Este curso continúa a actividade dos RETOS para os recreos na biblioteca, unha proposta impulsada por Polos Creativos e Biblioteca Creativa que se iniciou o curso pasado e que segue medrando con novas ideas, materiais e aventuras.
Os retos son propostas voluntarias pensadas para que o alumnado poida participar nos recreos dun xeito lúdico e creativo.
A través desta actividade, Broli irá percorrendo o
barrio e convidando a descubrir diferentes desafíos que levarán ao alumnado ata
a biblioteca, un espazo no que crear, pensar, experimentar e compartir durante
os recreos.
Cada reto será unha oportunidade para desenvolver a creatividade, experimentar con materiais diversos, traballo en equipo e compartir ideas e aprendizaxes.
Neste mes de outubro, chega o reto con
Magsmarters no que terán que construir un helicóptero para poder ver Coia a
vista de paxaro!
Un pasaporte dos retos acompañará o alumnado ao longo de todo o curso e irá completándose a medida que Broli avance polo barrio e se superen os diferentes desafíos.
Cada reto realizado permitirá continuar a ruta,
sumar novas experiencias e deixar constancia da participación nesta viaxe
creativa.
O alumnado que complete todos os retos ao longo do curso recibirá un agasallo no mes de xuño, como recoñecemento á súa participación, constancia, creatividade e ganas de formar parte desta aventura.
No hay comentarios:
Publicar un comentario