RESUMO DOS RETOS

Presentamos un resumo dos Retos mensuais, plantexados ao longo do curso, vinculados ao Proxecto Documental Anual, “O futuro que queremos”, centrado nos Obxectivos ODS da Axenda 2030.

Retos ODS de Biblioteca Seis do Nadal

O PLANETA QUE QUEREMOS

Recollemos nesta presentación as maquetas, murais e debuxos sobre “O Planeta que queremos”, que se realizaron polo Día da Nai Terra, traballando o Obxectivo ODS Nº13: Acción polo clima.

O Planeta que queremos de Biblioteca Seis do Nadal

RETO ODS: MAIO

Neste mes, aproveitando que o 15 de maio celebramos o Día da Familia, centrarémonos na diversidade familiar e poremos o foco no respecto e a non discriminación.

Teñen protagonismo o Obxectivo ODS Nº10, que nos fala de garantir a igualdade de oportunidades e reducir a desigualdade de resultados, mesmo eliminando as leis, políticas e prácticas discriminatorias e promovendo as adecuadas a ese respecto, e tamén o Obxectivo ODS Nº 16, coa súa meta de garantir a adopción en todos os niveis de decisións inclusivas, participativas e representativas que respondan ás necesidades.

No reto deste mes imos formar un vecindario de familias diversas na entrada do cole. Collede unha caixa de zapatos, montade unha habitación cos integrantes dunha familia e traédea ao cole para poder facer a composición entre todas.

Non é preciso que sexa a vosa familia, podedes inspirarvos nos seguintes contos para elexir o modelo de familia que queredes representar:

Mi familia es de otro mundo

Familias

Por un puñado de botones

RETOS ODS: ABRIL

Neste mes, aproveitando que o día 22 de abril, se conmemora o Día Internacional da Nai Terra, imos traballar o Obxectivo ODS nº 13: Acción polo clima.

A Nai Terra claramente pídenos que actuemos. Os océanos énchense de plásticos e vólvense máis acedos. A calor extrema, os incendios forestais, as inundacións e outros eventos climáticos afectaron a millóns de persoas.

Unha das metas que se persegue con este obxectivo é a de mellorar a educación, a sensibilización e a capacidade humana e institucional respecto da mitigación do cambio climático, a adaptación a el, a redución dos seus efectos e a alerta temperá.

No reto deste mes tedes que imaxinar o planeta que queredes e ensinárnolo nunha manualidade. Podedes facer un debuxo, unha maqueta, un mural... Podedes deixar estes traballos na biblioteca.

RETOS ODS: MARZO

Neste mes de marzo traballamos o Obxectivo ODS Nº5: Igualdade de Xénero.

A igualdade de xénero non só é un dereito humano fundamental, senón que é un dos fundamentos esenciais para construír un mundo pacífico, próspero e sostible.

A pesar de que se conseguiron moitos avances nestas últimas décadas, aínda existen moitas dificultades, xa que as leis e as normas sociais discriminatorias continúan sendo xeneralizadas.

Algunhas das metas que persegue este obxectivo teñen que ver con poñer fin a todas as formas de discriminación contra todas as mulleres e as nenas en todo o mundo, eliminar todas as formas de violencia contra todas as mulleres e as nenas nos ámbitos público e privado, e asegurar a participación plena e efectiva das mulleres e a igualdade de oportunidades de liderado a todos os niveis decisorios na vida política, económica e pública.

Tendo isto en conta, no reto deste mes teredes que elixir unha noticia actual (vista na televisión ou nun xornal) que fale sobre o futuro relacionado coas mulleres en xeral ou con algunha muller en particular. Cóntanos que noticia é, se cres que será posible e por que.

Os traballos que fagades  podedes deixalos na biblioteca ou envialos ao correo  

bibliotecaseisdonadal@gmail.com

RETOS ODS: FEBREIRO

Neste mes de febreiro imos traballar o Obxectivo ODS Nº11: Cidades e Comunidades sustentables.

Este obxectivo fainos reflexionar sobre as cidades e as áreas metropolitanas como centros neurálxicos do crecemento económico pero tamén como as responsables de ao redor do 70 % das emisións de carbono mundiais e máis do 60 % do uso de recursos. A rápida urbanización está a dar como resultado un número crecente de habitantes en barrios pobres, infraestruturas e servizos inadecuados e sobrecargados (como a recollida de residuos e os sistemas de auga e saneamento, estradas e transporte), o cal está a empeorar a contaminación do aire e o crecemento urbano incontrolado.

 

Neste reto imos centrarnos nunha das metas deste obxectivo, a de redobrar esforzos para protexer e salvagardar o patrimonio cultural e natural do mundo. 

 

Para contribuir á consecución desta meta teremos que Investigar sobre "Como se celebra o Entroido en diferentes lugares do mundo".

 

Os traballos que fagades podedes entregalos na biblioteca ou envialo ao noso correo:

bibliotecaseisdonadal@gmail.com

Por un Entroido sostible!!!

RETO ODS: XANEIRO

Neste mes de xaneiro, no que conmemoramos o Día Escolar da Non Violencia e a Paz, traballaremos estos dous Obxectivos ODS:

-O Nº 16: Paz, Xustiza e Institucións Sólidas.

-O Nº 17: Alianzas para acadar os obxectivos.

Propomos que vos ofrezades a axudar aos demais. Pensa nalgo que se che dea moi ben, cubre o modelo de anuncio que podes atopar na biblioteca e, a medida que os vaiades entregando, os colocaremos nun tablón para que os/as interesados/interesadas o collan para pedirche esa axuda cando o precisen.

Por un futuro de PAZ!!!

UN NADAL SOSTIBLE

Aproveitando o reto do mes de decembro no que había que facer un agasallo con materiais que tiveramos por casa, sen mercar nada, as clases de 2º e 6º de Primaria plantexaron a actividade do “Amigo/Amiga invisible”. 

Empregaron materiais de refugallo para crear pequenos detalles que entregaron aos compañeiros e compañeiras amosando a súa creatividade e imaxinación.

Unha maneira de ser respetuosos co medio ambente, fomentando as tres R, reducir, reutilizar e reciclar e, por en valor a importancia de compartir, da amizade e do compañeirismo.

Un Nadal Sostible de Biblioteca Seis do Nadal

RETOS ODS: DECEMBRO

Este mes de Nadal traballaremos o Obxectivo ODS Nº12, que fala de produción e consumo responsable.

Nestas datas e máis que ningunha outra, estamos rodeados de publicidade que nos anima a mercar e a consumir moito. Antes de mercar pensemos nos materiais, na súa duración,... e sobre todo, que se poidan reciclar e reutilizar. Fomenta o ecolóxico, fainos ti mesmo e, sobre todo, agasalla bos momentos.

Así que teremos que fabricar un "AGASALLO" sen mercar nada, só poderemos empregar os materiais que teñamos na casa.

Para inspirarvos visualizade este conto: 

“UN AGASALLO DIFERENTE” 

 Libro do mesmo título da Ed. Kalandraka

   

Cando o teñas preparado, tráeo para expoñelo na biblioteca e logo poderás levalo para darllo a quen ti queiras!!!!

Por un Nadal máis solidario e sostible!!!

RETOS ODS: NOVEMBRO

Novo mes, novo reto e  novo obxectivo!!!

Comenzamos polo Obxectivo ODS Nº 9 que ten que ver coa industria, a innovación e a infraestructura.

Como Novembro é o Mes da Ciencia, este obxectivo  fala de investigación, polo que teremos que buscar información sobre un "Invento" que, ao longo da historia, contribuira ou estea contribuindo actualmente á sustentabilidade.

O traballo que fagades (escrito, plástico, visual,…) podedes entregalo na biblioteca ou envialo ao noso correo:

bibliotecaseisdonadal@gmail.com

Agardamos as vosas respostas!!!

RETOS ODS:OUTUBRO

Xa están aquí os Retos da Biblioteca. Actividade de procura documental vinculada ao proxecto anual e que nos permitirán coñecer e traballar os Obxectivos ODS da Axenda 2030.

Cada mes investigaremos sobre un Obxectivo.

Comenzamos co Primeiro Reto:

Que son e como alcanzar os Obxectivos ODS?

Plasmar a información en calquera formato(mural, vídeo, texto,…)

Podedes entregala na biblioteca ou enviala ao noso correo:

bibliotecaseisdonadal@gmail.com

Agardamos as vosas respostas!!!