VISITA DE PERE TOBARUELA

O xoves 4 de maio, o alumnado de cuarto contou coa visita do escritor Pere Tobaruela, para falar dos seus libros Formig4s , Misión París e Misión Nova York, escollidos no itinerario lector deste curso.

FORMOS4, FORX4N, FORNEL4 e FORM4IL son os catro integrantes dos FORMIG4S, unha brigada especial que vai ata calquera recuncho do mundo para esclarecer os casos máis enigmáticos e complicados.

Iniciou a sesión falándonos do seu último libro Formig4s, Misión Tokyo .

O alumnado fíxolle as preguntas que tiñan preparadas sobre o seu traballo como escritor e a súa a obra, personaxes, ilustracións ...
Rematou asinando nos libros. Grazas Pere pola túa visita!!!

CARLOS CASARES, LETRAS GALEGAS 2017

 Selección de recursos para achegarnos á vida e obra de Carlos Casares

Fundación Carlos Casares

Seminario Galán

Secretaría Xeral de Política Lingüística

Real Academia Galega: "Primavera das Letras"

Páxina da Asociación de Escritoras e Escritores 
en Lingua Galega(AELG)

Liña do tempo de Carlos Casares
  Ceip Condesa de Fenosa

EN PICTOGRAMAS
Biografía de Carlos Casares 

A Galiña Azul 

Lolo anda en bicicleta 

ANIMACIÓN LECTORA CO BARDO ABELARDO

O xoves 27 de abril Servando Barreiro fixo unha animación á lectura para o alumnado de terceiro e cuarto .

Servando (O Bardo Abelardo) fai unha adaptación das obras "As laranxas máis laranxas de todas as laranxas" e "A galiña azul" para achegarnos á figura de Carlos Casares.

Escomenzou cunha presentación da vida e obra de Carlos Casares e despois intercalou contos (a historia de Leoncio, o inventor da bomba da Felicidade,... e outras ) con  cantigas nas que participou o alumnado facendo que pasaramos un rato moi divertido!!! Grazas!!!

VISITA DE ANTÓN CORTIZAS

O mércores 26 de abril o alumnado de terceiro recibiu a visita do escritor Antón Cortizas, autor do libro de poemas que estiveron lendo, "Vaia tropa!".

Foi unha sesión amena e agradable na que houbo momentos para as preguntas sobre o libro e tamén para a creatividade na que o alumnado participou activamente cunha actividade de papiroflexia.

Rematou asinando nos diversos exemplares  e escribiu unha adicatoria no mural que elaboraran con diversos poemas do libro.

Grazas Antón pola túa visita!!!

LER...UNHA EMOCIÓN COMPARTIDA

Nun fermoso día de sol celebramos os 
Apadriñamentos Lectores.

O luns 24 de abril, padriños e madriñas (3º, 4º, 5º, 6º) foron buscar ás aulas aos seus afillados e afilladas (infantil, 1º,2º) e logo todos xuntos fomos saíndo ao patio de terra.

Unha música moi suave acompañou as nosas lecturas nas que compartimos momentos cheos de emocións.

Como agasallo pola lectura compartida, os afillados e afilladas agasallaron cun marcapáxinas aos seus padriños e madriñas.

II MERCADIÑO SOLIDARIO

Para celebrar o Día do Libro (23 de Abril), a biblioteca organiza o II Mercadiño Solidario.

Os libros proceden do expurgo da biblioteca ou de donacións  co obxectivo de fomentar actitudes de responsabilidade e darlle un segundo uso a esos libros. 

O alumnado poderá levar un libro a cambio de traer alimentos non perecedeiros (fariña, azucre, pastas,...).

Todos os alimentos recaudados serán doados ao Banco de Alimentos de Vigo.

Esta actividade concíbese como un acto de solidariedade cos máis necesitados.

Nesta  semana do 24 ao 28 de Abril montaremos no vestíbulo do centro as mesas cos libros e, nos recreos, o alumnado voluntario da biblioteca encargarase de organizar o troco.

Trocaremos libros por alimentos.  Grazas pola vosa colaboración!!!

PACO NOGUEIRAS VISITA O SEIS

O venres, 21 de abril recibimos o actor, músico e narrador Paco Nogueiras que realizou dúas sesións de animación á lectura para o alumnado de educación infantil que disfrutou coas súas historias e coa súa música.

Previamente recibimos unha carta anunciando a súa visita.

Paco viu coa súa maleta cargada de historias e contos dos bosques e dos seus habitantes.

Nesta ocasión a contada centrouse en tres historias da editorial Kalandraka: Piñeiro, A árbore da escola e Míster Magnolia.

Pasámolo xenial e rematamos cantando todos xuntos 

"Cos pés na terra". Grazas Paco!!!

EN ABRIL, EMOCIÓNS MIL...COA LECTURA

Para celebrar o mes do libro e da lectura, a biblioteca ten  programadas diversas actividades.

Programación:

Encontro con escritor@s
Charo Pita, para 2º co seu libro "Oxalá estiveses aquí"
Antón Cortizas, para 3º co seu libro "Vaia tropa!"

Exposicións

Libros que falan de libros

Traballos sobre os libros de lectura obrigatoria

II Mercadiño Solidario

O alumnado poderá adoptar un libro procedente do expurgo a cambio de alimentos non perecedeiros.

Os alimentos recollidos serán doados ao Banco de Alimentos.

Semana do 24 ao 28 de Abril no vestibulo do centro e nos recreos.

Contacontos
Paco Nogueiras, para Infantil
Benxamín Míguez , para 5º e 6º
Servando Barreiro,  para 3º e 4º cunha animación para achegarnos á figura de Carlos Casares coa adaptación da obra "As laranxas máis laranxas de tódalas laranxas"

Liberación de libros
Liberamos varios libros ata o mes de xuño.
Levarán un distintivo na portada, cun aviso de que non é un libro perdido.
Se o atopas podes colleo, lelo e voltar a liberalo para que o atope outro compañeiro/compañeira.

Ler,...unha emoción compartida

O alumnado de 3º, 4º, 5º e 6º, apadriñará/amadriñará a un/unha de educación infantil, 1º e 2º .

O luns 24 , despois do recreo, sairemos ao patio para que o padriño/madriña lea o conto que escolleu e preparou para o seu afillado/a. 

Como agasallo pola lectura compartida, os afillados/as entregaranlles un marcapáxinas.

DÍA MUNDIAL DO LIBRO 2017

Coma en anos anteriores, a Consellería de Cultura, Educación e Ordenación Universitaria edita, co gallo do Día Mundial do Libro, un pequeno marcapáxinas cun texto orixinal dun autor ou autora galega. Nesta ocasión é Rosalía Fernández Rial a poeta que agasalla co seu texto sobre o libro e a lectura ás Bibliotecas Escolares de Galicia.

Rosalía lévanos co libro ao mundo da palabra, da música, da maxia, do imprescindible aire para respirar. 

o    Marcapáxinas completo DÍA MUNDIAL DO LIBRO 2017

o    POEMA DE ROSALÍA FERNÁNDEZ RIAL

FONTE: Bibliotecas Escolares

CHARO PITA VISITA O SEIS

O luns 3 de Abril visitounos a escritora e contacontos Charo Pita para falar co alumnado de segundo sobre o seu libro "Oxalá estiveses aquí".

O libro conta as aventuras dunha  lebre, que tras descubrir unha mensaxe nunha botella decide emprender unha viaxe para atopar a quen a escribiu.

Na sesión respondeu a todas as preguntas e ademais contounos unha adaptación da fábula da lebre e a tartaruga.

Gozamos coa súa presenza e bo facer, tamén dunha fermosa cantiga de orixe africana.

Para rematar asinou nos exemplares do alumnado e agasallamos cun pequeno presente feito coas nosas mans e as preguntas e ilustracións que tiñamos preparadas .

Grazas pola visita!!!