O DÍA DAS ESCRITORAS é unha iniciativa organizada entre a Biblioteca Nacional de España, a Federación Española de Mujeres Directivas e Executivas Profesionais e Empresarias (FEDEPE) e a Asociación Clásicas e Modernas, asociación para a igualdade de mulleres e homes na Cultura. Ademais, contará coa colaboración da Asociación Colexial de Escritoras e Escritores (ACE) e o Centro Español de Dereitos Reprográficos (CEDRO)e o Instituto de Mulleres. Desde 2016 búscase reivindicar o labor e o legado das escritoras a través da historia.
Como en edicións anteriores, a data elexida é o luns máis cercano á festividade de Teresa de Jesús, o 16 de outubro. A XI Edición celébrase este ano 2026 o 19 de outubro baixo o lema
"AS AMIGAS COMO FORMA DE LIBERDADE"
Este ano o obxectivo é celebrar o centenario do Lyceum Club
Feminino, institución que serviu de soporte para a participación das mulleres
na vida intelectual, artística e pública desde o ano 1926. Mulleres da talla de
María de Maeztu, Clara Campoamor, Victoria Kent, Zenobia Camprubí ou María
Lejárraga foron algunhas das súas fundadoras e colaboradoras.
A undécima edición poñerá o foco nas redes de apoio,
complicidade e creación compartida que fixeron posible o desenvolvemento de
moitas escritoras e intelectuais e que continúan sendo fundamentais para o
avance da igualdade.
Collendo como fío condutor o lema desde ano, desde a Asesoría de
Bibliotecas Escolares presentamos unha escolma de textos de formatos e autoras
diversas que trataron as alianzas femininas desde distintas perspectivas, desde
a amizade íntima ás redes de apoio e creación colectiva. Na escolma ten un
lugar destacado Begoña Caamaño, non só como figura á que neste 2026 se lle
dedican as Letras Galegas senón tamén porque ela, como autora e co seu
compromiso persoal, foi casa e amiga, referente e tecido matricial das súas
amigas, das amigas das amigas e das amigas que están por vir.
FONTE: BIBLIOTECAS ESCOLARES
No hay comentarios:
Publicar un comentario