O sábado 17 de outubro asistiremos a Xornada de Bibliotecas Escolares de Galicia 2026.
Daranse cita equipos de biblioteca, docentes, asesores/as dos centros de formación do profesorado e persoas expertas na temática do lema deste curso "Biblioteca escolar, da información ao coñecemento".
Unha xuntanza que falará do uso crítico da IA, de como traballar coa
información a calquera idade, de como informarse para falar, crear coñecemento,
escribir e crear; a alfabetización informacional, o traballo por proxectos e o
traballo coa información en contextos diversos. Tamén terán lugar dúas mesas
sobre como divulgar entre viñetas e os retos e posibilidades dos libros de non
ficción.
Será, novamente, unha ocasión para o encontro entre o
profesorado deste amplo colectivo de docentes que poñen en pé as bibliotecas
escolares galegas, o reforzo de vínculos persoais e profesionais e, con toda
seguridade, o comezo de novas colaboracións para o presente curso.
FONTE: BILIOTECAS ESCOLARES
No hay comentarios:
Publicar un comentario