NOVIDADES DE MARZO

IAGO LÓPEZ VISITA O SEIS

O martes 21 contamos con  Iago López , contacontos e autor do libro "O Cociñeiro Martiño".

Iago, transformouse no cociñeiro Martiño, o protagonista do seu libro, para facer disfrutar ao alumnado de 1º e 2º.

Nunca cinco ingredientes e a elaboración dun biscoito deron tanto de si.

"No palacio real andan buscando alguén para traballar nas cociñas. Unha persoa que saiba guisar, asar e cocer para reis, raíñas, marquesas, duquesas e príncipes de todas as cores e condicións… Martiño quere preparar o mellor biscoito da súa vida, pero antes debe conseguir os ingredientes que precisa". 

Para elo contou coa axuda e a colaboración dos nenos e nenas que se convertiron nos personaxes da historia.

Grazas pola túa visita!!

PRIMAVERA DAS LETRAS

A Real Academia Galega acaba de poñer en marcha a segunda edición do proxecto web Primavera das Letras, unha iniciativa coa que pretende fornecer a comunidade educativa de infantil e primaria de recursos didácticos e lúdicos arredor do protagonista do Día das Letras Galegas de cada ano. Co propósito de que todos os potenciais usuarios e usuarias poidan coñecer esta ferramenta.

Carlos Casares, o escritor que será homenaxeado no Día das Letras Galegas de 2017, e o seu universo vital e literario son o eixe das propostas didácticas deste ano. Un dos obxectivos de Primavera das Letras é promover que a aprendizaxe arredor desta celebración non se limite aos días previos ao 17 de maio. Deste xeito, desde finais do mes de febreiro estanse a publicar novas fichas didácticas e contidos interactivos.

A web da Academia, academia.gal, recolle na sección Letras Galegas un percorrido biográfico e imaxes da vida de Carlos Casares, e tamén ofrecerá durante estes meses reportaxes e entrevistas sobre a figura homenaxeada.

Fonte:RAG

XVIII SALÓN DO LIBRO INFANTIL E XUVENIL

Dende  o 10 de marzo ata o 2 de abril desenvólvese, no Pazo de Cultura de Pontevedra, o XVIII Salón do Libro Infantil e Xuvenil, este ano baixo o lema "O mundo que queremos".

O lema, lonxe de ser unha utopía, pretende aunar aportacións reais, tanxibles e factibles para construir ese mundo mellor. Englobando temas como o coidado do medio ambiente, a saúde, a integración e a igualdade, cuestións como accesibilidade e a mobilidade, o respecto , a inmigración ou a vellez, a solidariedade, a investigación en todos os seus ámbitos etc.

Son diversas as actividades abertas a todos os públicos: contos, espectáculos, teatro,....

HORARIO

De luns a venres: De 17:00 a 20:00 h.

Os sábados, domingos e festivos: De 11:00 a 14:00 e de 17:00 a 20:00 h

Todo o programa, aquí.

MANDADIÑOS DO MECO

"Aquí o noso Meco

un home viaxeiro

todo emocionado 

de ver o mundo enteiro"

Neste Entroido emocionante e viaxeiro imos ver que manda o Meco

ENCONTRO CON LEDICIA COSTAS

O 14 de febreiro recibimos a Ledicia Costas. Tivo un encontro co Club de lectura,16 alumnos/as de 6º de primaria: tocaba posta en común coa súa obra "Escarlatina, a cociñeira defunta".

Preparamos especialmente a súa visita: unha das alumnas caracterizouse como Escarlatina, outros fixeron debuxos dos personaxes, outros prepararon algunhas receitas do seu libro,..

E conseguimos sorprendela, pois nada máis ver a caracterizada de Escarlatina quixo fotografarse con ela.

O encontro tivo lugar na sala Rosalía, onde a agardaban as receitas elaboradas polos membros do club de lectura.

Descubrimos moitos dos seus segredos: que lle fascina a temática relacionada coa morte, que é moi larpeira, que escribe dende os trece anos,.....contounos anécdotas e poidemos facerlle todas aquelas preguntas sobre os personaxes, as ilustracións,...que levabamos preparadas.

Anticipounos que xa está traballando no seu próximo libro que terá que ver cunha tradición nosa ,o samaín.

Houbo tempo tamén para asinar no libro de visitas do centro e nos exemplares de Escarlatina e Esmeraldina.

E, coma sempre que nos visita, soubonos a pouco.

Moitas grazas Ledicia por compartir connosco o teu tempo e achegarnos a túa experiencia literaria. Ata a próxima!!

DÍA DE ROSALÍA DE CASTRO 2017

A Asociación de Escritoras e Escritores en Lingua Galega (AELG) disponse a conmemorar un ano máis o Día de Rosalía de Castro. O 24 de febreiro, fixado no Calendario do Libro e da Lectura como aniversario do nacemento da autora, esta entidade propón á cidadanía que agasalle un libro en galego e unha flor.

Alén do acto central, que terá lugar ás 12:00 do domingo 19 de febreiro no Panteón de Galegos Ilustres, a AELG en colaboración coa súa base asociativa está organizando por todo o país lecturas públicas da obra de Rosalía de Castro.

En todos estes actos lerase o tradicional manifesto da AELG, que este ano elaborará a escritora Ledicia Costas.

En Vigo

Programa de actividades

Para expandir o poder da súa palabra entre a xente nova, a AELG convida a celebrar o Día de Rosalía de Castro nos centros de ensino con estas accións colectivas de difusión da súa obra.

Para Educación Infantil e Primaria a AELG propón que cada alumna/o elabore unha máscara de Rosalía de Castro. Posteriormente faríanse fotos do alumnado caracterizado de Rosalía acompañado das súas persoas maiores, portando entre ambos un pequeno cartel cun verso rosaliano da escolla da alumna ou alumno. A documentación gráfica sería subida á rede polo centro de ensino antes do 24 de febreiro, coa etiqueta #RosalíaTe.

Fonte: AELG

LIBROS NOVOS

Estas son as novidades deste mes de febreiro que están en exposición na biblioteca e que xa podedes levar en préstamo para as vosas casas.

Agardamos que vos gusten!!!!

DÍA DA PAZ 2017

O luns 30 de xaneiro celebramos o Día da Paz co lema 

"Tod@s baixo o mesmo sol"

Ao longo desa semana desenvolvemos actividades relacionadas co tema con lecturas, cancións, escribimos a palabra paz en varios idiomas,  debuxos, mensaxes, ... traballando valores como a amizade, solidariedade, respeto, compromiso, axuda, convivencia, ...e recordando a necesidade da Paz no mundo.

Ilustramos a canción "Beixo, abrazo e apreixón" de Mama Cabra.

Con camisetas brancas e calcetíns pintados coas cores do arco da vella  xuntámonos  no pavillón  para cantar  "El mismo sol".

Entre todos/todas  montamos un mural en forma de sol cos nosos sorrisos.

DÍA DA ILUSTRACIÓN 2017

O día 30 de xaneiro, coincidindo co nacemento de Daniel Rodríguez Castelao, celébrase o Día da Ilustración.

As bibliotecas públicas galegas organizan diversas actividades: obradoiros de cómic e ilustración, exposicións, mostras bibliográficas,...

(Preme na imaxe para acceder á programación)

Este ano, como novidade, iníciase unha serie de homenaxes a autores históricos galegos que comeza co debuxante, caricaturista e humorista gráfico Álvaro Cebreiro (A Coruña, 1903-1956).

A AGPI (Asociación Galega de Profesionais da Ilustración) elaborou un vídeo para a difusión da  súa vida e obra.