O
lema elexido seguindo o proxecto do centro é
En
Abril,....arte a mil!!
Cheo
de creatividade, imaxinación, ilusión,.....
15 abr 2018
EN ABRIL....ARTE A MIL!!!
5 abr 2018
VISITA DE HÉCTOR CAJARAVILLE
E hoxe tocoulle o turno ao alumnado de quinto que compartiu un rato moi
agradable co xornalista e escritor Héctor Cajaraville , autor do libro "Quen dá a quenda?", obra coa que quedou finalista do Premio Merlín de Literatura
Infantil 2015.
Foi unha sesión moi amena na que respostou a todas as nosas preguntas e empezou cunha breve
introducción na que nos contou que comenzou a escribir con 40 anos, que lle gustaba compartir estos momentos cos seus
lectores e coñecer as súas valoracións para mellorar os seus relatos, a
importancia das palabras e da lectura,...
Grazas Héctor por compartir con nós estos momentos!!!
4 abr 2018
RAMÓN CARIDE NO SEIS
Ao longo deste mes de abril, mes dos libros, serán varios
os escritores e escritoras que visitarán a nosa biblioteca e hoxe comenzamos
con Ramón Caride , autor de "Catro amigos
pillabáns", libro que leu o alumnado de primeiro dentro do
itinerario lector deste curso.
Despois
da súa lectura foron diversos os traballos e
murais que fixeron e que lle amosamos ao autor.
No
encontro houbo momentos para falar dos seus libros, para respostar
as distintas preguntas que tiñan preparadas, que foron moitas , e
para asinar nos distintos exemplares e no libro de lembranzas. Grazas Ramón pola túa visita!!!!
2 abr 2018
XIX SALÓN DO LIBRO INFANTIL E XUVENIL
O tema da edición
de 2018 é MULLERES
DE CONTO e con ela pretenden render merecida homenaxe ás
mulleres que conforman o mundo da literatura infantil, desde os personaxes dos
contos ata as autoras, editoras, ilustradoras, profesoras, bibliotecarias… e,
ao tempo, promover unha lectura crítica e reflexiva, con perspectiva de xénero,
ao mundo da creación literaria e plástica da LIX.
E, dun xeito moi
especial, á nosa muller de conto máis querida: María Victoria Moreno, autora á que se lle adica o Día das Letras Galegas e que tivo
coa nosa lingua e a cidade de Pontevedra unha verdadeira historia de amor.
México é o país invitado para esta edición cunha
variada mostra da literatura infantil e xuvenil do país.
Son diversas as actividades dirixidas ao público: contacontos, obradoiros, espectáculos
musicais, teatro, concertos,...
Todo o Programa na seguinte ligazón
1 abr 2018
2 DE ABRIL,DÍA INTERNACIONAL DO LIBRO INFANTIL
Cada ano unha Sección Nacional ten a oportunidade de ser a patrocinadora
internacional do Día do Libro Infantil. Esa Sección elixe un tema e selecciona
a un autor ou autora importante do país co fin de que escriba unha mensaxe para
os nenos e nenas do mundo, e a un recoñecido ilustrador ou ilustradora para que
deseñe un cartel que se difunde en colexios, bibliotecas, a través dos medios
de comunicación, etc. Con este motivo organízanse diferentes actividades de
animación, encontros con escritores e ilustradores, concursos e outras accións
puntuais.
A
responsabilidade do cartel e o díptico deste ano 2018 correspondeulle a
Letonia. Ten a autoría do texto a escritora letona Inese Zandere, poeta, editora e activista da promoción da lectura quen titula
a súa mensaxe: "Os libros fan grande o máis pequeno".
"...Un libro infantil
representa o respecto pola grandeza do máis pequeno. Representa un mundo que se
crea de novo unha e outra vez, unha seriedade lúdica e preciosa sen a que todo,
incluída a literatura infantil, é simplemente un traballo moi pesado e baleiro..."
Pola súa parte, a imaxe do cartel é do
ilustrador Reinis Petersons, recoñecido debuxante deste país
báltico.
18 mar 2018
VISITA DE PACO NOGUEIRAS
Despois de recibir unha carta comunicándonos a súa visita
estivemos facendo uns debuxos e escribimos palabras para darlle a benvida : música, risas, alegría,
contos, baile!!!!
Presentounos o seu novo libro disco "Radio Bulebule"
e as historias que compartiu con nós foron "Nunú xoga", "Grisela" e "A horta de
Simón". Grazas Paco!!!
5 mar 2018
SEMANA DA PRENSA
Os xornais serán a nosa ferramenta de traballo fomentando a
súa lectura, a procura de información, a súa comunicación e permitiranos
traballar as distintas competencias.
Na biblioteca atoparedes prensa variada
(local, rexional, deportiva,..) e libros sobre o tema.
Recursos
El periódico y la noticia
Programa Prensa-Escuela
No
lateral dereito do blog co título "
KiosKo-Prensa" tedes un enlace permamente aos principais
xornais en formato dixital.
4 mar 2018
LECTURAS EN FEMININO
Achégase o 8 de marzo, Día Internacional da Muller, e a biblioteca fai unha selección de
lecturas para dar a coñecer mulleres galegas que no seu día foron
pioneiras en diferentes ámbitos e conseguiron vencer as barreiras impostas ao
seu xénero e dar os primeiros pasos.
Colección "Mulleres Bravas
da nosa historia"
Urco Editora
Colección "MULLERES GALEGAS"
Lela Edicións
"PIONEIRAS"
Ed.
Xerais
E outros libros nos que as protagonistas son mulleres,
nenas,....que contan as súas historias, viven aventuras, reivindican os seus
dereitos,... e que nos permiten unha reflexión sobre o tema.
Podedes atopalas en exposición na biblioteca.
23 feb 2018
#AbrideAfiestra: DÍA DE ROSALÍA
Para conmemorar o Día de Rosalía de Castro sumámonos á actividade
proposta pola Asociación de Escritoras e Escritores en Lingua Galega (AELG) e
durante toda esta semana estivemos preparando esa data para achegarnos á figura
da nosa ilustre poetisa.
Abrimos as fiestras a Rosalía!!!!
Foron diversas as actividades que realizamos tendo presente o
proxecto anual de centro Emocionarte.
Exposición de libros da autora
En Educación Infantil
Entregouselles unhas fiestras abertas cunha representación iconográfica de Rosalía que pintaron ao estilo
pop-art , fixeron debuxos de
Rosalía e retratos picassianos. Que grandes artistas!!!
En Primaria
Tendal poético de Rosalía
Mural feito con follas de diversas formas nas que escribiron versos e palabras significativas.
"Rosalía, Superheroina cotiá da lingua
galega"
A partir do artista galego Joseba Muruzabal que fai arte
urbano (no seu traballo de avoas heroinas) , caracterizaron a Rosalía como unha
heroina nos traballos cotiás.
Poema traballado en pictogramas"Adios ríos, adios
fontes"
Avións de papel con versos de Rosalía
Marcapáxinas
En música traballaron
o poema "Rosalía Pequeniña" que un grupo de alumnos cantou para o resto do centro. Fixérono xenial!!
18 feb 2018
ROSALÍA DE CASTRO: RECURSOS
Recompilación
de recursos para achegarnos á vida e obra de Rosalía.
Fundación e Casa Museo Rosalía de Castro
Minilibro
sobre a vida de Rosalía do
Ceip Plurilingüe Profesor Albino Núñez
Ceip Plurilingüe Profesor Albino Núñez
Selección
de poemas de Rosalía editado polo Concello de Vigo
Canción
con pictogramas elaborado polo Ceip Plurilingüe
"Anxo Da Garda". Poema : "Adios ríos, adios fontes".
Suscribirse a:
Entradas (Atom)