O xoves 30 de abril, o alumnado de 1º desfrutou coa visita de Lucía Mojón, que compartiu un contacontos sobre o seu libro “Biscoito de castañas”.
Trátase dun divertido álbum ilustrado que nos lembra o valor da imaxinación, dos momentos compartidos en familia, das receitas de cociña e da sabedoría dos nosos maiores.
Unha aventura arredor dunha tarde de outono, unhas castañas desaparecidas e unha viaxe polo noso magosto e as lendas que o acompañan.
O alumnado pasouno xenial, participou, bailou e fixo os sons que aparecen na historia. Tamén lle fixeron preguntas á autora.
O remate, Lucía asinou os exemplares do libro mentras recibía con ilusión os debuxos que o alumnado elaborou inspirándose na obra. Grazas, Lucía, pola túa visita!
No hay comentarios:
Publicar un comentario