O alumnado de 6º EP dentro do programa "Coñece o teu Concello" visitou as instalacións do Concello de Vigo para descubrir algunhas das tarefas que dende alí se realizan: xestión do tráfico, análise de augas públicas para garantir a súa salubridade, as distintas oficinas para a resolución de trámites como o padrón, o transporte público...
Pero ademais tamén visitaron o salón de plenos onde puideron descubrir como se leva a cabo unha sesión plenaria e incluso a chegaron a interpretar.
Nesta visita os rapaces e rapazas puideron entregarlles en persoa a D. Abel Caballero algunhas propostas que pensaron que poden mellorar o noso barrio: paradas de autobús máis accesibles, un planetario, unha biblioteca pública, o soterramento da rotonda de Navia, a creación de comedores sociais e albergues ou o voluntariado foron algunhas das súas propostas.
Oxalá algunha delas se faga realidade!
No hay comentarios:
Publicar un comentario