2 DE ABRIL, DÍA INTERNACIONAL DO LIBRO INFANTIL

Como en anos anteriores, cada 2 de abril, aniversario do nacemento do escritor danés Hans Christian Andersen, conmemoramos o Día Internacional do Libro Infantil co obxectivo de promocionar a boa literatura infantil e xuvenil.

Eslovenia é a sección encargada de elaborar a mensaxe de Peter Svetinai e o cartel de  Damijan Stepancic : FAME DE PALABRAS.

…”As palabras, nos poemas e nos contos, son alimento. Non son alimento para o corpo, porque ninguén podería encher o estómago con elas. Son alimento para o espírito e para a alma….”

GÁLIX, Asociación do Libro Infantil e Xuvenil, facilítanos a tradución ao galego de  Héctor Cajaraville. 

-Mensaxe e cartel en galego. 

-Día do Libro Infantil - OEPLI

-Concurso Gálix "Un poema na túa voz" (Remata o prazo o 10 de abril) no que convida a participar a todas as rapazas e rapaces de entre 6 e 14 anos gravando un poema en galego e mandando a gravación á galix@galix.org

-Revista Babar: Día do Libro Infantil 2020: Inventando historias con Rodari. 

Este ano 2020 celebramos o centenario do nacemento de Gianni Rodari, e neste artigo recollen ideas, reflexións e consellos para inventar historias.

FONTES: BIBLIOTECAS ESCOLARES E GÁLIX

LECTURAS NA CASA

A Editorial Xerais pon a disposición das familias catro títulos de literatura infantil e xuvenil (un por idade) aos que se pode acceder en rede a través da plataforma ISSU.

-Primeiros lectores/as: Feliz Feroz. O lobiño riquiño. El Hematocrítico

-A partir de 8 anos: Fred Quincalla, o nómade do mar. Teresa González Costa

-A partir de 9 anos: Vaia tropa! Antón Cortizas

-Xuvenil: Dragal IV. A estirpe do dragón. Elena Gallego

Baía Edicións tamén fai varias propostas de lectura para as diferentes idades.

Para 4-6 anos 

-Nube branca quere ser astronauta. Pablo Nogueira.

-Un día de treboada. María de Mata

-O dragón comemedo. RuAn

Para 7-8 anos

-A casa máis animada do mundo. Cristina Sáez

-O tempo do revés. María Solar

Para 9-10 anos

-Boa sorte. María Solar

-Moko. Cristina Sáez

DÍA MUNDIAL DO TEATRO

O 27 de marzo de 1962 o Instituto Internacional do Teatro (ITI) decidiu establecer esta data como Día Mundial do Teatro, lembrando a apertura do Teatro das Nacións en París. O seu obxectivo é promover o teatro en todas as súas formas arredor do mundo, crear conciencia sobre o valor do teatro e poñer en valor a forma de arte "teatro".

Este ano o dramaturgo pakistaní Shahid Nadeem é o encargado do manifesto : O Teatro como Santuario.

Recollemos un fragmento do Manifesto de Paula Carballeira, para GÁLIX no Día Mundial do Teatro. (Preme na imaxe de Gálix para ler todo o Manifesto)

Lembra, é preciso o teatro

“Precisamos teatro.

Lembra.

Ao final, somos seres sociais.

Sen teatro nunca aprenderemos a confiar nos demais, a inventarnos e reinventarnos, a buscar as palabras coas que mellor expresar o que sentimos, a disfrazarnos de todas as persoas que levamos dentro e ser directores e directoras desas infinitas postas en escena que nos dan outras perspectivas, que nos axudan a poñernos no lugar do outro, da outra, que nos ensinan que se poden contar historias con luz, música, movemento, poesía, nun acto artístico complexo…”

O Libro de Héctor Cajaraville "Ricardo Carvalho Calero. A pegada do compromiso", inclúe sete pezas teatrais con escenas da vida do autor.

FONTE: BIBLIOTECAS ESCOLARES E GÁLIX

RECURSOS PARA QUEDAR NA CASA

Recursos para estes días que temos que quedar na casa.(Premer nas imaxes)

AULAS GALEGAS

Portal galego con materiais  para todas as idades

SALÓN DO LIBRO VIRTUAL

Con diversas propostas e actividades

GaliciaLE

Plataforma de lectura virtual

KALANDRAKA TV

Contos contados

ORELLA PENDELLA

Ditos, recitados e cancións

GALICIA ENCANTADA

Enciclopedia de Fantasía Popular de Galicia

BOTÓNS

Portal galego de educación.

ALÍ

Recursos en galego para Educación Infantil

GALIX

Asociación galega do libro infantil e xuvenil que recolle recursos para ficar na casa

AULA ABERTA ARASAAC

8M: DÍA INTERNACIONAL DA MULLER

Hoxe, 8 de Marzo, conmemórase o Día Internacional da Muller.

O tema deste ano, "Son da Xeración Igualdade: Polos dereitos das Mulleres", seguindo a campaña de ONU Mulleres, Xeración Igualdade, que conmemora o 25 aniversario da Declaración e Plataforma de Acción de Beijing recoñecida como a folla de ruta máis progresista para o empoderamento das mulleres e as nenas en todo o mundo.

A campaña Xeración Igualdade reunirá persoas de todos os xéneros, idades, orixes étnicos, razas, relixións e países, para impulsar accións que cren o mundo igualitario que merecemos.

As pequenas accións poden xerar grandes repercusións e facer realidade esta visión.

Máis información para reflexionar sobre o tema na seguinte ligazón

ONU Mulleres

O Equipo de biblioteca fixo unha Selección de lecturas sobre esta temática que están en exposición na biblioteca.

XXI SALÓN DO LIBRO INFANTIL E XUVENIL

Do 6 ao 27 de Marzo desenvólvese, no Pazo da Cultura de Pontevedra, o XXI Salón Internacional do Libro Infantil e Xuvenil.

O tema da edición de 2020 é O HUMOR, como actitude positiva, esperanzada, crítica e, sobre todo, intelixente cara á vida. Humor enxenoso, ás veces macabro, negro, inocente, atrevido, combativo, retranqueiro, atrevido, belixerante , humor gráfico, poético, lírico, metafísico, literario, literal ou figurado,…

Hai máis de 300 propostas para todos os públicos, dende exposicións, contacontos, obradoiros, teatro, espectáculos musicais, …

Os autor@s homenaxead@s deste ano: a escritora Helena Villar Janeiro, pioneira da LIX galega, toda unha vida dedicada ao ensino e á creación literaria, abrindo e explorando camiños día a día, e o  ilustrador Kiko da Silva, pioneiro e impulsor da BD galega, loitador infatigable en visibilizar e dignificar a profesión da ilustración, e moi especial para o Salón xa que foi quen, dúas décadas atrás, deseñou a nosa mascota ORBIL, o lobo lector.

Todo o Programa aquí

VISITA DE ROSA ANEIROS

O 18 de febreiro, o alumnado de sexto recibiu a visita da escritora Rosa Aneiros que compartiu con eles unha sesión para falar do libro “Xelís, o guieiro das botellas de mar”, que estiveron traballando durante este segundo trimestre.

Esta historia foi gañadora do Premio Merlín de Literatura Infantil 2019 e o Premio Fervenzas Literarias ao Mellor Libro infantil do 2019.

Xelís, o protagonista terá que lidiar con guieiros da tormenta, ondas, o vento,... e atrapar a illa de plásticos e evitar a desfeita ecolóxica do planeta.

A autora quere transmitir a necesidade de loitar por facer un mundo millor sin contaminación, a necesidade de reciclar e  coidar o medio ambente.

Contounos un montón de cousas e respondeu ás preguntas que lle fixeron. Rematou asinando un por un os libros do alumnado cunha dedicatoria persoal e tamén o exemplar da biblioteca. Grazas!!!