RESUMO DOS RETOS

Presentamos un resumo dos Retos mensuais, plantexados ao longo do curso, vinculados ao Proxecto Documental Anual, o Camiño de Santiago.

Retos para o Camiño de Biblioteca Seis do Nadal

PDI: CAMIÑO DA PRATA

As aulas de 5º de Primaria traballaron sobre o Camiño da Prata con varias actividades que coincidiron no tempo e que buscaban abordar un coñecemento amplo sobre o noso patrimonio histórico e cultural.

Investigaron sobre algúns Concellos situados na Vía da Prata: situación xeográfica, datos demográficos, relevo, clima, gastronomía,...

Plasmaron toda a información nun libro viaxeiro con forma de maleta que unha vez rematado xuntaremos para crear a maleta da Vía da Prata.

Paralelamente a esta actividade, por grupos, escribíronlle a oficina de correos do Concello sobre o que investigaron unha carta na que lle pedían que lle puxesen un mataselos sobre o Camiño e lle devolvesen a carta. O reto foi todo un éxito posto que case conseguiron todas as cartas. Ademais, como mostra de agradecemento os nenos e nenas realizaron unhas postais sobre Vigo que enviaron xunto coa carta.

E recolleron nun vídeo resumo os traballos que realizaron sobre os Valores que fomenta o Camiño de Santiago.

CIRCUITOS DE PAPEL

Tras estar estudando sobre as máquinas, a electricidade e os circuitos eléctricos, en 5º de Primaria atrevémonos a realizar uns circuitos de papel creando unha maqueta ambientada no Camiño de Santiago.

Os materiais que utilizamos foron: un folio, cores, cinta de cobre, 1 led e unha pila de 3V. 

Se queredes tentar facelo no seguinte vídeo atoparedes o paso a paso e seguro que poderedes inventar a vosa propia maqueta.

VISITA DE IAGO LÓPEZ

Hoxe recibimos na nosa biblioteca ao escritor e contacontos IAGO LÓPEZ.

É autor do libro “Marosa e Mariña camiñan a Compostela”, que forma parte do itinerario lector deste curso para 1º de Primaria.

Iago, caracterizado para a ocasión como un peregrino, contounos as aventuras da osa Marosa e da toupiña Mariña, as únicas que podían arranxar a corda que suxeitaba o botafumeiro da Catedral de Santiago e como emprenden o camiño a Compostela para axudar a que todo esté listo para recibir as agardadas visitas.

Desfrutamos e pasamos unha sesión moi amena e divertida!!! 

Tamén lle ensinamos o mural cos debuxos feitos entre todos e todas sobre esta historia, que nos fixo reflexionar sobre a importancia de coidar o entorno do Camiño (reciclaxe) e os seus valores.

Rematou este encontro asinando os libros.

Grazas Iago pola túa visita e agardámoste pronto!!!

RETO MAIO

Xa non queda nada!!! Estamos a piques de chegar ao noso destino, Compostela!!! E o noso camiño chega ao seu fin!!!

Durante todos estes meses aprendeches moitas cousas sobre o Camiño de Santiago (símbolos, lendas, natureza, receitas, entroido,…).

Maio é o mes das Letras Galegas e, por iso, terás que inventar unha breve historia que teña como protagonista algún dos elementos do Camiño: un  personaxe de lenda, símbolos, que suceda nunha vila da ruta que traballades,…

Podes facer a historia por escrito, con debuxos ou gravarte en vídeo,… o importante é que sexa en GALEGO.

Podes entregala na biblioteca ou enviala ao noso correo bibliotecaseisdonadal@gmail.com

Agardamos as vosas historias!!!Bo Camiño!!!

VISITA DE PERE TOBARUELA

Co gallo do mes dos libros, continuamos recibindo a visita de diferentes autores. Nesta ocasión, foi a quenda de PERE TOBARUELA, autor da colección FORMIG4S.

Pere viu visitar ao alumnado de 5ºEP que tras ler o seu libro FORMIG4S: Misión Camiño de Santiago, estaba desexoso de facerlle mil e unha preguntas sobre o libro e a súa traxectoria profesional en xeral.

A actividade comezou cunha breve presentación do alumnado e, de seguida, Pere colleu o temón para embarcarnos no seu mundo de creatividade, imaxinación, historias e humor, explicándonos como se pode crear unha historia que sexa boa, sendo sempre o obxectivo espertar o interese dos lectores/lectoras e atrapalos para que queiran seguir lendo o escrito.

Enseguida chegou o momento tan esperado polo alumnado, o momento de preguntar todo aquilo que querían coñecer sobre as FORMIG4S. E así foi como descubriron que si vai haber unha nova entrega desta colección pero que haberá que esperar un pouquiño. 

Que o elixir as formigas como personaxes principais das historia se debe a que son uns animais que lle gustan moito e que ademais lle parecía gracioso empregar a insectos como personaxes para as súas historias. E outras cousas máis que, os rapaces e rapazas de 5º, van gardar na memoria como privilexio de participar nesta actividade.

Finalmente tocou despedirse, pero non sen antes, cunha bonito agasallo por parte de Pere, a súa sinatura nos libros dos nenos e nenas que, de seguro, han atesourar na súa biblioteca persoal.

Moitas grazas Pere!!!

CHARLA DISCAMINO

O luns 25 de abril, recibimos a visita dalgúns membros de DisCamino, unha asociación que axuda as persoas con discapacidade a cumprir os seus soños, sexan estes dar un paseo en bici, participar nunha carreira, nun campionato ou realizar o Camiño de Santiago. 

Durante esta interesante charla, coordinada por Javier Pitillas, o alumnado de 5º puido coñecer a persoas que se esforzan a diario para conseguir as súas metas. Por exemplo, Gerardo explicounos que fixo o Camiño de Santiago dende Roncesvalles ata Santiago e que o que recorda del é o seu olor e as figuras, que para el, son todas aquelas cousas que pode percibir coas mans, xa que Gerardo é unha persoa xordo-cega que ve a través das súas mans.

Por outra banda, David contounos como se namorou do Camiño, unha experiencia que lle cambiou a vida, xa que nel coñeceu a súa parella.

Ana tamén nos contou que fixo o Camiño pero ademais mostrounos como a súa discapacidade non lle impide realizar slalom; é máis, Ana gañou 13 campionatos de España de slalom en cadeira de rodas.

Fani tamén fixo o Camiño dende Roncesvalles e a través de imaxes ensinounos o significativo que para ela foi realizalo.

Finalmente Javi púxolle un toque de humor a xornada xa que nos amosou como durante o Camiño e a vida en xeral, desborda optimismo e positividade, animando aos seus compañeiros e facendo algunha broma.

Grazas por acompañarnos e compartir con nós unha experiencia tan bonita e inspiradora.

Bo Camiño bicigrinos!!!

ÁRBORES NO CAMIÑO

Pequena escolma cos traballos da investigación documental feita polo alumnado sobre as árbores e plantas que podemos atopar nos distintos camiños que estamos traballando nas aulas: carballo, castiñeiro, oliveira….

Obxectivo da Axenda 2030

8M: PIONEIRAS QUE ABRIRON "CAMIÑO"

Polo 8M percorremos os camiños que abriron para nós, en distintos ámbitos, mulleres valentes e emprendedoras.

Empregamos dous libros: Pioneiras 1 e Pioneiras 2, Galegas que abriron camiño. Anair Rodríguez. Ed. Xerais.

Precursoras galegas: fotógrafas, mestras, arquitectas, inventoras, astrónomas,… que foron capaces de desviarse do vieiro que a sociedade do momento lles reservaba e facer grandes contribucións sociais e conquistas de dereitos que legan ás novas xeracións.

Cada clase investigou a unha pioneira e, posteriormente fixemos unha composición plástico-visual con cartulinas e botas vellas pintadas de morado.

8M-Pioneiras de Biblioteca Seis do Nadal

Obxectivos ODS da Axenda 2030

RETO MARZO

Xa estamos en Marzo, mes do renacer da natureza e da primavera. Se queres seguir avanzando terás que investigar sobre as especies vexetais que podes atopar no camiño que estades traballando na vosa aula.

Escolle unha árbore ou planta típica desa zona é recolle esa información nunha folla, nun mural, nunha manualidade ou gravando un vídeo.

Trae á biblioteca o teu traballo ou enviao ao correo bibliotecaseisdonadal@gmail.com

Agardamos as vosas respostas!!!! Bo Camiño!!!! 

 Obxectivo ODS da Axenda 2030

TEMPO DE ENTROIDO

Para estas datas recomendamos dous libros que fan un percorrido polos personaxes tradicionais do noso Entroido: cigarróns, peliqueiros, volante, troteiros, madamas e galáns, o oso, o merdeiro, mázcaras, pantalla, xenerais, o galo, ...

É tempo de Entroido! e Non pare a festa 

 Ramón D. Veiga 

 Ed. Xerais

Montamos un mural cos debuxos e manualidades das máscaras que fixo o alumnado para superar o reto de febreiro.

Unha pequena mostra deses traballos.

Entroido-Reto Febreiro de Biblioteca Seis do Nadal

RETO FEBREIRO

Febreiro é o mes do Entroido e, si unha nova etapa do camiño queres superar, unha tarefa terás que facer: investigar as máscaras ou traxes tradicionais de Entroido das zonas polas que pasa o camiño que estades traballando na vosa aula.

Facer un debuxo ou unha manualidade desa máscara ou traxe e traela á biblioteca para facer unha exposición.

Agardamos as vosas  respostas!!!

ENTROIDANDO NO CAMIÑO!!!!

RETO XANEIRO

Si unha nova etapa do Camiño queres superar algunhas mensaxes secretas terás que descifrar seguindo o código secreto que se vos da.

Autor pictogramas: Sergio Palao    Procedencia: ARASAAC

Como Xaneiro, é o mes no que conmemoramos o Día da Non Violencia e a Paz, unha vez que averigues as mensaxes terás que investigar o nome das persoas que as pronunciaron e traballaron en prol dela.

Agardamos as vosas respostas!! 

Enviar ao correo bibliotecaseisdonadal@gmail.com

RETO DECEMBRO

Se a terceira etapa queres superar unha Receita terás que elaborar! 

Investiga as receitas típicas das zonas polas que pasa o teu camiño.

Envia as fotos do proceso ou a receita ao enderezo bibliotecaseisdonadal@gmail.com

RETOS PARA O CAMIÑO

Xa iniciamos as actividades de procura documental,  os retos, vinculados ao proxecto anual.  Iremos investigando e superando as distintas etapas para chegar a nosa meta e recibir unha sorpresa.

Unha nova aventura imos comenzar!!!

Se a Santiago queres chegar

un  longo camiño  terás que percorrer.

Un reto mensual terás que resolver

e o pasaporte completar,

se a Compostela queres acadar!!!

Aquí tedes os primeiros retos!!! 

Podes enviar os traballos ou fotos ao enderezo da biblioteca: 

 bibliotecaseisdonadal@gmail.com

 BO CAMIÑO!!!

PROXECTO ANUAL

Benvidos e Benvidas a un novo curso!!!

Presentámosvos a Broli, a nosa mascota da biblioteca.

Vai comenzar unha aventura, percorrerá o camiño ata Compostela, no que vivirá grandes aventuras, contará historias, investigará,...

“Os Camiños do Seis”, proxecto documental anual de centro que xirará en torno ao Camiño de Santiago, achegarémonos a súa historia, símbolos,…con diferentes rutas polas que discurrirán as nosas andainas, a inclusión, a sostenibilidade, a igualdade,…

Agárdannos moitas novidades e sorpresas!!!

Estade moi atentas e atentos!!! 

Preparade mochila, botas, bastón,… iniciamos o camiño!!!