EXPOSICIÓN FINAL PDI

Ao longo deste curso, mergullámonos nun fascinante universo de cores, emocións e aprendizaxes co noso Proxecto Documental: "O Gran Circo do Seis". Este proxecto converteuse no fío conductor das actividades do centro e no eixo vertebrador do proceso de ensino-aprendizaxe. 

A través de múltiples propostas, o alumnado explorou a historia do circo, as súas disciplinas e personaxes, a linguaxe propia do espectáculo e os valores que o acompañan: esforzo, cooperación, respecto, superación e alegría compartida.

Os resultados destas investigacións e creacións foron tomando forma nas aulas e corredores, ata culminar nunha exposición final que reuniu os traballos máis destacados do curso.

A exposición organizouse en diferentes espazos temáticos:

-Historia do circo; Viaxar, viaxar; A música do circo; Equilibrio e aire; Corpo e mente; Circo sensorial; Ler e ver o circo; Emocións.

-Arte e cor: a estética do circo a través da pintura con Botero, Picasso, Dalí e o circo de Calder.

O día 9 de xuño, en horario de tarde, recibimos ás familias. A visita á exposición converteuse nunha oportunidade para compartir procesos, descubrimentos e emocións, celebrando o traballo colectivo e a creatividade do alumnado. 

Para facilitar o percorrido, elaborouse unha guía da exposición que permitiu observar, coñecer e desfrutar cada espazo con calma e curiosidade.

No seguinte vídeo podedes ver unha pequena reportaxe da exposición.

VIAXANDO POLO MUNDO DO CIRCO

Ao longo das últimas semanas, o alumnado de 5º de Primaria estivo inmerso nun proxecto de investigación arredor do mundo do circo, no que combinaron aprendizaxe, creatividade e expresión oral.

Nesta ocasión, cada neno e nena investigou sobre un aspecto concreto: os tipos de circo, as profesións, a vida no circo ou o circo como arte.

A partir da información recompilada, prepararon as súas intervencións para compartilas na aula, así as exposicións orais convertíronse nun momento clave  da actividade, no que o alumnado puido poñer en práctica as súas habilidades comunicativas, expresar as súas ideas e aprender tamén das achegas dos compañeiros e compañeiras.

O conxunto destas exposicións deron lugar á creación dun libro viaxeiro informativo sobre o mundo do circo.

CAMPAÑA CIRCO SEN ANIMAIS

O alumnado de 1º A centrou o traballo do PDI do circo deste curso en coñecer a orixe do circo moderno e, sobre todo, a evolución dos espectáculos circenses dede a perpectiva do uso de animaias silvestres. Investigamos como eran antes as funcións con "feras" e o moito que cambiaron os circos actuais, que apostan por alternativas creativas como animais animatrónicos ou hologramas.

Descubrimos que, por sorte, no noso país o uso de animais silvestres está prohibido pola Lei de Benestar Animal, pero tamén soubemos que noutros lugares do mundo aínda se permiten circos con animais. Isto pareceunos inxusto, porque todos os seres vivos deberían poder vivir libres no seu hábitat natural.

Moi sensibilizados coa causa, coñecemos tamén as duras condicións nas que moitos destes animais malviven e a importante labor das organizacións que os rescatan e readaptan en refuxios e santuarios. Por iso, decidimos poñer en marcha unha campaña no cole a favor da supresión dos circos con animais.

Prepararon unha exposición visual sobre o tema e unha recollida de sinaturas para todos os que queiran unirse a esta campaña.

“O circo é máis fermoso cando todos os animais son libres.”

O CIRCO AO LONGO DA HISTORIA

O alumnado de 5º de Primaria participou nunha actividade de investigación enmarcada no PDI, centrada na evolución do circo ao longo da historia.

A proposta comezou cunha actividade  motivadora en forma de xogo de pistas por estación. Organizados en grupos, os nenos e nenas tiveron que resolver diferentes retos empregando o seu inxenio, a lóxica e o traballo en equipo. Cada proba superada permitíalles conseguir unha parte da liña do tempo do circo, que posteriormente serviría como base para o traballo de investigación. Foi unha xornada moi dinámica e divertida, na que a participación activa foi protagonista.

Unha vez rematada esta primeira fase, cada grupo encargouse dunha etapa histórica do circo. A partir dunha investigación guiada, o alumnado recompilou información relevante sobre as características  da súa época. Os cambios máis significativos e os elementos máis representativos.

Como produto final, elaboraron un cartaz no que sintetizaron a información e acompañaron con imaxes ilustrativas, traballando así a capacidade de selección, organización e presentación dos contidos.

Para completar a actividade, cada grupo realizou a súa exposición oral, compartindo co resto da clase o aprendido. Deste xeito, construiron entre todos unha liña do tempo do circo, integrando as diferentes etapas e comprendendo a súa evolución dun xeito global.

PROXECTO DOCUMENTAL ANUAL

Este curso o Seis convértese nun gran CIRCO abrindo as portas da nosa gran carpa mergullándonos na maxia que envolve este espectáculo.

Convidamos ás crianzas a explorar o mundo como verdadeiros/as artistas de circo: facendo malabares coas ideas, buscando equilibrio nas emocións, descubrindo a música da aprendizaxe e deixando que a súa creatividade se eleve como acrobacias no aire.

Un proxecto no que seguiremos a traballar por un futuro sostible, colaborando conxuntamente para acadar os Obxectivos ODS da Axenda 2030.

Agardamos contar coa vosa colaboración nas distintas actividades de investigación e creación propostas dende o cole!!!

EXPOSICIÓN FEIRA ARTESANAL

Ao longo deste curso, o noso Proxecto Documental centrouse na artesanía e nos oficios tradicionais. Este enfoque permitiu ao noso alumnado mergullarse nas raíces culturais, apreciar a creatividade e recoñecer o valor do traballo feito a man.

Esta exposición representa unha recompilación das investigacións e creacións realizadas sobre os diferentes oficios. A mostra inclúe materiais, recreacións e espazos que reflicten o coñecemento adquirido ao longo do curso.

A feira estaba organizada en varios recantos temáticos:

• Redeiras: enredadas co mar.
• Rúa dos cesteiros/as.
• A vida secreta da madeira.
• Oleiros/as: agarimos de terra.
• Pasiño a pasiño cos meus zocos.
• Entre telares anda o xogo.
• Foliada artesanal.

Ao percorrer os corredores da feira, os visitantes atoparon contos fascinantes que brincan de cada recanto. Estas historias resaltan a maxia das mans que crean, invitando a descubrir, a través da súa mirada, a riqueza e a historia dos oficios tradicionais.

Invitamos a todas as familias a unirse a esta experiencia única o martes 3 de xuño, en horario de tarde. Para facilitar o percorrido polo centro, elaboramos unha guía da exposición que permitiu observar, coñecer e desfrutar plenamente da nosa feira.

Exposición Feira Artesanal de Biblioteca Seis do Nadal

PROXECTO DOCUMENTAL ANUAL

Este curso o Seis convértese nunha Feira Artesanal co obxectivo de coñecer os nosos oficios tradicionais (cesteir@s, redeiras, carpinteir@s, zoqueir@s, oleir@s...) e a súa relación coa artesanía actual. 

Trasmitir ao noso alumnado o valor dos mesmos relacionado co noso patrimonio cultural e, ao mesmo tempo, o vinculamos cun consumo responsable, que aproveita os recursos de proximidade e a produción local.

Un proxecto no que seguiremos a traballar por un futuro sostible, reutilizando e dándolle unha segunda vida a materiais que xa temos e colaborando conxuntamente para acadar os Obxectivos ODS da Axenda 2030.

Tamén crearemos coas nosas mans obxectos artesanais de todo tipo.

Agardamos contar coa vosa colaboración nas distintas actividades de investigación e creación propostas dende o cole!!!

INVESTIGANDO BANDAS SONORAS DE CINE

En música traballaron as Bandas Sonoras máis famosas da historia do cinema e os compositores desas bandas sonoras.

O alumnado de 5º e 6º de Primaria elaborou traballos onde investigaron sobre a película, o argumento, os actores e actrices, a biografia do compositor...

Con estes traballos organizouse unha exposición nos corredores do cole.

Bandas sonoras de cine de Biblioteca Seis do Nadal

ACTUACIÓN DO GRUPO MITIC

Como remate do proxecto documental anual “OSEISMEDIA”, contamos coa presenza de Álvaro e Suso Costas, do grupo MITIC, que interpretaron bandas sonoras de películas como ET, juego de tronos, star wars, indiana jones...

A protagonista no escenario foi a gaita.

Todos e todas, grandes e pequenos/as, desfrutamos e bailamos ao ritmo da música.

Moitas grazas pola visita!!!

Un gran peche para este ano de película!!!!

ANACOS DO NOSO PATIO

No Obradoiro da Linguaxe de Edº Infantil traballaron o tema do proxecto “OSEISMEDIA” en varias sesións.

Presentáronlle aos nenos/as distintos tipos de cámaras fotográficas: compactas, réflex, dixitais, analóxicas...

Tamén lles explicaron como funcionan as cámaras con carrete e viron e tocaron distintos negativos. Todo o alumnado probou a mirar polo visor e a darlle ao disparador.

Posteriormente elaboraron un visor de cartolina, do tamaño dunha foto de 10x15, e saíron ao patio co obxectivo de buscar cada un a instantánea que máis lle gustase. Elixiron a súa foto, a imprimiron e a pegaron nun marco.

Cada alumno/a explicouna despois aos demais (describiron a fotos, por que elixiu ese tema, que sensacións lle provocou...), puxéronlle un título e decoraron o marco.

Con todas elas realizaron unha exposición no corredor, chamada: “ANACOS DO NOSO PATIO”, certificando a autenticidade das obras cun diploma.

ENCONTRO CO CINEASTA ÁLVARO GAGO

O luns, 3 de xuño, o alumnado do centro tivo a sorte de coñecer ao cineasta vigués Álvaro Gago, director da premiada película “Matria” rodada en Galicia e en galego, e nomeada aos premios Goya de cinema.

A súa emoción por compartir con nós eses momentos era inmensa xa que foi alumno do noso cole.

No encontro puidemos ver a súa “ópera prima” titulada “Curricán”, curtametraxe rodada en 16mm na localidade de Vilanova de Arousa tamén en galego e protagonizada por un avó mariñeiro e os seus dous netos, e que nos contou que está baseada nas súas propias vivencias da infancia.

4º de Edº infantil disfrutou cos exemplos prácticos e puido tocar e experimentar co taumatropo e o zootropo.

Grazas Alvaro pola visita e por compartir con nós o teu tempo!!! Moita sorte nos novos proxectos!!!

FOTOGRAFÍA: CAROLINE SOUTH

Para rematar o proxecto documental deste curso, a fotografia, na clase de 5º de Edº Infantil traballaron unha última fotógrafa: Caroline South.

Unha fotógrafa inglesa que estudou arte e deseño, á que lle encanta facer composicións de elementos naturais, sobre todo, atopados. A través dunha presentación de fotos, coñeceron o traballo desta autora.

E nas vacacións de Semana Santa tiñan que recoller plásticos de cores das praias. Falaron e clasificaronnos segundo a súa cor.

Tamén investigaron sobre as cores do Arco da vella e crearon os seus propios con plástico.

Continuaron explorando o traballo da artista xogando cos plásticos de cor branca para crear composicións e mandalas.

Tamén crearon o marco para a súa foto e o decoraron con formas diferentes.

Remataron completando unha ficha sobre o traballo de Caroline. Debuxáronna, escribiron o seu nome e catro palabras claves: fotógrafa, creativa, composicións e arco da vella.

TEATRO DE SOMBRAS

Continuando co proxecto deste curso "OSEISMEDIA", en 5º de Primaria están a traballar o Teatro de Sombras e a arte de contar historias tomando como referencia contos con sombras: o Mago de Oz e Mary Poppins.

Nesta ocasión o alumnado de cada aula fixo unha narración dos contos que se gravou para posteriormente unir dixitalmente coa proxección das sombras de cada escena.

A continuación podedes desfrutar de ambos contos. 

MULLERES IMPORTANTES NA NOSA VIDA

Continuando co proxecto anual de fotografía Edº Infantil, para conmemorar o 8M, coñeceron á fotógrafa e pintora Mary Quintero, especialista en retratos.

Solicitaron á colaboración das familias pedindo fotografías de mulleres importantes na vida dos nenos e nenas. Con elas fixeron a súa versión deses retratos coloreando a man, como ela facía, fotos en blanco e negro.

Organizaron diferentes actividades:

-Colorearon fotos e as caixas para formar a figura de Mary Quintero entre todo Infantil.

-Falaron das mulleres importantes das súas vidas e seleccionaron unha delas para facer o seu retrato.

-Para os retratos empregaron diferentes formatos como soporte: cd reciclados, tarxetas... e diferentes tecnicas e materiais.

-Montaxe da exposición no vestíbulo do centro.

DÍA DA MULLER 2024

Con motivo do 8M, Día Internacional da Muller, organizamos diversas actividades:

Exposición temática cunha selección de “Lecturas en feminino”, con biografías sobre mulleres científicas, escritoras, valentes, pioneiras, fortes,... en diferentes eidos da sociedade e, libros nos que as mulleres e as nenas son protagonistas, que estiveron a disposición do profesorado para poder traballar con elas.

Cada aula realizou unha investigación sobre mulleres galegas que destacan no eido audiovisual seguindo o PDI deste curso: fotógrafas, cineastas, actrices, xornalistas...

A partir da información crearon un producto final (poster, vídeo, actividade plástico-visual...) que foi exposto no vestíbulo do centro.

Edº Infantil: Mary Quintero

1º Primaria: Sofía Casanova e Mª Luz Morales

2º Primaria: Cándida Otero Fontán

3º Primaria: Mabel Rivera e Dorotea Bárcena

4º Primaria: María Pujalte, Chelo Loureiro e María Castro

5º Primaria: Mercedes Mariño e María Casares

6º Primaria: Sofía Casasnovas e Cristina Castaño

8M: MERCEDES MARIÑO E MARÍA CASARES

Nas aulas de quinto, con motivo do 8M, estiveron traballando as figuras de actrices galegas que abriron camiño a outras mulleres no mundo do teatro e do cinema.

O alumnado tivo que realizar unha investigación sobre as vidas de Mercedes Mariño e María Casares para posteriormente crear as súas biografías, aproveitando así para traballar esa tipoloxía textual.

Posteriormente elexiuse unha desas biografías e coa aplicación Chatterpix crearon un vídeo que narra a biografía destas dúas grandes mulleres e das cales podedes desfrutar nos seguintes vídeos:

MERCEDES MARIÑO

MARÍA CASARES

PAQUITA IN LONDON

O martes 27 de Febreiro, a fantástica actriz, cantante e bailarina, ARIADNA SANTANA, asistiu ao noso cole para representar, por primeira vez na nosa historia, unha marabillosa obra de teatro en inglés: "Paquita en Londres" para os nenos e nenas de 4º, 5º e 6º de Primaria.

Paquita, unha estranxeira andaluza en Londres,  vai a unha axencia de viaxes para solicitar un tour arredor da cidade… De súpeto, todo cambia cando o guía turístico enferma da barriga e lle pide a Paquita un grande favor: que ocupe o seu lugar na axencia porque un grupo de turistas moi importante (nenos/nenas voluntarios/as que saíron ao escenario para interactuar con ela) estaban a punto de chegar e el non podería atendelos.

Paquita, moi preocupada, contestoulle que ela non coñecía Londres e que o seu inglés era moi malo pero por arte de maxia, ao vestir a chaqueta do guía turístico, empezou a falar cun acento británico envidiable e saiu a ensinarlles aos turistas os puntos de referencia más importantes desta preciosa cidade a través de cancións tradicionais a da música dos Beatles.

Disfrutamos enormemente desta función porque aprendimos moitas curiosidades sobre Londres e bailamos e cantamos con Paquita. Ademáis, non puidemos parar de rir!

Agardamos poder disfrutar pronto doutra obra de teatro en inglés porque foi una experiencia inolvidable!

No blog de inglés podedes ver a mensaxe que a clase de 4ºC lle adica á actriz e a resposta dela.

https://learningtheropeswithlou.blogspot.com/2024/02/paquita-and-4c.html