INVESTIGANDO SOBRE A LUZ

Durante o primeiro trimestre o alumnado de 5º realizou unha investigación sobre a luz, no marco do PDI do centro “OSEISMEDIA”. 

A luz é fundamental nun estudo de produción, nun espectáculo ou en calquera creación audiovisual, por iso o alumnado púxose en marcha para buscar información sobre que é a luz, as súas propiedades e o comportamento dos materiais ante esta. Tamén descubriu curiosidades como que é a bioluminiscencia, por que se crean as sombras ou quen inventou a bombilla, elemento que vai ser fundamental nas nosas creacións ao longo do curso.

 

A seguinte fase foi xuntarse por equipos para plasmar toda esa información en cartaces que locen nos corredores do cole para que os demais compañeiros e compañeiras poidan curiosear.

BIBLIOLAB: ADORNOS DE NADAL

Unha pequena mostra das actividades que se desenvolveron na BiblioLab no mes de decembro.

Empregamos diferentes materiais para elaborar os nosos adornos de Nadal (estrela, anxo, bolas…) e así decorar a nosa árbore. Cada actividade tiña un código QR para visionar o video explicativo para a súa elaboración.

UN NADAL DE CINE

Estas son algunhas das actividades coas que desfrutamos deste Nadal e que puxeron fin a este 1º Trimestre:

-O 2º ciclo (3º e 4º de Primaria) foi o encargado de adornar a entrada con fotografías dos distintos grupos e do persoal da nosa comunidade educativa.

A árbore decorada con elementos de cine: micros, claqueta,...

Reciclamos cd decorándoos con motivos navideños empregando diferentes tipos de materiais: goma eva, botóns, algodón, papeis... que foron colgados do teito.

-Exposición de lecturas, nas que os protagonistas son os personaxes máxicos desta data, Papa Noel, os Reis Magos...

-Festival de Nadal coa actuación dos grupos pares, 5º Edº Infantil, 2º, 4º e 6º de Primaria. Os nosos actores e actrices desfrutaron no escenario cantando e bailando!!!

-Visita da Apalpadora a Edº Infantil, 1º e 2º de Primaria. Este curso recibimos por primeira vez a visita da Apalpadora que baixou das montañas para acompañar aos nenos e nenas do cole e contarlles algunhas cousiñas co obxectivo de facer un mundo máis solidario e sostible.

Podedes ver as ilustracións feitas polo alumnado de 5º seguindo os pasos de Leandro Lamas para debuxar ao Apalpador. O resultado espectacular!!!

CONSELLOS PARA UN NADAL RESPONSABLE

O alumnado de 1º de Primaria comparte uns consellos para un consumo responsable nestas datas de Nadal.

RECOMENDACIÓNS BANDA DESEÑADA

Ler en viñetas de Biblioteca Seis do Nadal

FELICITACIÓN DE NADAL CON SCRATCH

Como non podía ser doutro xeito para rematar o trimestre no obradoiro de robótica de 6º o alumnado creou tarxetas dixitais con Scratch para felicitar o Nadal. 

Se entrades na seguinte ligazón podedes ver un exemplo: 

Felicitación de Nadal '23

GUÍA DE LECTURAS NADAL 2023

Coma todos os anos por estas datas achegamos a nosa Guía de Lecturas cos libros que traballaremos nas aulas despois das vacacións de Nadal. Podedes incluilos nas vosas cartas ao Apalpador, Papa Noel e aos Reis Magos.

Contaremos coa presenza dos escritores e escritoras que compartirán co alumnado momentos para falar dos seus libros.

Tamén inclúe recomendacións para as familias e unha pequena homenaxe ao escritor Miguel López, o Hematocrítico, finado recentemente, cunha selección dos seus libros.

En dous formatos: nun tríptico e na presentación en Canva.

Colabora co comercio local e merca nas súas librarías!!!

Un libro sempre é un bo agasallo!!! 

Neste Nadal agasalla lecturas!!! 

Guía lecturas nadal 2023 de Biblioteca Seis do Nadal

1ª XUNTANZA CLUB DE LECTURA ADULTAS

O luns 27 de novembro reuniuse por primeira vez neste curso o Club de Lectura de Adultas “Ás seis no Seis”.

Incorporanse catro novas mulleres ao noso club. Nesta primeira ocasión, por diversos motivos, non poidemos xuntarnos todas.

Compartimos opinións sobre o libro “Non penses nun elefante rosa”, no que Antía Yáñez aborda o tema da saúde mental. Permitiunos coñecer e achegarnos a como é a vida de Laura, unha rapaza que ten TOC. A valoración foi moi diversa reflexionando sobre determinados temas que estan presentes no libro: a ansiedade, culpabilidade, amizade con Brais (un neno de 10 anos), o sufrimento, o amor, a relación coa familia...

Coma sempre acompañamos as nosas conversas cun café e algo doce.

Falamos das posibles lecturas deste curso: poesía (Yolanda Castaño), teatro (Paula Carballeira), narrativa… 

Escollemos o seguinte libro que imos ler, “Ninguén contará a verdade” de Pedro Feijoo.

Agardando pola vindeira reunión!!!

PROGRAMA DE RADIO "DÍA DA DISCAPACIDADE"

Xa está aquí un novo programa da nosa Radio Xornal Seis do Nadal.

Nesta ocasión os/as protagonistas son a clase de 5ºB, que nos falarán da Día da DisCapacidade.

Desfrutade desta nova entrega!!!

INAUGURACIÓN ESPAZOS CENTRO

O xoves 30 de novembro contamos coa presenza de varias Autoridades que asistiron á inauguración da Aula Croma, ampliación da Aula Multisensorial e a Cociña do Comedor.

O acto estivo presentado polo voluntariado de 6º da biblioteca que foron os encargados e encargadas de acompañalos na súa visita aos distintos espazos.

Agradecemos a presencia de todas as autoridades da Xunta, ao representante da Asesoría de Bibliotecas Escolares, a Foanpas e a nosa Anpa.