INVESTIGANDO SOBRE A LUZ

Durante o primeiro trimestre o alumnado de 5º realizou unha investigación sobre a luz, no marco do PDI do centro “OSEISMEDIA”. 

A luz é fundamental nun estudo de produción, nun espectáculo ou en calquera creación audiovisual, por iso o alumnado púxose en marcha para buscar información sobre que é a luz, as súas propiedades e o comportamento dos materiais ante esta. Tamén descubriu curiosidades como que é a bioluminiscencia, por que se crean as sombras ou quen inventou a bombilla, elemento que vai ser fundamental nas nosas creacións ao longo do curso.

 

A seguinte fase foi xuntarse por equipos para plasmar toda esa información en cartaces que locen nos corredores do cole para que os demais compañeiros e compañeiras poidan curiosear.