DÍA DE ROSALÍA DE CASTRO 2019

A Asociación de Escritoras e Escritores en Lingua Galega (AELG) conmemora un ano máis o Día de Rosalía de Castro.

Para o 24 de febreiro, fixado no Calendario do Libro e da Lectura como aniversario do nacemento da autora, esta entidade propón desde 2010 á cidadanía que agasalle un libro en galego e unha flor.

O 24 de febreiro terá lugar o acto central do Día de Rosalía no que se lerá o tradicional manifesto da AELG, que este ano elaborou Ana Romaní.

O texto será tamén lido en todos os actos promovidos pola AELG así como nos organizados por outras entidades que se sumen ás propostas que a entidade remitirá a concellos, asociacións, centros de ensino.

O lema da proposta, Do XIX ao XXI: Libre o meu Pensamento!, pode desenvolverse a través de actividades que permitan ao alumnado observar e reflexionar sobre a vixencia do amplo abano de inxustizas sociais, incluída a situación da lingua galega, presentes na obra de Rosalía de Castro.

Para isto, despois de facer un repaso da figura literaria da Autora, e dalgunhas lecturas que dean conta da pluralidade significativa da súa obra, propoñemos para o venres 22 de febreiro a realización dunha Mani-FESTA-acción simbólica arredor de versos escollidos a partir do manifesto da AELG no Día de Rosalía de Castro 2019, elaborado pola escritora Ana Romaní, unindo unha Inxustiza cun Verso de Rosalía de Castro.

Fonte:AELG

13 DE FEBREIRO: DÍA MUNDIAL DA RADIO

Hoxe é o Día Mundial da Radio!!! No ano 2013 a ONU aprobou a proclamación da Unesco do Día Mundial da Radio.

"Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a coperación internacional entre os organismos de radiodifusión."

Este ano celébrase co lema:"Diálogo, tolerancia e paz" e o poder da radio para promover o entendemento e o empoderamento das comunidades.

O noso centro participou en Ponte...nas Ondas! co programa preparado polo alumnado do Club de Lectura de 6º para o Día da Paz.

Na seguinte ligazón podedes escoitalo

https://www.ivoox.com/32471418

LECTURAS QUE NAMORAN

Dende a biblioteca preparamos unha selección de libros e lecturas para estas datas , amor, bicos, ledicia , emocións, sentimentos, palabras fermosas,... 

Os libros e a lectura tamén nos namoran !!!!

CITA A CEGAS CUN LIBRO

Nesta semana (do 11 ao 15 de febreiro) imos celebrar na Biblioteca “O Amor á Lectura”. Preparamos unha selección de libros que van namorarte e que non podes deixar de ler. Déixate sorprender!!!

Atreveríaste  a ler un libro sin ver cal é?

Queremos convidarvos a participar  nunha cita a cegas. Pero non é unha cita calquera, é unha cita moi especial….unha Cita a Cegas cun Libro.

Nun recanto da biblioteca poderás atopar libros sorpresa, anónimos, envoltos en papel con corazóns de distintas cores, que indican a idade á que están dirixidos e que non poderás descubrir ata que chegues a casa. Non poderás ver o título, nin as ilustracións nin quen é o autor/autora.

É unha iniciativa para namorarte da lectura. Só tes que pasar pola biblioteca e reservar o libro que queres no recreo. O venres, 15 de febreiro, ven recolleo e levalo para casa. Ponte cómodo no teu recanto favorito de ler. Abre o papel e…..Sorpresa!!! Será amor a primeira vista?

Esta iniciativa Cita a Cegas cun libro, está inspirada no proxecto Blind Date with a book que se realizou por primeira vez nunha biblioteca pública de Los Ángeles (EEUU) e onde foi un verdadeiro éxito.

DÍA INTERNACIONAL DA MULLER E A NENA NA CIENCIA

O 11 de febreiro foi declarado pola ONU como o Día Internacional da Muller e a Nena na Ciencia "coa finalidade de lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas."

A iniciativa 11 de Febreiro promove a realización de actividades que, visibilizando a labor das científicas, conmemoren este día, fomenten vocacións científicas nas nenas e axuden a pechar a brecha de xénero na ciencia. 

Información en:

-ONU Mulleres

-11 de febreiro.org

Fonte: Bibliotecas Escolares

Selección de lecturas que podedes atopar na biblioteca 

DÍA DA PAZ 2019

Ao longo destas semanas estivemos traballando o tema :

-Realizamos investigacións na biblioteca sobre persoas que loitaron  pola Paz non mundo ( Gandhi, Nelson Mandela, Malala,....)

-Tamén fixemos taboeiros para traballar cos escornabots a partir de investigacións e un xogo con pictogramas.

-Selección de Lecturas.

-Palabras Máxicas para a Paz.

Cada nivel elexiu unha palabra máxica para a Paz empregando diversos materiais e técnicas, seguindo o proxecto anual que estamos a desenvolver, e que foron expostas no vestíbulo do centro amosando a súa creatividade e imaxinación:  aperta, amizade, agarimo, supercalifragilístico, alegría, compartir, harmonia, serendipia e esperanza.

-Mural "Abracadabra que a Paz se faga" con pombas nas que escribiron diferentes palabras para conseguir a paz no mundo.

-Na hora do recreo, os integrantes do Club de Lectura prepararon o Programa de Radio sobre o Día da Paz na que nos falaron da maxia da esperanza, dos soños, do diálogo,....

E hoxe, 30 de xaneiro, para conmemorar o Día da Paz celebramos un acto colectivo co lema: "Coas palabras máxicas faremos a PAZ".

Todos e todas vestidos de branco subimos ao pavillón e alí, sentados en forma de u, coas letras que forman as palabras que cada curso elexiu , metémolas no sombreiro máxico e fixemos o noso "Feitizo da Paz".

Despois danzamos  ao son da canción "Baile da Paz" que, ademais de cantar, acompañamos dunha coreografía que aprendemos na clase de música. Para ver o vídeo preme na seguinte ligazón

VIDEO BAILE DA PAZ

CANCIÓN PARA O DÍA DA PAZ

O Día da Paz imos cantar o poema " Baile da Paz" de Carmen Gil musicado por Mamá Cabra do Libro-Cd "A bruxa Discordia".

Premendo na seguinte imaxe accederedes á musica e á letra en pictogramas para ir practicando.

LECTURAS PARA A PAZ

Desde 1964, para conmemorar a morte de Gandhi, o 30 de xaneiro celébrase o Día Escolar da Non Violencia e a Paz, recoñecido pola Unesco en 1993.

Lémbrase a necesidade da educación para a tolerancia, a solidaridade, o respeto aos Dereitos Humanos, a non violencia e a paz.

Estas son algunhas das lecturas seleccionadas que nos falan de convivencia, solidariedade, compartir, respetar,.... que están en exposición na biblioteca e no vestíbulo do centro.

POR QUE?Ed. Kalandraka

Fronte á barbarie da guerra, un libro visual que alenta os lectores a seren promotores do diálogo, da tolerancia, da convivencia e da paz.

IMAGINE. Ed. Flamboyant

É un álbum infantil sobre os valores da paz e a tolerancia. Coa letra da inmortal canción de John Lennon e prólogo de Yoko Ono en colaboración con Amnistía Internacional.

A BRUXA DISCORDIA.Ed.Galaxia.
Libro-Cd.Cancións para a Paz

Discordia é unha bruxa que é feliz destruíndo a Paz, facendo que todos os animais, e os humanos, se leven mal. E come olivas como unha tola...  Con todo un día vai acontecer algo que cambiará o seu mundo, e o mundo enteiro, para sempre...

O LAPIS MÁXICO DE MALALA.Ed.Xerais

Malala, como o personaxe dunha serie da televisión, desexaba ter un lapis máxico. Con el faría feliz a súa familia, borraría o cheiro a lixo da cidade, detería o tempo para durmir unha hora máis pola mañá... Pero nun momento dado caeu na conta de que había cousas máis importantes que arelar. Non lle gustaba o mundo que vía e quería mudalo. E aínda que nunca atopou un lapis máxico, decatouse de que podía traballar arreo para facer realidade os seus desexos.Este volume, fermosamente ilustrado, narra a historia de Malala para o lectorado máis novo e amosa como se pode abrazar a esperanza, mesmo nos momentos máis difíciles.

O PRINCIPIO. Ed. Kalandraka

Malia os efectos crueis e devastadores dunha guerra, este relato poético contado dende a infancia e que nos transporta con todo detallismo ata onde estouran as bombas, é unha mensaxe de esperanza.

CALENDARIO 2019 DO LIBRO E DA LECTURA

Calendario do Libro e da Lectura 2019, coas datas, efemérides e conmemoracións máis salientables en torno aos libros e a lectura. 

ACTIVIDADES EN NADAL

En Decembro desenvolvemos varias actividades:

-Visita do Apalpador

O venres 21 de decembro cando chegamos as nosas clases atopámonos cunha sorpresa, en cada das nosas mesas había unha castaña. Quen a deixara alí? A resposta as nosas preguntas non tardou en chegar. Ao longo da mañá recibimos a visita do Apalpador.

En Educación infantil contáronlle o que estivemos aprendendo sobre este personaxe que nos visita cada ano por estas datas.

Poesías, debuxos, libriños, .... foron alguns das actividades traballadas para achegarnos a este figura do noso nadal.

-Contos en Familia

Jimena, nai de Nicolás e Leandro, de infantil de catro anos contounos un conto de nadal : " O Apalpador". Grazas!!!

-En Nadal adopta un libro

Un curso máis, na última semana de decembro, montamos esta campaña co obxecto de darlle unha segunda oportunidade a eses libros que, por diversos motivos (antigüidade, falta de espazo, fondos actualizados,...), temos que retirar da nosa biblioteca.

 

Aqueles nenos e nenas que lles interesou, achegáronse ao vestíbulo do cole, onde estaban expostos os libros, organizados por idades, para que poideran adoptalos e colleron o que máis lles gustou para levalo para casa.