A Radio do Seis volve cunha nova entrega chea de cor, música e alegría. Nesta ocasión, o protagonista é o Entroido, unha das festas máis esperadas do ano.
A clase de 1ºA foi a encargada de preparar un programa para contar como se viviu a semana de Entroido no colexio. A voz dos nenos e nenas encheu o aire de entusiasmo, demostrando que o Entroido é moito máis ca unha festa: é unha oportunidade para compartir, rir e celebrar xuntos.
Agardamos que o desfrutedes!
A semana do 9 ao 13 de febreiro foi unha explosión de alegría e tradición no noso cole, co Entroido como protagonista. Unha semana intensa, chea de actividades que achegaron o noso alumnado á riqueza cultural do Entroido galego.
O alumnado de 1º de Primaria tivo a sorte de contar coa presenza de Sonia, nai de dous alumnos e membro da ANPA, que impartiu unha interesante charla sobre o Entroido vigués e a figura do Merdeiro. Sonia amosou elementos típicos como a carouta e a roupa tradicional, explicando a súa orixe e significado.
A rapazada de 4º de Primaria participou nun obradoiro de instrumentos de percusión tradicional, a cargo da Asociación Veciñal do Casco Vello. Este obradoiro serviu como preparación para a Reconquistiña, unha celebración moi importante na nosa cidade.
Un ano máis, celebramos o tradicional obradoiro de cociña onde preparamos as deliciosas roscas de Entroido que estaban riquísimas e que compartimos coa comunidade educativa.
Durante toda a semana, cumprimos os Mandadiños do Meco e desfrutamos desta festa!!!
O Entroido chegou! É tempo de celebrar, disfrazarse e desfrutar da nosa rica gastronomía (filloas, orellas, cocido…). Prepárate para días cheos de cor, música e tradición!
O Entroido en Galicia é unha
festa única, chea de personaxes e tradicións propias. Desde os cigarróns de
Verín ata os peliqueiros de Laza, pasando polos volantes, troteiros, madamas e
galáns, o oso, o merdeiro, mázcaras, pantallas, xenerais, o galo… cada lugar
ten a súa particular maneira de celebrar esta época do ano.
O equipo de biblioteca preparou unha escolma de
lecturas para estas datas. Podes atopala en exposición e mergullarte nas súas historias.
Recomendamos tres
libros que fan un percorrido polos personaxes tradicionais do noso Entroido.
GUÍA ILUSTRADA DO
ENTROIDO GALEGO
Xabier Domínguez e Alba de Evan con ilustracións de Iria Prol. Ed. Xerais
Unha guía divertida e amena para coñecer algúns dos Entroidos máis sorprendentes de Galicia, con ilustracións e curiosidades que farán rir, aprender e querer saír a correr tras as máscaras. Prepárate para o mellor Entroido da túa vida!
É TEMPO DE ENTROIDO!
Ramón D. Veiga con
ilustracións de David Sierra
Ed. Xerais.
É tempo de Entroido, de festa, de máscaras, de filloas e de cocido. E que pasa cando se xuntan algúns dos personaxes máis senlleiros do Entroido para darse unha boa paparota? Que non deixan nin a vergonza do galego!
NON PARE A
FESTA. É tempo de entroido 2
Ramón D. Veiga
con ilustracións de David Sierra
Ed. Xerais
Un grupo de personaxes do Entroido Galego, con instrumentos musicais e outros útiles para montar estrondo, xúntanse co propósito de organizar unha boa festa.
Chegou febreiro, e con el...o Entroido!🎉
Este mes, a biblioteca transfórmase nun circo máxico onde as pezas de Lego son grandes estrelas.
Únete ao Gran Circo do Seis e deseña a cara dun pallaso usando pezas de Lego. Lembra empregar polo menos tres cores para que o teu pallaso sexa único e especial.
Durante os recreos na biblioteca axuda a construir o circo de Lego: cada man conta para crear un mundo de fantasía e dar renda solta á túa creatividade!. Completa o reto e engade unha nova pegatina á túa folla de retos! 🎪
O xoves 27 de marzo tivemos o I Encontro dos Clubs de Lectura do Ceip Alfonso D. Rodríguez Castelao de Navia e do Ceip Plurilingüe Seis do Nadal.
Nesta
primeira ocasión, cos nosos clubs de lectura de 5º e 6º, acercámonos ao Ceip Castelao
para ter un encontro literario co escritor Pere Tobaruela e poder conversar
sobre o libro que lemos, “Formig4s. Misión Entroido”.
Pere
levounos ao seu mundo de imaxinación e creatividade a través das súas verbas explicándonos
que o obxectivo das súas historias é que o lector/lectora desfrute e tamén que aprenda.
Este
enfoque didáctico permitiunos coñecer mellor o noso entroido tradicional no que
a narrativa e a banda deseñada danse a man.
Chegado
o momento o alumnado puido preguntarlle todo o que querían saber sobre os
personaxes, temática, inspiración... e tamén que un novo título, “Formig4s. Misión Samaín”, estará
en breve nas librarías para poder desfrutar dunha nova aventura destes fantásticos
personaxes.
Rematamos
a xornada cun pasapalabra sobre o libro.
Como agasallo entregamos á rapazada dos clubs de lectura unha chapa e un marcapáxinas como recordo desta marabillosa xornada !!!
Moitas grazas Pere por acompañarnos e compartir o teu tempo con nós!!
O Entroido é o protagonista desta nova entrega da Radio do Seis.
.png)
A clase de 4ºA preparou un programa con información e curiosidades sobre esta festa tradicional e a súa celebración nas diferentes zonas de Galicia, as carautas, vestimentas e comidas típicas destas datas.
Agardamos que o desfrutedes!!
Os Formig4s, son os protagonistas das conversas nunha nova xuntanza do Club de Lectura de 5º que se reuniu o venres 7 de marzo.
.png)
Durante
a sesión, mergullámonos nesta historia e un taboleiro con máscaras así como un mapa
permitiunos ubicar os diferentes entroidos de Galicia dos que se fala nesta nova
aventura na que Paumao tenta acabar con esta festa.
Coma sempre acompañamos as nosas reunións cun doce mentras aportamos as nosas opinións sobre esta lectura coa que tanto desfrutamos!!!
Despois dunha semana de moito traballo e de cumprir os mandadiños do Meco, o Entroido do Seis chega ao seu día!!!
O venres 28 de febreiro, os ficios encheron de cor o noso centro. Música, bailes e ritmo marcaron un entroido moi artesanal!!!
Os disfraces elaborados seguindo o
proxecto anual, Feira artesanal: sargadelos, xoieiros/as,
mariñeiros/as, redeiros/as, cesteiros/as, merdeiros/as, artesáns,
sombreireiros/as.
Primeiro desfilamos no pavillón. A
comparsa da Anpa foi a primeira en abrir o desfile e, a continuación, as
distintas clases foron desfilando ao ritmo das cancións elexidas con
coreografías e bailes.
Pasarrúas polo barrio de Coia e
regreso ao centro onde demos lectura do testamento do meco que foi queimado na
fogueira.
Rematamos degustando os doces tradicionais
destas datas: filloas, orellas…
Grazas ás familias pola vosa
colaboración!!!
O luns 24 de febreiro recibimos a visita de Uxía Cid, nai do centro que se adica ao mundo da ilustración e da artesanía.
Aproveitando que estamos na semana
do Entroido falounos de como debuxa e ilustra as máscaras. Nesta
ocasión, explicounos o proceso creativo da máscara dos FELOS, os materiais que
se empregan e os artesáns que interveñen na súa elaboración.
Proporcionounos moita información sobre os Felos, a
súa localización, vestimenta, que fan nos días de entroido...
O alumnado de 5º de Edº Infantil, 2º e 4º de Primaria
desfrutaron con esta experiencia. Moitas grazas pola túa visita!!!
Posteriormente, o alumnado
debuxo e pintou as súas máscaras de Felo.
No mes de febreiro, as actividades que
se desenvolveron na BiblioLab tiveron como eixo temático o Entroido, muller e
ciencia e a Rosalía.
Taboleiro
para Tale-Bot
Xogo de robótica con personaxes do
Entroido Tradicional Galego.
Investigo na miña biblioteca
Investigamos sobre un personaxe do
entroido vigués, O Merdeiro, e completamos a ficha empregando a tableta e os documentos
impresos.
Entroido
Galego
Seleccionamos e decoramos as máscaras do
Entroido Tradicional Galego.
Decoramos
un cartel coa figura de Rosalía de Castro
Xogo
de cartas
Xogo
de cartas sobre mulleres científicas.
Memory
Memory
para atopar parellas de científicas.
Xogo:
Quen é ela?
Facemos preguntas e tratamos de adiviñar
a científica elexida polo noso rival.
Nesta ocasión os/as protagonistas son a clase de 4ºC, que nos falarán sobre como se celebra o Entroido nas diferentes zonas de Galicia.
Desfrutadeo!!!
O venres 9 de febreiro celebramos o Entroido no centro. O tempo non nos acompañou e non poidemos facer o pasarrúas polo barrio polo que as actividades programas realizáronse no pavillón.
Os nosos
disfraces elaborados seguindo o noso proxecto anual de centro “OSEISMEDIA”: fotografando as cores, fotomatón, fotógrafa Ouka Leele, negativo, reporteiros e cámaras, xéneros de cine, Harry Potter, Mago de Oz e Up.
Moito cine e
fotografía neste Entroido!!
A comparsa da
Anpa foi a primeira en abrir o desfile e, a continuación, as distintas clases
foron desfilando ao ritmo das cancións elexidas con coreografías e bailes.
Lectura do
Testamento da Meca que foi indultada.
Rematamos
degustando doces típicos deste época: filloas, orellas…
Grazas ás
familias pola vosa colaboración!!!
O 13 de febreiro celebramos o Día Mundial da Radio.
Este ano a ONU conmemora un século da
radio como medio de comunicación baixo o lema:
"Un século informando, entretendo e educando"
A radio escolar é hoxe un medio que
forma e educa nos medios de comunicación.
O noso centro participa na iniciativa proposta
pola Asociación Ponte...nas Ondas! cun programa sobre o Entroido.
Nico, Andrea, Mateo e Martina, alumnado de 6º e voluntariado da biblioteca, falan sobre unha figura do entroido vigués, o Merdeiro, e fan unha entrevista a María, unha das primeiras mulleres merdeiras que saíron polo Casco Vello no 2006, ano en que empeza a recuperarse esta personaxe do noso entroido. Parabéns polo voso traballo!!!
FELIZ DÍA DA RADIO!!!
É tempo de Entroido, de festa, de
máscaras, de filloas e de cocido.
.png)
Dende o equipo de biblioteca fixemos
unha escolma de lecturas para estas datas que podedes atopar en exposición.
