31 mar 2013

2 DE ABRIL: "DÍA INTERNACIONAL DO LIBRO INFANTIL"


 
Desde 1967, o 2 de Abril, coincidindo coa data do nacemento do escritor danés Hans Christian Andersen, o IBBY promove a celebración do "Día Internacional do Libro Infantil" co fin de promocionar os bos libros infantís e xuvenís ,libros de calidade que esperten a súa imaxinación e os axuden a medrar como lectores e como persoas.
 
Cada ano, esta organización internacional encárgalle unha imaxe e un texto a autores de diferentes países. Nesta ocasión, a autora do texto é a mexicana PAT MORA e o ilustrador do cartel é o estadounidense ASHLEY  BRYAN.
 
A través da OEPLI (Organización Española para o Libro Infantil e Xuvenil) podemos acceder ao poema de Pat Mora.
 
Lemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.

Oímos murmurios
e ríos buliciosos nas súas páxinas,
osos que cantan
graciosas melodías á lúa.

Entramos en misteriosos castelos
e das nosas mans soben ata as nubes
árbores florecidas. Vemos nenas valentes que voan
e nenos que atrapan as estrelas.

Lemos xuntos. Ti e eu, dando voltas e voltas,
percorrendo o mundo coa alegría nos libros.

29 mar 2013

LECTURAS SOBRE A AUGA


 ESTAS SON ALGUNHAS DAS LECTURAS QUE TEMOS NA BIBLIOTECA SOBRE A AUGA,TEMA DO PROXECTO DOCUMENTAL DESTE CURSO.
LIBROS INFORMATIVOS E DE CONSULTA
 
LIBROS DE FICCIÓN

 

22 mar 2013

22 DE MARZO:"DÍA MUNDIAL DA AUGA"


 O  22 de Marzo celébrase
O DÍA MUNDIAL DA AUGA
 2013 foi declarado pola Asamblea Xeral das Nacións Unidas como 
"Ano Internacional
da cooperación na esfera da auga

O Día Mundial da Auga intentará construir un consenso en torno á cooperación en materia de agua e dar forma ás necesidades e accións que deberán acompañar a súa xestión sostible.
Máis información na Páxina Oficial
e no sitio web Water Cooperation 2013
(Preme na imaxe)

Este curso o tema ou proxecto documetal do cole é A Auga,co lema
"A pinga no Seis,algo máis ca auga"

21 mar 2013

O XARDÍN DAS LEMBRANZAS


Hoxe,21 de Marzo, Día da Árbore, aproveitamos  para inaugurar o que será no futuro
 
O XARDÍN DAS LEMBRANZAS
 
Neste xardín, cada ano,no comezo do terceiro trimestre,os cursos de prantarán unha árbore que quedará como  lembranza do seu paso polo colexio.
 
Na parede do ximnasio, o alumnado pintará un mural no que deixarán as súas pegadas.




Hoxe prantaron dous Camelios e cando veña o bo tempo farán o mural.
 
"O SEIS MÁIS CA UNHA ESCOLA"

19 mar 2013

21 DE MARZO:"DÍA DA POESÍA"

O 21 de Marzo,celebramos o"Día Mundial da Poesía".A decisión de proclamar esta data como día mundial da poesía foi adoptada pola UNESCO  en París no 1999 .
(Preme na imaxe)
O principal obxectivo desta acción é soster a  diversidade dos idiomas a través da expresión poética e dar aos que están ameazados a posibilidade de expresarse nas súas comunidades respectivas.


      Por outra parte,ese día ten por obxecto axudar e dar un impulso social á poesía invitando a reflexionar sobre o poder da linguaxe e a capacidade creadora de cada persoa.

R E C U R S O S

     RECOMPILACIÓN DA BIBLIOTECA
"O RECANTO DE MIK"


     RECOMPILACIÓN DA BIBLIOTECA
"OUTEIRO DE MATILDA"


ORELLA PENDELLA



 A C T I V I D A D E S

A biblioteca organiza as seguintes actividades:
 
-Exposición de libros de poesía de diversos autores na biblioteca.

 
 
 
 
 
 
 
 

-Selección de varios poemas sobre a auga
(representación plástica e  exposición dos mesmos)

-O xoves 21 na HORA DE LER:"Lectura de poemas nas aulas"

VÍDEO
Poema "O RÍO"
 de MANUEL MARÍA cantado por Suso Vaamonde
                      

18 mar 2013

21 DE MARZO:"DÍA DA ÁRBORE"


21 de Marzo, celébrase o  "DÍA DA ÁRBORE"coa intención de impulsar a protección e o coidado dos nosos bosques.
                             UN LIBRO INFORMATIVO
  O CARBALLO

Calros Silvar. Editorial Bahía
Unha obra na que consultar e coñecer todo o relativo ao carballo. Nela recóllese información sobre a importancia desta árbore na nosa historia e cultura, os diferentes tipos, a flora e fauna que vive nas carballeiras, os seus cambios ao longo das estacións do ano, os ditos e refráns relacionados,..
 Na biblioteca atoparedes este e outros  libros para traballar o tema nas aulas.


"EL ARBOL GENEROSO"-  SM
"XAIME E AS LANDRAS"- KALANDRAKA
"EN EL  BOSQUE DEL PEREZOSO"- HIPÓTESI

"O CARBALLO CON BOTAS"-GOTELO BLANCO

13 mar 2013

SEMANA DA PRENSA


 Do 11 ao 15 de Marzo, celebramos
 "A SEMANA DA PRENSA"
Nas seguintes ligazóns atoparedes recursos e actividades  para traballar o tema nas aulas.
RECOMPILACIÓN DA BIBLIOTECA
"O RECANTO DE MIK"

 
RECOMPILACIÓN DA BIBLIOTECA
 "OUTEIRO DE MATILDA"
LIM DO "CEIP CESPÓN"

1 mar 2013

LECTURAS " DÍA DA MULLER TRABALLADORA"


Estas son as Lecturas que recomendamos para conmemorar o 8 de Marzo , DÍA INTERNACIONAL DA MULLER TRABALLADORA, que atoparedes en exposición na Biblioteca.
 

 "8 DE MARZO,
DÍA DA MULLER TRABALLADORA"