ATLAS DOS SOÑOS

9 dic 2015

O APALPADOR

Nos últimos anos estase a recuperar a mítica personaxe do Apalpador que achega agasallos aos nenos e nenas nestas datas de Nadal.

Se queredes coñecer a súa historia preme na páxina web do Apalpador.

Na páxina da Coordinadora Galega dos Equipos de Normalización e dinamización Lingüística tedes moitos recursos.

O Apalpador ou Pandigueiro

Canción de Malvela

Pasade pola biblioteca para ler os libros que temos sobre o Apalpador (Preme nas imaxes).

O Apalpador

Antón e o Apalpador

O Apalpador e a castaña máxica

2 dic 2015

CULTURGAL 2015

"Presume de Culturgal"

Ese é o lema da oitava edición de Culturgal, Feira das Industrias Culturais, que se celebrará os días 4, 5 e 6 de decembro de 2015 no Pazo da Cultura de Pontevedra.

A palabra en todos os ámbitos será a protagonista da oitava edición: literatura, tecnoloxía, música, foros e encontros.

Ademais de poder achegarte aos máis de 80 stands dedicados a libro, música, teatro, audiovisual, infantil, tecnoloxía e máis, Culturgal conta cun programa de ao redor de 120 actividades propias durante os tres días: concertos, espectáculos familiares, encontros con escritores, estreas de filmes e moito máis.

Ligazón ao PROGRAMA:

http://culturgal.com/file/2015/11/PROGRAMA-XERAL-CULTURGAL-2015.pdf

1 dic 2015

LEMBRANDO A XOSÉ NEIRA VILAS

O venres 27 de novembro finou o escritor Xosé Neira Vilas

"Eu son Balbino. Un rapaz de aldea.
Coma quen di,un ninguén.
E ademais, pobre",
Son as primeiras verbas coas que comeza o libro máis lido e
traducido da literatura galega

"Memorias dun neno labrego"

A historia de Balbino é a testemuña da vida rural en Galicia nun tempo pasado.

Ten máis obras como "O espantallo amigo","Cabaliño de buxo, "A Marela Tarabela,...

Nas seguintes ligazóns atoparedes máis información :

Fundación Xosé Neira Vilas

Actividades e recursos para achegar a obra de Neira Vilas aos nenos e as nenas

E que mellor homenaxe que ler as súas obras na biblioteca

30 nov 2015

ACTIVIDADES 25 DE NOVEMBRO

Con apócemas, conxuros e palabras máxicas conmemoramos o Día contra a Violencia de xénero.

Baseado no programa da Rioja

http://buenostratos.larioja.org/

Infantil ata terceiro prepararon apócemas.

1ºEscribimos os ingredientes en papeliños que gardamos nunha bolsa .

2ºEscribimos, debuxamos e pintamos nun folio A3 con forma de caldeiro os ingredientes da nosa apócema para logo poñer no expositor.

Cuarto,quinto e sexto elaboraron conxuros e palabras máxicas para os bos tratos que colocamos no libro.

Con todo preparado o mércores 25 xuntámonos no ximnasio nun acto colectivo no que fomos lendo as nosas apócemas e conxuros e completando o expositor da Igualdade e dos bos tratos.

24 nov 2015

LECTURAS PARA A IGUALDADE

Mañá 25 de novembro, Día contra a Violencia de Xénero , organizaremos un acto colectivo.

Enfocaremos a conmemoración deste día cara á igualdade e a coeducación como aspectos fundamentais para previr a violencia de xénero.

A biblioteca fai unha selección de lecturas sobre o tema e que podedes atopar en exposición.

* Contos"A Igualdade conta"de Edicións Embora

* Rosa Caramelo.Ed. Kalandraka

* Unha feliz catástrofe.Ed. Kalandraka

* A historia dos bonobos con lentes. Ed.Kalandraka

* Nin un biquiño á forza

* O libro dos porcos.Ed. Kalandraka

* Artur e Clementina.Ed. Kalandraka

* Colección"Contos da Igualdade"de Baía edicións

* Y dejó escapar sus ojos. Creotz ediciones

13 nov 2015

NOVEMBRO, MES DA CIENCIA EN GALEGO NAS BIBLIOTECAS

Dende a Consellería promóvose a celebración de novembro como MES DA CIENCIA EN GALEGO NAS BIBLIOTECAS

O autor do manifesto é o científico e divulgador da Universidade de Santiago, Jorge Mira, quen lembra no seu fermoso texto que "o galego, tanto pola riqueza que lle dá o seu milenio de historia, como pola súa condición de porta aberta a centos de millóns de persoas da lusofonía, é vehículo esencial para transportar masivamente a ciencia e o labor dos moitos científicos de excelencia que temos en Galicia."

A Asesoría de Bibliotecas ofrece unha páxina con Recursos e materiais para a ciencia en galego

Recompilación de recursos sobre a lingua galega e a ciencia realizado pola Secretaría Xeral de Política Lingüística

10 recursos sobre ciencia para os máis pequenos

Manifesto

Folleto informativo que recolle diversas actividades nas bibliotecas públicas.

12 nov 2015

MAGOSTO 2015

O luns poidemos celebrar o Magosto e disfrutar desta festa na que a castaña foi a protagonista.

Adornamos a entrada cun mural coas castañas viaxeiras que decoraron as familias e alumnado.

As familias aportaron leña e castañas e os nenos e nenas trouxeron de casa colares de follas, diademas, sombreiros.

Mentras os nenos e nenas xogaban as mestras foron as encargadas de preparar as fogueiras e asar as castañas.

O alumnado de primaria, ao ritmo de varias cancións, saltaron á comba e infantil organizou varios xogos, circuito, culler con cuchara e tragacastañas.

E como remate o baile dos globos, buscamos unha parella e co globo colocado entre os dous bailamos e tentamos explotalo.

Despois de xogar e cos nosos cestiños e cucuruchos tocaba comer as castañas que estaban boísimas!!!!

E o toque final, tiznar a cara e bailar!!!!

Pasámolo xenial!!!!

5 nov 2015

TEMPO DE MAGOSTO

Mañá venres 6 de novembro, celebraremos o MAGOSTO.

Durante estos días andamos preparando todo o necesario para desfrutar desta festa (xogos, cestiños,...)

Premendo na imaxe accedemos a unha recompilación de recursos para traballar o tema.

Na páxina da Coordinadora Galega dos Equipos de Normalización Lingüística atoparedes unha selección de Actividades sobre a castaña e o magosto con 3 poemas de Manuel María, Helena Villar e Tucho Calvo, elaborado polo Ceip Galán de Oseiro (Arteixo).