DANI VIÉITEZ E IRIA IGLESIAS NO SEIS

No mes de marzo contamos un curso máis coa presenza de Dani Viéitez e Iria Iglesias.

Ilustraron o último libro de Xosé Neira Vilas

 "Galicia, nosa ledicia" .

Este libro é unha viaxe en verso  pola historia de Galicia publicado por Edicións Embora.

Nunha sesión moi amena explicáronlle aos nenos e nenas de primeiro o proceso de creación dos personaxes e das ilustracións  a partir de adiviñas  empregando os versos que aparecen no libro.

Trouxeron para a biblioteca o libro que ilustraron. Moitas grazas!!! 

Despois de asinar no libro de lembranzas fixémoslle un agasallo.

Iria e Dani son os autores da serie "O Raposo Rufo" que xa nos presentaran o curso pasado e agardamos polas novas aventuras deste personaxe e dos seus amigos!!!

XVII SALÓN DO LIBRO DE PONTEVEDRA

Os animais serán os protagonistas deste XVII Salón do Libro: domésticos, salvaxes, polares, nocturnos, acuáticos. Formigas, osos, cans e paxaros. De todas partes do mundo, dos ecosistemas coñecidos e por coñecer. Reais, fantásticos!!!!

Todos eles teñen cabida no Salón, que terá lugar no Pazo da Cultura de Pontevedra entre o 1 e o 23 de Abril de 2016.

Ilustración de María Álvarez (Yupiyeyo)

"Canta bichería" é o lema deste edición con máis de 300 actividades abertas a todos os públicos: talleres científicos, contos, música, teatro, concertos, espectáculos,..

Visita o Salón  da man de "Extravaganzza Pérez", personaxe creada por Ledicia Costas.

Programa

http://www.pazodacultura.org/media/salon-do-libro/2016/Programa_Salon_do_libro_2016.pdf

TRABALLOS PRENSA E DÍA DA MULLER

Recollemos unha escolma das actividades que realizamos na Semana da prensa e o Día da muller.

VIAXANDO POLA PRENSA

Durante a semana do 7 ao 11 de marzo estivemos traballando  coa prensa.

Na  biblioteca tivemos  prensa de ámbito local,nacional e deportiva para que cada clase na súa hora  poidera traballar sobre o tema.

Entre as actividades :

Educación infantil buscaron noticias sobre o o universo, o proxecto que están traballando

Fichas de investigación sobre os xornais
Seccións, titulares,....

As matemáticas na prensa

 O alumnado aplicou os coñecementos que tiña de matemáticas á prensa

A muller na prensa

Buscamos noticias nas que a muller foi a protagonista

Prensa e microrrelatos

A partir do titular dunha noticia fixeron microrrelatos

DÍA DA MULLER

Exposición de lecturas na biblioteca

Pescudamos sobre  mulleres viaxeiras

En educación infantil:

As mulleres da miña vida

Mulleres na ciencia

Presentación en fotos 

8 DE MARZO,DÍA DA MULLER TRABALLADORA

Mañá, 8 de Marzo, conmemórase o Día da Muller Traballadora, e nós unímonos á celebración desta data.

Ilustración de Mónica Carretero

Queremos lembrar e facer unha homenaxe a todas as mulleres que temos preto, que nos acompañan e  que son importantes para nós:nais, avoas, irmás, compañeiras, amigas,...

Nas seguintes ligazóns atoparedes moitos  recursos para traballar e reflexionar sobre o tema.

(Preme nas imaxes)

Recompilación da Biblioteca Víctor Sáenz

Unidades didácticas infantil e Primaria STEG

Caderno de educación en valores
"Nosotras creamos mundo"

ONU Mulleres

 O tema de 2016 para o Día Internacional da Muller é "Por un Planeta 50-50 en 2030: Demos o paso para a igualdade de xénero"

Album de Mulleres Galegas

SEMANA DA PRENSA

Do 7 ao 11 de marzo celebramos a SEMANA DA PRENSA.

É unha conmemoración que aparece recolllida no Calendario Escolar dende 1989 co fin de integrar os medios de comunicación na escola.

Ao longo desta semana os xornais convertiranse nunha ferramenta de traballo fomentando a súa lectura e a procura de información.

Nas seguintes ligazóns atoparedes recursos e actividades para traballar o tema.

Recompilación da Biblioteca

"Outeiro de Matilda" 

Recompilación da Biblioteca

"O Recanto de Mik" 

Programa Prensa-escuela 

Lim do Ceip Cespón

Durante esta semana haberá na biblioteca exposición de prensa diversa (local, rexional, deportiva,...) para poder traballar con ela e pescudar sobre as noticias, seccións, titulares, a muller na prensa,...

No lateral dereito do blog  co título"KiosKo - prensa" tedes  un enlace permamente aos principais xornais en formato dixital.

XOVES DE CONTO EN FAMILIA

No mes de xaneiro continuamos coa actividade  de animación á lectura "As familias contan" iniciada o curso pasado.

A novidade é que adicamos un día a semana, o Xoves , para que as familias nos acompañen na hora do recreo e ler un conto.

Os contos son  relatados en galego e procedentes dos fondos da biblioteca.

Amosamos ás familias que nos acompañaron nos meses de xaneiro e febreiro en infantil,primeiro,terceiro e cuarto nos que a ilusión,o entusiamo e a ledicia  estiveron moi presentes.

Como agradecemento ás familias agasallámolas cun diploma de participación na actividade.

Grazas pola vosa colaboración e por compartir con nós o voso tempo e a maxia dos contos!!!!!!

POSTAIS NO DÍA DE ROSALÍA

Todo o centro participou na proposta da AELG (Asociación de escritoras e escritores en lingua galega) para conmemorar o Día de Rosalía  ilustrando unha postal cun debuxo sobre unha estrofa de Alborada (Cantares Gallegos) que o alumnado entregou as súas familias como agasallo rosaliano o día 24 de febreiro.

 Unha presentación das postais e do proceso

PREPARANDO O DÍA DE ROSALÍA

As propostas sobre as que estamos traballando  para conmemorar o Día de Rosalía  son:

Exposición de libros na biblioteca

Recitado  do  poema "Adios ríos, adios fontes" na  Hora de ler o día 24 por parte do alumnado axudante de biblioteca e o club de lectura.

Entrega dun folleto informativo para as familias sobre a súa vida e obra

Pescudamos sobre Rosalía Investigo na miña biblioteca:

"Eu quero saber máis sobre....."

Seguindo a proposta da Asociación de escritoras e escritores en lingua galega AELG, escribimos e decoramos unha postal cun verso e un debuxo alusivo  a Rosalía que o alumnado entregará a súa familia como agasallo o día 24.

Ese mesmo día, os alumn@s que fagan empréstito de libros en galego serán agasallados  cun  marcapáxinas.

Pin co rostro da poetisa

Mural cos retratos de Rosalía ao estilo Andy Warhol feitos polos nenos  e nenas de educación infantil.

24 DE FEBREIRO,DÍA DE ROSALÍA

O  24 de Febreiro, conmemoramos o Día de Rosalía de Castro. Esta data  está fixada no Calendario do Libro e da Lectura como  aniversario do nacemento da nosa ilustre poetisa.

A AELG (Asociación de Escritoras e Escritores en Lingua Galega), ademais de animar a agasallar un libro  en galego e unha flor  convida a celebrar esta data nos centros de ensino con accións colectivas para difundir a súa obra . Propón a elaboración e envio dunha postal cun deseño alusivo ao día e cun verso para que o alumnado realice un debuxo en torno á figura de Rosalía de Castro.

Para coñecer  a súa vida e obra  deixamos unha recompilación de recursos e materiais para así achegarnos máis a ela.

Fundación e Casa Museo Rosalía de Castro

Recompilación da Biblioteca "Outeiro de Matilda"

Lim do Ceip "Alexandre Bóveda"

Lim basado no libro "Rosalía" editado 

pola Fundación Rosalía de Castro

Lim sobre o poema  "Parece unha rosa"

Presentación en prezzi do Ceip de Andrade

Fundación Barrié

Recompilación de poemas musicados  Son  de  poetas