19 feb 2024

ROSALÍA DE CASTRO: RECURSOS

Recursos para achegarnos á vida e obra da nosa ilustre poetisa Rosalía de Castro. Premendo nas imaxes accederedes aos seus contidos.

Fundación Rosalía de Castro

Unidade didáctica


Rosco sobre Rosalía

Minilibro sobre a vida de Rosalía de Castro

Pasatempos rosalianos

Canción con pictogramas "Adiós ríos, adiós fontes"

17 feb 2024

DÍA DE ROSALÍA DE CASTRO 2024

A Asociación de Escritoras e Escritores en Lingua Galega (AELG) conmemora un ano máis o Día de Rosalía de Castro.

Para o 23 de febreiro, data do aniversario do nacemento da autora, esta entidade propón á cidadanía que agasalle cun libro en galego e cunha flor ás amizades e persoas queridas.

Nesta edición de 2024 Carlos Callón foi a persoa escollida para a redacción do Manifesto da AELG, que será lido no acto central do Día de Rosalía de Castro, o sábado 24 de febreiro no Panteón de Galegos Ilustres, en Santiago de Compostela. O texto será tamén lido en todos os actos promovidos pola AELG, así como nos organizados por outras entidades que se sumen ás propostas que a entidade remitirá a concellos, asociacións e centros de ensino.

O lema escollido para este 2024 é:

#oamordapatriagalega

ROSALÍA: O AMOR DA PATRIA GALEGA

As palabras de Rosalía dábanlle dignidade e sentido á fala do pobo galego e ás súas vidas sen nome.

“O amor da patria me afoga”, escribiu na obra con que inaugurou a literatura galega contemporánea. O seu inmenso segundo libro no noso idioma vai dedicado ás persoas que se organizaban “volvendo para a súa patria os ollos e o corazón”.

Ese amor que ela aqueceu e proxectou é un alento que aínda hoxe mapea horizontes, abre porvires e renace día a día en cada persoa que levanta a cabeza para que Galiza exista, nun mundo mellor, diverso e igualitario. Un mundo, en fin, máis rosaliano…”

FONTE:AELG

16 feb 2024

PROXECTO FOTOGRAFÍA 5º EDº INFANTIL

Comenzaron o proxecto cunha pequena presentación sobre a orixe da cámara (Niépce e a cámara escura), a primeira fotografía en branco e negro, así como a cor; falaron de como podemos facer fotos ao abrir e pechar os ollos. Así comenzou a súa aventura. A través da mirada. 

Despois desta primeira toma de contacto, falaron sobre as cámaras: cómo son, qué partes teñen, para qué podemos usalas... e posteriormente representar a súa idea de “cámara”. Durante esa semana, leron dous contos relacionados coa fotografía.

Continuaron coun obradoiro de fotografía. Zama, un amigo da tía dunha alumna da clase, trouxo varias cámaras e así explicou alguns aspectos, como o uso do zoom,  gran angular... cómo funcionan algunhas, como a polaroid. Tamén observaron algunhas diapositivas e xogaron a crear fotos coa súa cámara.

Continuaron creando, inspirándose no libro de Andy Prokh: El abecedario de Kate & Cat e así construiron o seu propio abecedario.

-Seleccionaron a letra que querían traballar.
-Observan a fotografía e a recrean.
-Pegan a foto; decoran o marco e a letra; escriben 3 palabras que empezan pola letra. 
-Creado o ABC, o seguinte paso foi analizar cada unha das letras, traballando o significado das súas 3 palabras.

Polo Nadal, traballaron a este fotógrafo, Gabrielle Gallimberti, que utiliza a fotografía documental para percorrer o planeta buscando historias que reflexen as diferencias entre os seus habitantes. En TOY STORIES o fixo a través de retratos de nenos e nenas e os seus xoguetes favoritos.

Na aula, falaron e reflexionaron sobre estas fotografías, pero as familias tiveron que facer o resto: unha foto na que saíra unha zona da casa e os xoguetes dos nenos/nenas. Á volta de vacacións cada neno/ nenas falou da súa foto  e creouse unha composición con todas elas.

Para celebrar o “Entroido”, inspiráronse nas fotografías de Ouka Leele como idea de disfraz. Máis concretamente na colección “peluquería”: unha serie de surrealistas retratos en branco e negro coloreados con acuarelas líquidas, onde todas as persoas locen estrambóticos tocados. Ademais, tendo en conta que pertencía á famosa “movida madrileña”, foron disfrazad@s con roupa característica dos anos 80.

Para traballar a esta fotógrafa, realizaron diferentes propostas: retrato de Ouka en branco e negro sobre acetato con rotus de cores vivos (semellando a técnica que utilizaba para as súas composicións), creación do seu nome para a cazadora do disfraz...

15 feb 2024

PROGRAMA DE RADIO "ENTROIDO"

Xa está aquí un novo programa da Radio do Seis.

Nesta ocasión os/as protagonistas son a clase de 4ºC, que nos falarán sobre como se celebra o Entroido nas diferentes zonas de Galicia.

Desfrutadeo!!!


14 feb 2024

ENTROIDO DE CINE 2024

O venres 9 de febreiro celebramos o Entroido no centro. O tempo non nos acompañou e non poidemos facer o pasarrúas polo barrio polo que as actividades programas realizáronse no pavillón.

Os nosos disfraces elaborados seguindo o noso proxecto anual de centro “OSEISMEDIA”: fotografando as cores, fotomatón, fotógrafa Ouka Leele, negativo, reporteiros e cámaras, xéneros de cine, Harry Potter, Mago de Oz e Up.

Moito cine e fotografía neste Entroido!!

A comparsa da Anpa foi a primeira en abrir o desfile e, a continuación, as distintas clases foron desfilando ao ritmo das cancións elexidas con coreografías e bailes.

Lectura do Testamento da Meca que foi indultada.

Rematamos degustando doces típicos deste época: filloas, orellas…

Grazas ás familias pola vosa colaboración!!!

13 feb 2024

DÍA MUNDIAL DA RADIO 2024

O 13 de febreiro celebramos o Día Mundial da Radio.

Este ano a ONU conmemora un século da radio como medio de comunicación baixo o lema:

"Un século informando, entretendo e educando"

A radio escolar é hoxe un medio que forma e educa nos medios de comunicación.

O noso centro participa na iniciativa proposta pola Asociación Ponte...nas Ondas! cun programa sobre o Entroido.

Nico, Andrea, Mateo e Martina, alumnado de 6º e voluntariado da biblioteca, falan sobre unha figura do entroido vigués, o Merdeiro, e fan unha entrevista a María, unha das primeiras mulleres merdeiras que saíron polo Casco Vello no 2006, ano en que empeza a recuperarse esta personaxe do noso entroido. Parabéns polo voso traballo!!! 

                            FELIZ DÍA DA RADIO!!!

12 feb 2024

CITA A CEGAS CUN LIBRO

Na semana do 5 ao 9 de febreiro celebramos na biblioteca o amor pola lectura cunha actividade de animación á lectura moi especial, CITA A CEGAS CUN LIBRO.

Cada clase recibiu a súa carta convidando a participar nesta proposta.

Nos recreos, o alumnado que voluntarimente quixo participar achegouse á biblioteca e escolleu un libro. O voluntariado foi o encargado de organizar esta actividade que, curso tras curso, resulta un éxito de participación.

11 feb 2024

11F: DÍA DA MULLER E A NENA NA CIENCIA

Día Internacional da Muller e a Nena na Ciencia foi proclamado no 2015 pola ONU para recoñecer o rol que xogan as mulleres e as nenas na ciencia e na tecnoloxía. A finalidade é lograr o acceso e a participación plena e equitativa das mulleres e as nenas na ciencia ademais de lograr a igualdade de xénero e o empoderamento das mulleres e nenas.

A iniciativa 11 de Febreiro promove a realización de actividades para visibilizar o traballo das mulleres que se adican ás áreas STEAM, creando así referentes femininos que poidan contribuir á elección destas áreas como carreiras profesionais.

Céntrase no papel das mulleres, nenas e a ciencia en relación aos Obxectivos ODS, incluidos na Axenda 2030.

Máis información sobre o tema en:

·    ONU Mulleres

·    11 de Febreiro org

·     Mujeres con ciencia

·     Mulleres de ciencia en Galicia

Para conmemorar esta data, ao longo deste mes temos varias actividades: 

Selección de libros que contan a vida de mulleres que destacan no mundo da ciencia.

10 feb 2024

ROBÓTICA POLA PAZ

No mes de xaneiro dende os talleres de robótica organizados pola Bibliolab a rapazada de 4º, 5º e 6º de Primaria, estiveron traballando entorno a Paz con diversos obradoiros.

En 4º de Primaria recordaron algúns símbolos da Paz e despois deseñáronos en 3D co obxectivo de crear un colgante para imprimir na impresora. Verdade que fixeron auténticas obras de arte?

 

Nos curso de 5º de Primaria experimentaron cos efectos ópticos xogando coa luz e a escuridade, programando un holograma dunha pomba mensaxeira de Paz. Na seguinte ligazón podedes desfrutar dun exemplo da súa creación e das mensaxes que nos deixou a pomba:  https://scratch.mit.edu/projects/961727854


Queredes desfrutar da experiencia completa empregando unha pirámide holográfica? Na seguinte ligazón tedes o paso a paso: https://youtu.be/fIdq5WDF12M

 

En 6º de Primaria os obradoiro centráronse no uso de Scracth co fin de crear un videoxogo no que hai que recoller os símbolos da Paz, diferenciándoos dos que non o son. Queres probar os teus reflexos? Aquí tedes un exemplo: https://scratch.mit.edu/projects/964402102


Ademais, tamén construiron un pequeno instrumento musical para tocar o Himno da Alegría, como símbolo de unidade e fraternidade; e para crealo tiveron que programar en Scratch e usar a placa Makey-Makey para conseguir que un trozo de papel de aluminio e un cartón emitisen as notas desta melodía.


9 feb 2024

LECTURAS DE ENTROIDO

É tempo de Entroido, de festa, de máscaras, de filloas e de cocido.

Dende o equipo de biblioteca fixemos unha escolma de lecturas para estas datas que podedes atopar en exposición.