ROSALÍA DE CASTRO: RECURSOS

 Recursos diversos para coñecer a súa vida e obra. 

(Preme nas imaxes)

FUNDACIÓN ROSALÍA DE CASTRO 

Con información diversa, biografía, obras, imaxes, citas e frases,...

RUTA ROSALIANA 

É o itinerario que segue a vida de Rosalía de Castro, desde o seu nacemento, os diversos lugares onde ela viviu e remata onde repousan as súas cinzas. Transcorre polos concellos de Ames, Brión, Dodro, Padrón e Santiago á beira do río Sar.

DÍA DE ROSALÍA 2022

Unidades didácticas, contos e cantos,...

DESCUBRINDO A ROSALÍA

Un paseo virtual pola súa vida e obra

PASATEMPOS ROSALIANOS-AULAS GALEGAS

Pequena serie de pasatempos (encrucillado, sopa de letras, salto do cabalo…) para facer un achegamento lúdico á fígura de Rosalía de Castro e aos seus textos

ROSCO SOBRE ROSALÍA

A través das preguntas que se formulan neste rosco, o alumnado de educación primaria poderá ir repasando os coñecementos adquiridos sobre Rosalía de Castro, tanto os relacionados coa súa biografía, como os que teñen que ver coas obras e o legado literario da escritora.

BRINCALETRAS

SON DE POETAS

Recompilación de varios poemas

POEMAS MUSICADOS

23 DE FEBREIRO, DÍA DE ROSALÍA DE CASTRO

A Asociación de Escritoras e Escritores en Lingua Galega (AELG) conmemora un ano máis o Día de Rosalía de Castro.

Para o 23 de febreiro, data do aniversario do nacemento da autora, esta entidade propón á cidadanía que agasalle cun libro en galego e cunha flor ás amizades e persoas queridas.

Para a edición de 2022 Beatriz Maceda Abeleira foi a escritora escollida para a redacción do Manifesto da AELG, que será lido no acto central do Día de Rosalía de Castro, o sábado 19 de febreiro no Panteón de Galegos Ilustres, en Santiago de Compostela. O texto será tamén lido en todos os actos promovidos pola AELG, así como nos organizados por outras entidades que se sumen ás propostas que a entidade remitirá a concellos, asociacións e centros de ensino.

..."Alimentamos a realidade do noso País a través da nosa lingua e das palabras que envolven a nosa diversidade social e cultural. Pensármonos na lingua de nosoutras é manter, transmitir e dignificar quen somos. E esta é a forza que atopamos en Rosalía de Castro: recoñecérmonos como pobo forte, unido na nosa lingua...."

O lema escollido para este 2022 é: #SementadePensamentos

"Eu son libre. Nada pode conter a marcha dos meus pensamentos, e eles son a lei que rexe o meu destino"

Seguindo a proposta da AELG para os centros escolares, no noso colexio, plantaremos pensamentos (flor favorita da escritora) en botas vellas e montaremos un mural colectivo, que decoraremos con pensamentos cheos de versos da nosa poetisa, colocados arredor do rostro de Rosalía de Castro.

FONTE: AELG

APORTACIÓN DE LIBROS ANPA

Queremos agradecer a ANPA do Seis do Nadal, a súa aportación dun lote de libros, que pasarán a formar parte dos fondos da nosa Biblioteca. Grazas e a disfrutalos!!!

CITA A CEGAS CUN LIBRO

Nesta semana, do 14 ao 18 de febreiro, na Biblioteca, imos celebrar o amor polos libros cunha actividade de animación á lectura moi especial, “CITA A CEGAS CUN LIBRO”.

Animádesvos?

Cada clase recibirá un paquete. Abrideo e descubriredes libros envoltos en papel de periódico con corazóns de cores, que indican a idade a quen van dirixidos.

Non teñen nin título, nin autor/autora, nin imaxes, nin pistas,... para que non poidas saber que hai no seu interior: aventuras, misterio,...

Escolle un deles e déixate sorprender!!!

Non esquezas!!!…Non debes abrilo ata chegar a casa!!!

E…descubre historias que te namorarán!!!

DÍA INTERNACIONAL DA MULLER E A NENA NA CIENCIA

No ano 2015, a ONU estableceu un Día Internacional para recoñecer o rol crítico que xogan as mulleres e as nenas na ciencia e a tecnoloxía. A finalidade é lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas.

A iniciativa 11 de Febreiro promove a realización de actividades para visibilizar a labor das científicas e fomentar vocacións científicas nas nenas.

A ciencia e a igualdade de xénero son vitais para alcanzar os ODS,  incluidos na Axenda 2030, nos que moitas das nosas bibliotecas escolares están a traballar.

Máis información sobre o tema en:

·       ONU Mulleres

·       11 de Febreiro org

·       Mujeres con ciencia

·       Mulleres de ciencia en Galicia

Fonte: Bibliotecas Escolares

Dende o Equipo de Biblioteca plantexamos varias actividades, experimentos, xogos, fichas de investigación,... que se desenvolverán na BiblioLab dende o próximo luns 14 de febreiro.

Procura documental, cos libros informativos seleccionados, para realizar investigacións sobre Mulleres Científicas.

Exposición de libros sobre mulleres pioneiras e científicas.

Obxectivos ODS da Axenda 2030

OBRADOIRO DE SCRATCH

Con motivo da semana adicada á Paz, plantexamos unha actividade para realizar na BiblioLab, esta consistiu nun Obradoiro de SCRATCH, no que a rapazada desfrutou e aprendeu creando un holograma cuxa protagonista foi a pomba da Paz.

CONTACONTOS POLA PAZ

O voluntariado da Biblioteca, alumnado de 6º, preparou varias lecturas para contar a 1º e 2º de Primaria durante a Semana da Paz.

Os libros seleccionados foron: A pomba dona Paz, El árbol de la amistad, Unha longa viaxe, Wangari y los árboles de la Paz, O lápis máxico de Malala. 

Foi unha Hora de Ler diferente!!!

Posteriormente, as clases realizaron diversas actividades a partir desas lecturas: debuxos, ilustracións, vídeos,… 

Historias  que nos levaron ao diálogo e á reflexión.

Obxectivos da Axenda 2030

RETO FEBREIRO

Febreiro é o mes do Entroido e, si unha nova etapa do camiño queres superar, unha tarefa terás que facer: investigar as máscaras ou traxes tradicionais de Entroido das zonas polas que pasa o camiño que estades traballando na vosa aula.

Facer un debuxo ou unha manualidade desa máscara ou traxe e traela á biblioteca para facer unha exposición.

Agardamos as vosas  respostas!!!

ENTROIDANDO NO CAMIÑO!!!!

SEMANA DA PAZ

O 30 de xaneiro conmemorase o Día Escolar da Non violencia e a Paz e, dende os Equipos de Biblioteca e Complementarias, propuxemos diversas actividades para esta semana e que rematarán co acto que celebraremos o luns 31 de xaneiro.

A letra e o vídeo da canción que imos cantar, ”Xa chegou o día da Paz” de Pablo Díaz  podedes velo no blog de Música. 

https://opentagramamaxico.wordpress.com/

Exposición temática:"Lecturas para a Paz"

Selección de lecturas con historias  que falan de convivencia, respeto, amizade, tolerancia, solidariedade, de valores,… que convidan ao diálogo e a reflexión.

Contacontos: o voluntariado preparou lecturas con esta temática para contar ao alumnado de 1º e 2º.

Obradoiro de Scratch: as clases de 5º e 6º participaron no obradoiro para crear o holograma dunha pomba.

Reto de xaneiro: as mensaxes secretas a descifrar eran dúas frases que pronunciaron Gandhi e Teresa de Calcuta.

Con estas actividades traballamos o Obxectivo nº16 dos ODS da Axenda 2030.

"Promover sociedades pacíficas e inclusivas para o desenvolvemento sostible, facilitar o acceso á xustiza para todos e construír a todos os niveis institucións eficaces e inclusivas que rendan contas."

DÍA DA ILUSTRACIÓN 2022

Cada 30 de xaneiro, coincidindo co día do nacemento de Castelao, celébrase o Día da Ilustración. Esta é unha iniciativa da Consellería de Cultura, Educación e Universidade en colaboración coa Asociación de Profesionais da Ilustración. Unha data que serve para reivindicar o papel dos profesionais do mundo da ilustración homenaxeando a un ilustrador ou ilustradora histórico galego. 

Este ano o protagonista é Reimundo Patiño pintor, gravador e autor de BD.

 "Pioneiro da arte contemporánea galega"

Unha ocasión para traballar e reivindicar desde as bibliotecas escolares a historia da ilustración galega que non deixa de ser memoria do noso país. Para achegarnos ao valor propio das imaxes  máis aló dun complemento da escrita.

Tamén, unha oportunidade para poñer en valor o traballo da ilustradora Paula Mayor autora do cartel deste ano, unha poderosa imaxe da que seguro teremos moitas e variadas lecturas: estéticas, literarias, históricas, mitolóxicas ... ao tempo que viaxamos polo "desacougo creador" do homenaxeado neste 2022.

FONTE:BIBLIOTECAS ESCOLARES