña de radio (só voz), un cartel publicitario, un anuncio para televisión…

Os traballos que fagades podedes entregalos na biblioteca ou envialos ao noso correo:

bibliotecaseisdonadal@gmail.com

Agardamos as vosas respostas!!!

CELEBRANDO O MAGOSTO

O venres 17 de novembro celebramos o Magosto no Seis. Desfrutamos dunha maña de xogos populares e as familias aportaron as castañas que asamos e degustamos. E coma sempre, a música acompañou esta xornada festiva e divertida!!!

PROGRAMA DE RADIO "O MAGOSTO"

Continuamos cos programas da nosa Radio Xornal Seis do Nadal.

Nesta ocasión os/as protagonistas son a clase de 6ºB, que nos falarán da festa do Magosto.

Desfrutade desta nova entrega!!!

VOLUNTARIADO 23-24

Voluntariado deste curso, alumnado de 6º de Primaria, que realizarán actividades de xestión e dinamización na biblioteca no tempo de lecer (recreos). Pezas importantes da nosa biblioteca.

Grazas polo voso traballo!!!

O MAGOSTO: LECTURAS

Broli está moi contento porque esta semana, se o tempo o permite, celebraremos unha festa moi nosa: O MAGOSTO e así poder desfrutar dunha xornada de xogos, música e de  castañas asadas!!!

Compartimos algúns contos e lecturas para esta data!!! Premede nos títulos para acceder aos contidos.

Contos

A castaña Catarina

María a castañeira

A castaña que reventou de risa

Lecturas que podedes atopar na biblioteca

GUÍA DE LECTURAS "CIENCIA EN GALEGO"

Guia de Lecturas Ciencia de Biblioteca Seis do Nadal

11 DE NOVEMBRO, DÍA DAS LIBRARÍAS

Hoxe é un día para reivindicar, unha vez máis, as librarías de proximidade, espazos que van máis alá da venda de libros, transformándose en motores culturais da comunidade.

Librarías con profesionais que entenden a literatura como algo non supeditado ás modas. Libreiros e libreiras que consiguen o imposible, que nos axudan a conformar unha colección rigorosa nas nosas bibliotecas. Librarías que son espazos de acubillo para alumnado e familias, con múltiples actividades compartidas.

É necesario coñecer e preservar a cadea do libro.

FONTE: BIBLIOTECAS ESCOLARES

REPASANDO AS VOGAIS COA TÉCNICA DO STOP MOTION

Estudios OSEISMEDIA presenta o seu novo vídeo realizado polo alumnado de 1°A. Traballaron coa técnica stop motion, que consiste en aparentar o movemento de obxectos estáticos mediante a captura sucesiva de imaxes. Foto a foto os seus debuxos e as súas palabras cobraron vida para repasar as vogais.