CLUB DE LECTURA DE 5º

O martes 6 de outubro celebrouse a primeira xuntanza do Club de Lectura de 5º. Nesta sesión inicial explicamos como vai funcionar o club, lemos as normas e entregamos a cada participante a súa carpeta co primeiro libro que imos ler.

E que mellor maneira de comezar esta aventura literaria que cunha historia chea de misterio? Co Samaín á volta da esquina, a obra escollida para inaugurar o noso club é “Formigas. Misión Samaín”, de Pere Tobaruela, un libro que nos achega a unha das celebracións máis misteriosas do outono.

Nesta historia, as Formig4s son protagonistas dunha misión especial relacionada co Samaín. A través das súas aventuras, mergullámonos nunha trama chea de sorpresas, descubriremos os misterios que agocha o relato e acompañaremos os personaxes nos retos e nas situacións que teñen que afrontar.

Nas vindeiras reunións, compartiremos as nosas impresións sobre a historia, comentaremos os momentos que máis nos gustaron e falaremos dos personaxes, das súas aventuras e de todo aquilo que nos faga pensar, imaxinar e soñar.

Queremos fomentar o gusto pola lectura e descubrir que os libros son portas abertas a mundos sorprendentes, a vivir novas experiencias e a espertar a nosa imaxinación.

A aventura xa comezou! Agora só queda abrir o libro e... deixarse levar!!!