Culturgal, a Feira das Culturas Galegas de Galicia, celebra a súa 16ª edición no Pazo da Cultura de Pontevedra do 1 ao 3 de decembro.
Un lugar de encontro entre os públicos e artistas,
profesionais e institucións.
O programa
conta con diversas actividades: novidades editoriais, o
último en audiovisual, novas propostas das artes escénicas, espectáculos de
música, videoxogos e outras iniciativas vinculadas ao mundo da arte.
Ligazón ao Programa
O voluntariado da Biblioteca preparou dúas lecturas para contar ao alumnado de Educación Infantil con motivo da conmemoración do 25N. Grazas polo voso traballo!!!
.png)
Las
chicas pueden con todo, Ed. Bruño
Niñas y niños feministas. Ed. Nubeocho
Ás nenas e nenos feministas
gústanlles todas as cores, levan o pelo o tempo que queiran e elixen os seus
xoguetes. A todos lles encanta xogar e mostrar as súas emocións. Pero, sobre
todo, non queren que haxa “cousas de nena” e “cousas de neno”.
Con motivo da celebración do Mes da Ciencia en Galego nas bibliotecas escolares durante este mes de novembro, o alumnado de 4º, 5º e 6º de Primaria, participou nun obradoiro de robótica inspirado na Hora do Código.
Nesta actividade a rapazada tivo a oportunidade de programar un pequeno videoxogo por niveis de forma moi intuitiva e con pequenas axudas, iniciándose así en conceptos básicos da ciencia da computación.
“Nos medios de comunicación, a igualdade é única opción” foi
o lema que centrou as actividades e o acto colectivo que se desenvolveu para
esta data, 25 de novembro, Día Internacional da eliminación da violencia
contra a Muller.
%2025%20noviembre%20violencia%20de%20g%C3%A9nero%20dibujo%20mujer%20vector%20lila%20(1).png)
Selección de lecturas que tivemos en
exposición para ler, pensar e reflexionar.
Xa na pista
e cos nosos petos violetas formamos círculos bailando e cantando a canción "Tribo" de A banda da Loba, co retrouso en lingua de signos.
Cada clase decorou as letras do lema con símbolos
relacionados coa igualdade (mans, lazos…) que se colocaron no exterior do
centro.
As aulas representaron a nivel gráfico a igualdade na
fotografía, no cine… seguindo o Proxecto Documental deste curso.
A Comunidade Educativa do Seis berramos NON a violencia machista!!!
Xa está aquí un novo programa da nosa Radio Xornal Seis do Nadal.
Nesta ocasión os/as protagonistas son a clase de 6ºA, que nos falarán do 25
N, Día Internacional da eliminación da violencia contra a muller.
Desfrutade desta nova entrega!!!
O 9 de novembro celébrase o Día dos inventores e inventoras e como ademais coincide co mes da ciencia en galego nas bibliotecas escolares, nos talleres de robótica os alumnos e alumnas de 6º tiveron que mergullarse na pel dos enxeñeiros/as para deseñar unha mascota robótica que contribuíse á sociedade ou ao coidado do Planeta, favorecendo así o desenvolvemento dos Obxectivos da Axenda 2030.
Os futuros enxeñeiros e enxeñeiras deseñaron robots que limpan ecosistemas, dan de comer aos pobres, purifican auga, melloran a educación...
Xa están aquí os Retos da Biblioteca. Actividade de procura documental que nos permite traballar o proxecto anual e tamén os Obxectivos ODS da Axenda 2030.
Este primeiro reto ten que ver co Consumo Responsable.
Os recursos cos que conta o planeta son escasos e por
iso é importante facer un uso responsable dos mesmos para garantir ás novas
xeracións un mundo mellor e máis xusto.
O consumo responsable baséase en dúas máximas: consumir
menos e o que consumamos sexa o máis sostible e solidario posible.
Propoñemos facer un anuncio sobre algún produto que
sexa respetuoso co consumo responsable.
Podes facelo no formato audiovisual que queiras:
unha cuña de radio (só voz), un cartel publicitario, un anuncio para
televisión…
Os traballos que fagades podedes entregalos na
biblioteca ou envialos ao noso correo:
bibliotecaseisdonadal@gmail.com
Agardamos as vosas respostas!!!
O venres 17 de novembro celebramos o Magosto no Seis. Desfrutamos dunha maña de xogos populares e as familias aportaron as castañas que asamos e degustamos. E coma sempre, a música acompañou esta xornada festiva e divertida!!!
Continuamos cos programas da nosa Radio Xornal Seis do Nadal.
Nesta ocasión os/as protagonistas son a clase de 6ºB, que nos falarán da festa do Magosto.
Desfrutade desta nova entrega!!!
Voluntariado deste curso, alumnado de 6º de Primaria, que realizarán actividades de xestión e dinamización na biblioteca no tempo de lecer (recreos). Pezas importantes da nosa biblioteca.
Grazas polo voso traballo!!!
Broli está moi contento porque esta semana, se o tempo o permite, celebraremos unha festa moi nosa: O MAGOSTO e así poder desfrutar dunha xornada de xogos, música e de castañas asadas!!!
Compartimos algúns contos e lecturas para esta data!!! Premede nos títulos para acceder aos contidos.
Contos
A castaña que reventou de risa
Lecturas que podedes atopar na biblioteca
Hoxe é un día para reivindicar, unha vez máis, as librarías de proximidade, espazos que van máis alá da venda de libros, transformándose en motores culturais da comunidade.
Librarías con profesionais que entenden
a literatura como algo non supeditado ás modas. Libreiros e libreiras que
consiguen o imposible, que nos axudan a conformar unha colección rigorosa nas
nosas bibliotecas. Librarías que son espazos de acubillo para alumnado e
familias, con múltiples actividades compartidas.
É necesario coñecer e preservar a cadea do libro.
FONTE: BIBLIOTECAS ESCOLARES
Estudios OSEISMEDIA presenta o seu novo vídeo realizado polo alumnado de 1°A. Traballaron coa técnica stop motion, que consiste en aparentar o movemento de obxectos estáticos mediante a captura sucesiva de imaxes. Foto a foto os seus debuxos e as súas palabras cobraron vida para repasar as vogais.
Comezamos este curso coas actividades na nosa Biblioteca vinculadas ao PDI “OSEISMEDIA”.
Tivemos a visita do fotógrafo Zacarías
Abad que viu a explicarlles ao alumnado de 2º de Primaria a evolución das
cámaras fotográficas, desde os carretes fotográficos que precisaban ser
revelados ata as últimas novidades con obxectivos para todo tipo de fotos.
Visualizaron antigas diapositivas proxectadas e ata fixeron fotografías con
ollo de peixe.
Moitas grazas!!!
“A ciencia é un dos sabores do saber. Para degustala, é moi importante a nosa participación activa, e o grande activador é a curiosidade. Precisamos formular preguntas para saborear a ciencia e a lingua permítenos degustala, e tamén é a canle para contar e escoitar as respostas.”
Elena Vázquez Cendón
Desde a Consellería de Cultura, Educación, Formación
Profesional e Universidades, en colaboración coa Secretaría Xeral de Política
Lingüística, vense impulsando a celebración anual do mes de novembro como
o MES DA CIENCIA EN
GALEGO NAS BIBLIOTECAS.
Iníciase esta actuación coa elección dunha imaxe e a
difusión dun texto, a modo de MANIFESTO, de Elena Vázquez Cendón, doutora en matemáticas, Decana da Facultade de
Matemáticas da USC, membro do Consello da Cultura Galega, presidenta do
Estalmat-Galicia e Premio María Josefa Wonenburger no 2022.
O manifesto para este ano 2023, baixo o título "Sementeiras de curiosidade científica " abrirá moitas rutas de traballo e investigación coas que poder sementar
e degustar a ciencia nas nosas bibliotecas escolares.
Desde a Asesoría de bibliotecas escolares realizouse unha recompilación de
recursos dixitais, relacionados coa ciencia, en galego, que se pon a
disposición de todas as bibliotecas: libros e unidades didácticas descargables
en formato pdf, páxinas web de institucións, museos e asociacións de profesores
e divulgadores científicos, convocatorias e propostas, blogs de ciencia dos
centros educativos, experiencias de bibliotecas escolares, etc.
FOLLETO INFORMATIVO: MES DA CIENCIA EN GALEGO NAS
BIBLIOTECAS
No mes de outubro tivo lugar no Museo Marco a presentación do libro "A fotógrafa Perpetua", Ed. Xerais, da artista, cineasta e mestra Olaia Sendón e do proxecto "Perpetuando" que vai por en marcha con Mar Caldas.
Un proxecto sobre a historia da
fotografía con perspectiva de xénero.
Este libro é un álbum de fotos no que
se conta a vida dunha fotógrafa galega, Perpetua, pero tamén hai algo máis, en
todas as súas imaxes hai un segredo agochado.
As mestras de 2º de Primaria
acercáronse para que nos firmase o libro que temos na nosa Biblioteca e que
están traballando neste curso, e convidalas a visitarnos e contarlles ás
nenas e nenos como xurdiu este marabilloso conto.
Tamén lle fixemos entrega dos debuxos
que fixo o alumnado sobre o libro “A crebeira Marabillas” da mesma autora.
Comenzamos un curso máis cos programas da nosa Radio Xornal Seis do Nadal.
Neste
primeiro programa os/as protagonistas son a clase de 6ºC, que nos falarán da
celebración do Samaín acompañado de moita música.
Agardamos
que o desfrutedes!!!
Chegou o Samaín ao Seis!!!
Durante
esta semana estivemos traballando sobre esta temática coas seguintes
actividades:
Exposición de lecturas terroríficas: de pantasmas, bruxas, cabazas, monstros...
Hora de
ler ás escuras
O 30 e
31 de outubro fixemos a Hora de Ler ás escuras. Coas persianas baixadas e coas
nosas lanternas desfrutamos das nosas lecturas. Pasámolo de medoooo…
lendooooo!!!
Exposición
de cabazas
Decoradas
coa temática deste curso (fotografía, cine…). Grazas ás familias pola vosa
colaboración!!!
Contacontos
A cargo
do voluntariado da biblioteca. Prepararon dous contos: “Corre, corre, cabaciña”
e “Os esqueletos divertidos” que contaron na Hora de Ler ás clases de Edº
Infantil. Fixérono xenial!! Grazas polo voso traballo.
Contos
de medo musicados
Inventados
polo alumnado de 4º, 5º e 6º de Primaria na aula de Música. Podedes escoitalos
premendo na ligazón.
https://ofiadeirodoseis.blogspot.com/2023/10/historias-de-medo-musicadas.html
Cartelería
de cine
Cada
clase elaborou o seu cartel cunha película de medo.
Cine de
medo
Comezamos este curso coas sesións de Cine na Biblio no recreo. Nesta
ocasión a temática foi cine de medo polo Samaín.
O luns 30 de outubro proxectouse para o alumnado de Infantil e 1º Ciclo de Primaria "Corre, corre cabaciña" e "Fiz, o coleccionista de medos". Dous contos da colección Contos do Camiño de OQO que están na nosa biblioteca.
Para o alumnado de 3º a 6º de Primaria, o martes
proxectáronse "A bruxa regañadentes" da mesma colección e a "A
historia máis espeluznante de Mickey Mouse".
O alumnado acudiu coa sua entrada, que esta vez
tiña sorpresa, un código QR para poder ver as curtas na casa.
Pasamos un pouco medo... e moitas risas!!!
Robótica
Programación de Scratch para 6º con temática de Samaín (movementos básicos e incorporación de textos con saúdos).
