MAGOSTO NA RADIO DO SEIS

O alumnado de 6º A de Primaria e 6º C de Educación Infantil embarcáronse nun emocionante proxecto de investigación sobre o Magosto. O obxectivo principal era que coñecesen de primeira man como se vive esta celebración na súa contorna máis próxima, aprendendo sobre as súas orixes, costumes e significado.

Saíron ás rúas de Coia para entrevistar aos veciños/veciñas. Durante as entrevistas realizaron preguntas para obter información sobre o Magosto. A experiencia permitiu ao alumnado conectar coa súa comunidade e valorar o patrimonio cultural do seu barrio.

No podcast, relatan as súas vivencias nas rúas de Coia, comparten as entrevistas que realizaron e explican o que aprenderon sobre o Magosto. Foi unha ferramenta para compartir o coñecemento adquirido e desenvolver habilidades de comunicación, traballo en equipo e creatividade.

Agardamos que o desfrutedes!!!

O MAGOSTO DO SEIS

O martes 11 de novembro, día de San Martiño, o noso cole converteuse na carpa máis divertida da cidade para celebrar o incrible Magosto do Seis! A pesar de que o tempo quixo facernos unha mala pasada, a nosa alegría e enerxía foron máis fortes que calquera nube.

A mañá comezou con xogos tradicionais que fixeron as delicias de todos e todas. Foi como estar nun auténtico circo de outono! Contamos con números incribles como o comecastañas. Tamén vivimos a emoción do relevo de castañas, a precisión dos trompos bailadores e a diversión sen límites do brincacastañas. Non faltaron os tres pés e a sempre emocionante castaña ardente. 

Mentres tanto, as mestras asaban as castañas. O aroma que saía do asador era pura maxia anunciando o momento máis esperado: a degustación: E que dicir das castañas? estaban boísimasss! Tanto que non puidemos resisitir a tentación de tiznarnos un pouco, como verdadeiros artistas de circo despois dunha gran actuación. 

Para rematar este grandioso espectáculo, a música tomou o escenario, contaxiando a tod@s co seu ritmo.

As familias, coma auténticos artistas de circo, crearon marabillosas manualidades con castañas. Colares, diademas, cadros... que foron expostos no vestíbulo do centro.

O Magosto do Seis foi unha xornada máxica, chea de risas, xogos e música!

LECTURAS PARA UN OUTONO MÁXICO

Novembro chega á biblioteca cargado de cores outonais, o aire fresco que entra polas ventás, o cheiro a castañas asadas que evoca tardes de magostos, e as historias que nos transportan a tradicións e paseos pola natureza.

Queremos convidarvos a sumerxirvos na maxia dos contos e a celebrar esta época tan especial connosco. Preparamos unha selección de lecturas que vos encantará!

E para completar a experiencia, convidámosvos a ver estes videocontos. Só tedes que premer nos títulos!

-A castaña Catarina

-María a castañeira

-A castaña que rebentou de risa

Lecturas para un outono máxico de Biblioteca Seis do Nadal

"O MAGOSTO" NA RADIO DO SEIS

O magosto é o protagonista do segundo programa da Radio do Seis.

A clase de 6ºA preparou un programa con información sobre este festa con gran tradición.

Desfrutade desta nova entrega!!!

Os cativos e cativas de 6º Edº Infantil B, gravaron a canción “1, 2, 3 castañas”, que estiveron traballando para celebrar o Magosto.

MAGOSTO 2024

O luns 11 de novembro, día de San Martiño, celebramos o Magosto no Seis.

Desfrutamos dunha mañá chea de xogos populares (comecastañas, relevo de castañas, trompos, brincacastañas, tres pés,a castaña ardente) e de degustación das castañas. Estaban boísimasss!!!!

A música acompañounos nesta xornada festiva!!!

Pasámolo moi ben!!!

CONTOS E LECTURAS PARA O MAGOSTO

Estamos en novembro, tempo de castañas e de magostos. O luns 11 de novembro, San Martiño, se o tempo nos acompaña, celebraremos o MAGOSTO no centro. Que ben o imos pasar!!!

Fixemos unha selección de lecturas para esta data e que podedes atopar en exposición na biblioteca.

E tamén algúns videocontos (premer sobre os títulos para acceder aos contidos).

A castaña Catarina

María a castañeira

A castaña que rebentou de risa

CELEBRANDO O MAGOSTO

O venres 17 de novembro celebramos o Magosto no Seis. Desfrutamos dunha maña de xogos populares e as familias aportaron as castañas que asamos e degustamos. E coma sempre, a música acompañou esta xornada festiva e divertida!!!

PROGRAMA DE RADIO "O MAGOSTO"

Continuamos cos programas da nosa Radio Xornal Seis do Nadal.

Nesta ocasión os/as protagonistas son a clase de 6ºB, que nos falarán da festa do Magosto.

Desfrutade desta nova entrega!!!

MAGOSTO 2019

O venres 8 celebramos o Magosto no colexio. 

Foi unha mañá na que disfrutamos de xogos, música e castañas. Pasámolo moi ben!!!

Xogos distribuidos nos patios  de infantil, pavillón e pista polideportiva.: xogo da rá, relevos de castañas, tres pés, á corda e ós bolos. O alumnado de sexto foron os encargados de coordinar os xogos.

Manualidades con castañas

MAGOSTO: LECTURAS E RECURSOS

Estamos no outono, tempo de castañas e de magostos. O venres 8 de novembro, se o tempo nos acompaña, celebraremos o MAGOSTO no centro.

Nas aulas estamos traballando o vocabulario, lendas, ditos, refráns, xogos… e preparando os nosos cestiños.

Xa temos no recanto “Outono de Libros” unha selección de lecturas para estas datas.

Na seguinte ligazón atoparedes moitos Recursos sobre o tema: poemas, música, contos, xogos,…

                              (Preme na imaxe)

MAGOSTO 2018

O martes 13, fixo un maravilloso día de sol e celebramos o noso MAGOSTO.

Mentras as mestras asaban as castañas os nenos e nenas xogaron.

Houbo seis xogos : comecastañas, relevos de castañas, ós bolos, tres pés (en parellas), á corda, relevos de pelota (coa pelota espalda con espalda).

O alumnado de sexto foi o encargado de  axudar ao alumnado nos diferentes xogos a medida que ían rotando dun a outro.

E non podían faltar as castañas. Estaban boísimassss!!! Pasámolo xenial!!!

RECURSOS PARA O MAGOSTO

O  martes 13  de novembro, se o tempo nos acompaña, celebraremos o MAGOSTO.

Faremos xogos con castañas, á corda, con zancos,....bailaremos, tiznarémosnos...

O luns o alumnado terá que traer castañas xa amoxetadas para evitar que estouren , leña e roupa cómoda.

Deixamos algúns RECURSOS para traballar o tema.

Unidade didáctica: "O Magosto"

Portal das Palabras:  Vocabulario  relacionado co Magosto

Recompilación da Biblioteca Víctor Sáenz

Galicia Espallada: A festa do Magosto

Poemas:

 -Poemas, adiviñas, ditos e refráns.

 -"O magosto" con pictogramas.

 -Poemas de Manuel María, Helena Villar,...

Música:

• Tres castañas polo chan
• O rap do magosto
• Chegou  Magosto de Jesús Pareja

Contos:

• A castaña Catarina

• A castaña que reventou de risa

• María a Castañeira

Xogos: Xogo da oca e o magosto

Lecturas: Selección de lecturas informativas e contos en exposición na biblioteca.