VOLUNTARIADO: CONTO POLA PAZ

Na nosa biblioteca, a colaboración do voluntariado é fundamental. Grazas ao seu compromiso, preparan e comparten lecturas adaptadas ás diferentes idades, achegando os libros ao alumnado máis pequeno dun xeito próximo, afectivo e motivador.

Para celebrar a Semana da Paz, o voluntariado preparou unha lectura moi especial para o alumnado de 1º de Educación Primaria: "Wangari y los árboles de la Paz", escrito por Jeanette Winter e publicado por Ed. Ekaré. 

Este fermoso conto narra a vida de Wangari Maathai, unha muller africana de kenia que gañou o premio Nobel da Paz en 2004. A través dunha linguaxe sinxela e ilustracións evocadoras, o libro conta a súa inspiradora loita a través do Movemento Verde, demostrando como unha soa persoa pode motivar a miles a tomar acción en defensa do medio ambiente e da paz. 

O voluntariado, coa súa dedicación e entusiasmo, logrou transmitir a esencia da historia de Wangari, inspirando aos nenos e nenas a reflexionar sobre a importancia da paz, o respecto, a solidariedade e o coidado polo medio ambiente.

EXPOSICIÓN TEMÁTICA: LECTURAS POLA PAZ

Para conmemorar o 30 de xaneiro, Día da Paz e a Non Violencia, preparamos unha exposición con recursos bibliográficos que buscan informar, investigar e reflexionar sobre a convivencia e os valores que fomentan a Paz.

VOLUNTARIADO: CONTOS POLA PAZ

Na biblioteca contamos coa colaboración do voluntariado sempre disposto a preparar lecturas para contar aos compañeiros e compañeiras máis pequenos/as.

Nesta ocasión, para a esta Semana da Paz, contaron dous contos ás clases de 2º de EP.

Xulia, Carmen, Laia e Coral, contaron "El árbol de la amistad", un fermoso álbum ilustrado que nos di que a a amizade é coma unha árbore máxica e preciosa que só medra si se rega con cariño e amabilidade hacia os outros.

Carmen, Mateo e Eire falaron sobre os refuxiados, “¿Que es un refugiado?”, no que inclúe testimonios de nenos e nenas refuxiados e de persoas refuxiadas que coñecemos como Malala.

LECTURAS POLA PAZ

Para conmemorar o Día pola Paz e a Non Violencia preparamos unha escolma de lecturas sobre solidariedade, amizade, tolerancia, respecto…que están a disposición de todas e todos para traballar nas aulas.

VOLUNTARIADO POLA PAZ

O voluntariado da Biblioteca preparou dúas lecturas para contar ao alumnado de 1º de Primaria pola Semana da Paz, para educar na tolerancia, no respecto e na solidariedade.

                        Grazas polo voso traballo!!!

Os libros seleccionados foron:

Fronteiras de papel, Antela Editorial

Con este libro achegan unha historia, similar a moitas outras vividas polos milleiros de migrantes que hoxe atravesan o mundo, que a miúdo atopan obstáculos, moitos deles simbolizados na burocracia que expulsa e crea fronteiras entre as persoas, fronteiras de papel.

A pomba Dona Paz, Ed. Xerais

A pomba dona Paz é un relato concibido para que os lectores e lectoras máis novos participen tamén dos valores da construción pacífica da sociedade e da cidadanía democrática. Un libro que é un vieiro da esperanza cara a un mundo en paz e igualdade.

GUÍA DE LECTURAS PARA A PAZ

Dende a biblioteca fixemos unha escolma de lecturas para conmemorar o Día da Paz e da Non Violencia que están a disposisición de todas e todos para traballar nas aulas.

GUÍA DE LECTURAS

Lecturas para a Paz de Biblioteca Seis do Nadal

CONTACONTOS POLA PAZ

O voluntariado da Biblioteca preparou dúas lecturas para contar ao alumnado de 2º de Primaria pola Semana da Paz, coas que reflexionamos e pensamos que hai que seguir traballando para acadar unha convivencia pacífica e un futuro de solidariedade, igualdade, tolerancia e respecto.

                        Grazas polo voso traballo!!!

Os libros seleccionados foron:

Imagine, Ed. Flamboyant

É un álbum infantil sobre os valores da paz e a tolerancia. Coa letra da inmortal canción de John Lennon e prólogo de Yoko Ono en colaboración con Amnistía Internacional.

Fronteiras de papel, Antela Editorial

Con este libro achegan unha historia, similar a moitas outras vividas polos milleiros de migrantes que hoxe atravesan o mundo, que a miúdo atopan obstáculos, moitos deles simbolizados na burocracia que expulsa e crea fronteiras entre as persoas, fronteiras de papel.

ESCRIBINDO A SEMANA DA PAZ

Aínda que se traballa ao longo do curso, durante esta semana realizamos varias actividades sobre a PAZ, que remataremos cun acto o luns 30 de xaneiro, Día Escolar da Non Violencia e a Paz.

Exposición: "Lecturas para a Paz”

Expositores cunha morea de libros sobre esta temática: amizade, sentimentos, solidariedade, persoeiros que destacan pola súa labor pola Paz Mundial,……para levar ás aulas e traballar con eles. 

Convertindo así a biblioteca nun viveiro de cidadanía, un lugar facilitador do diálogo e das reflexións para conquerir un futuro máis xusto, igualitario e de Paz.

Obradoiros de Robótica

As clases de 1º, 4º e 5º de Primaria participaron nestes obradoiros para crear o holograma dunha pomba e deseñar en 3D símbolos da Paz.

En Educación Infantil, traballamos cos escornabots e ozobots, taboleiros con esta temática.

Contacontos

O voluntariado preparou lecturas para contar ao alumnado de 2º de Primaria. A través dos contos trasmitimos ás nosas crianzas valores de respecto, tolerancia e convivencia.

CONTACONTOS POLA PAZ

O voluntariado da Biblioteca, alumnado de 6º, preparou varias lecturas para contar a 1º e 2º de Primaria durante a Semana da Paz.

Os libros seleccionados foron: A pomba dona Paz, El árbol de la amistad, Unha longa viaxe, Wangari y los árboles de la Paz, O lápis máxico de Malala. 

Foi unha Hora de Ler diferente!!!

Posteriormente, as clases realizaron diversas actividades a partir desas lecturas: debuxos, ilustracións, vídeos,… 

Historias  que nos levaron ao diálogo e á reflexión.

Obxectivos da Axenda 2030

SEMANA DA PAZ

O 30 de xaneiro conmemorase o Día Escolar da Non violencia e a Paz e, dende os Equipos de Biblioteca e Complementarias, propuxemos diversas actividades para esta semana e que rematarán co acto que celebraremos o luns 31 de xaneiro.

A letra e o vídeo da canción que imos cantar, ”Xa chegou o día da Paz” de Pablo Díaz  podedes velo no blog de Música. 

https://opentagramamaxico.wordpress.com/

Exposición temática:"Lecturas para a Paz"

Selección de lecturas con historias  que falan de convivencia, respeto, amizade, tolerancia, solidariedade, de valores,… que convidan ao diálogo e a reflexión.

Contacontos: o voluntariado preparou lecturas con esta temática para contar ao alumnado de 1º e 2º.

Obradoiro de Scratch: as clases de 5º e 6º participaron no obradoiro para crear o holograma dunha pomba.

Reto de xaneiro: as mensaxes secretas a descifrar eran dúas frases que pronunciaron Gandhi e Teresa de Calcuta.

Con estas actividades traballamos o Obxectivo nº16 dos ODS da Axenda 2030.

"Promover sociedades pacíficas e inclusivas para o desenvolvemento sostible, facilitar o acceso á xustiza para todos e construír a todos os niveis institucións eficaces e inclusivas que rendan contas."

DÍA DA PAZ: LECTURAS

“No hay camino para la paz: la paz es el camino”

Mahatma Ghandi

O vindeiro 30 de xaneiro, conmemórase o Día Escolar da Non violencia e a Paz.

Dende a biblioteca montamos un recanto con libros sobre esta temática, valores, solidariedade, amizade, sentimentos,…para levar ás aulas e traballar con eles.

LECTURAS PAZ de Biblioteca Seis do Nadal

LECTURAS PARA A PAZ

Hoxe, 30 de Xaneiro celébrase o Día Escolar da Non Violencia  e a Paz, e queremos compartir unha serie de lecturas con esta temática que facilitan o diálogo, a solidariedade, o respeto á diferencia, a reflexión, a sostenibilidade,...e facer un mundo máis xusto e igualitario.

 BICOS E NON BALAS

Antonio García Teijeiro. Ed. Galaxia

Pola nosa boca poden saír balas pero tamén bicos. Poden saír versos e beixos. Podemos reclamar, a berroversos, a paz.

WANGARI Y LOS ÁRBOLES DE LA PAZ 

Jeanette Winter. Ediciones Ekaré

De pequena, en Kenia, Wangari vive rodeada de árbores. Cando medra, comenza unha masiva deforestación e teme que pronto todo o bosque sexa destruido. Entón decide sembrar nove árbores e comenzar un movemento ecolóxico. Wangari Maathai recibiu o Premio Nobel da Paz en 2004.

UNHA LONGA VIAXE

 Daniel Hernández Chambers. Ed Kalandraka

Nun tempo marcado polo drama dos refuxiados, unha obra oportuna e necesaria para a reflexión, a esperanza e a solidariedade con millóns de persoas que teñen dereito a vivir en paz e en liberdade nun mundo sen fronteiras.

PEQUEÑOS GRANDES GESTOS POR LA TOLERANCIA 
Francisco LLorca. Alba Editorial

A través de historias reais veremos a importancia que ten aceptar aos demais tal e como son e que a vida é un espazo compartido con outro.

O VELEIRO VERDE
María Fumaça. Ed. Galaxia

Proba a embarcar e verás como podes cambiar o mundo!

A familia María Fumaça inicia unha nova viaxe nun veleiro verde coas bodegas ateigadas de amizade, cariño e cancións para compartir de xeito inclusivo. O noso capitán Ruí vai medrando, e con el a nosa ollada do mundo e da música: integradora, variada e intercultural.

NINGUÉN COMA MIN

 Ignacio Chao. Ed. Kalandraka

Os delirios de grandeza dun ditador, a egolatría e o afán de perpetuación nunha metáfora, máis real do que parece, sobre os abusos do poder.