UN ENTROIDO DE CÓMIC

O venres 13 de febreiro celebramos a festa do Entroido e o Seis encheuse de personaxes de cómic :Pitufos, Mortadelo, Zipi e Zape, Lucky Luke, Asterix e Obelix, Superheroes, Mafalda, Calvin e Hobbes,Hug e Rochiña, un espectaculo  cheo de colorido e imaxinación.

Edº Infantil 3 anos:Calvin e Hobbes

Edº Infantil 4 anos:Hug e Rochiña

Edº Infantil 5 anos:Asterix e Obelix

1º-Pitufos

2º-Superheroes

 3º-Mortadelo

 4º-Lucky Luke

 5º-Mafalda

 6º-Zipi e Zape

 Xa disfrazad@s baixamos ao pavillón e ao son da música iniciamos o noso desfile. 

O tempo non acompañou e só puidemos saír un momento e facer un pequeno percorrido polo barrio.

E para rematar a festa,degustación de doces típicos deste época (orellas, filloas, flores,...) e Baile!!!!!!!!!!!!!!!!!!!!

Grazas ás familias pola constante colaboración!!!!!

Aquí tedes a reportaxe dese día

RESUMO MANDADIÑOS DO MECO

A semana de entroido foi moi divertida. Dende  o luns estivemos seguindo os mandadiños do Meco que estaban na entrada do cole.Cada día tivemos que traer algo: un barco, engalanar a cabeza e os pés, un pixama e o seu osiño  e rematamos coa cara pintada e  antifaces reciclados.

OBRADOIRO DE COCIÑA NO ENTROIDO

Nesta semana de Entroido e,como ven sendo costume,organizamos un Obradoiro de Cociña.

Merce, Maite, Carmen,Carmen, Montse, Anxeles e Isabel foron as mestras e cociñeiras que prepararon esta receita :

 "Brocheta de lacón con chourizo en cama de garavanzos ao aroma de grelos"!!!!!!! 

O día anterior  entregámoslles  as invitacións ao evento.

Por grupos, foron baixando ao vestíbulo do cole,onde tiñamos todo organizado: explicaron os ingredientes,a  elaboración e por último cada neno/nena puido degustar unha brocheta.

 

¡Que rico estaba todo!!!!!!!!!!!!!!!!!!!!
MOITAS GRAZAS!!!!!!!!!

SEMANA DO AMOR E DA AMIZADE

Coincidindo coa celebración de San Valentín a biblioteca adica esta  semana o Amor e a Amizade.

Para elo,organizamos varias actividades:

-Selección e exposición de lecturas e historias de amor,amizade, bicos, cariño, tenrura, ....

-Concurso:"Cada ovella coa súa parella"

Atopa a parella de cada un dos personaxes de cómic.

-Escribe unha mensaxe de amor,de amizade,….. a  alguén que ti queiras e métea na caixa en forma de corazón.O último día da semana entregarémolas  aos  seus  destinatarios.

-Faremos un corazón de papiroflexia.

Pasade pola biblioteca e animádevos a participar!!!!!Agardámosvos!!!!

XOGA,APRENDE E RECICLA

Por segundo ano participamos no Programa Educativo Vigo Recicla sobre reciclaxe, para ensinar ao alumnado de 2º,3º e 4º  a necesidade de separar os distintos residuos e materiais para a conservación e protección do medio ambente a través dun videoxogo.

Despois dunha breve explicación por parte da monitora, cada alumno/a xogou.

Tiñan que  levar os productos ata o contedor máis axeitado.Cantos máis acertos consigan máis cerca estarán de convertirse en superheroes da reciclaxe xunto a Recicliño e Recicliña.

Ao remate recibiron unha bolsa de reciclaxe con agasallos.

MANDADIÑOS DO MECO

MANDADIÑOS  DO  MECO

 para a semana

LUNS 9

Xa estamos no Entroido

toca Banda Deseñada

trai un barco onde queiras

Coia revolucionada!!!!!!

MARTES 10

Engalana esa cabeza

e non te esquezas dos pés,

sombreiro,lazo ou pamela

ou calzado do revés.

MÉRCORES 11

Traballamos as viñetas,

personaxes que fan rir,

trae o mércores o pixama

e o osiño de durmir.

XOVES 12

 A víspera do gran día

tres cousas podes facer

careta,cara pintada

ou antifaz reciclada.

VENRES 13

Xa estamos no día grande,

faremos o pasarrúas

vai ver o barrio de Coia

as mellores galas túas.

Moitas grazas pola vosa colaboración!!!!

CHEGA O ENTROIDO!!!!

Chega o Entroido e con el a festa, a troula, a diversión, os mandadiños do meco, os disfraces, as carautas,a s comidas típicas destas datas, filloas, orellas,..

Todo o centro anda atarefado preparando os disfraces que seguindo o noso proxecto serán personaxes de cómic (mafalda, mortadelo, pitufos, superheroes,.....)
 

Nas seguintes ligazons atoparedes información e recursos para empregar e traballar nas aulas.

Que escomence a troula!!!!

Coordinadora  Galega dos Equipos de Normalización e Dinamización Lingüística

Secretaría Xeral de Politica  Lingüística

Equipos de dinamización da Lingua Galega

Vieiros da Escola

Web de Norberto

Recompilación da Biblioteca

 "O Recanto de Mik"

Recompilación da Biblioteca
"Outeiro de Matilda"  

DÍA DA PAZ NO SEIS

Fixemos  un acto colectivo no que aunamos o ano da Luz e a Banda Deseñada (personaxes de cómic de cada clase) a partir dunha  frase de Gandhi .

Ao longo desa  semana estivemos traballando sobre a paz nas aulas: palabras, frases, debuxos, murais, lecturas, contacontos, investigación sobre Malala, pintamos o medallón ou colgante co símbolo da paz, cancións,..

E por fin, chegou o esperado venres

Despois da hora de ler,baixamos todos e todas ao pavillón e fomos sentándonos nos círculos establecidos para tal fin provistos da nosa mascota, do facho e  das letras que nos tocaron decorar.

Cando escomenzou a soar a música Imagine instrumental, os sextos comenzaron a construcción do mural colocando as letras ata infantil que rematou  coa palabra Gandhi.

Posteriormente cada nivel foi colocando as mascotas.

Despois, ao ritmo de "¿Por qué no ser amigos?"bailamos e cantamos  mentras un neno/nena sostiña o facho aceso no centro de cada círculo.

Rematamos o acto cun aplauso.

Na hora do recreo na biblioteca,o alumnado que levou libros en préstamo, agasallámolo cun marcapáxinas.

Radio patio pola paz, co programa radiofónico centrado en poemas, música e o decálogo.

Foi un día especial como podedes ver na seguinte presentación.

OLLOS DE AULA Nº 19 (FEBREIRO)

O Nº 19 de "OLLOS DE AULA"
  aborda este mes:

Estratexias para estimular a intelixencia emocional,valorar cando o alumnado e as familias deben acudir ao Departamento de Orientación,os centros plurilingües, recomendacións literarias.

(Preme na imaxe)

PEPE CARREIRO NO SEIS

O venres 30 de xaneiro para conmemorar o Día da Ilustración contamos coa presenza do debuxante e ilustrador Pepe Carreiro que compartiu as súas experiencias  co alumnado de infantil de cinco anos (que están traballando o libro que ilustrou "A Pomba Dona Paz") e a aula específica, cun proxecto sobre os Bolechas.

Con viseiras dos bolechas tod@s estaban entusiasmados agardando a súa chegada e preparados para atender as súas  explicacións.

Contounos que lle gustaba debuxar dende moi pequeno,e ensinounos como fai os debuxos,primeiro a lápis para poder borrar e logo con rotulador e pinturas.

Debuxou  a varios personaxes:unha pomba,unha galiña,un gato,un dinosaurio,un can,e non podían faltar os bolechas,a Tatá,a Chispa,.

Os rostros dos nenos e nenas reflexan o ben que o pasamos!!!!

Como remate fixémoslle entrega dun agasallo e asinou nos libros.

Moitas grazas!!!!!

Presentación en imaxes