O APALPADOR

O Apalpador, Apalpabarrigas ou Pandigueiro é un personaxe que vivía nas altas montañas das serras orientais de Galiza e que nos días do inverno baixa ás aldeas e vilas dos vales para apalparlles a barriguiña ás meniñas e aos meniños por ver se comeran ben durante todo o ano,decíndolles "Así,así esteas todo o ano", achegándolles castañas e agasallos feitos a man.

     O Apalpador, de profesión carboeiro, mora nas devesas das montañas do Caurel e outras serras orientais da Galiza e caracterízase fisicamente por ser un xigante bonachón que viste boina e traxe esfarrapado e con remendos, fuma en pipa e se alimenta con baias salvaxes e os porcos bravos que caza no monte.

      Recuperar o Apalpador é un acto de reivindicación das nosas tradicións e dun consumo solidario e responsable.
 

        O Apalpador é moi lambeteiro e se @s nen@s lle deixan un calcetín ou uns zapatos con algo doce para axudarlle a andar toda a noite visitando todas as casas de todos @s nen@s galegos, el entrégalles os agasallos de madeira, tea e cartón que fixo coas súas mans no tempo de lecer do resto do ano. Ao Apalpador gústanlle máis os xoguetes feitos á man con materiais naturais como a madeira ou o barro, cheos de cariño e respectuosos co medio ambiente, que aqueles de plástico, automáticos e con pilas que gastan moita enerxía e empobrecen os nenos e nenas doutras partes do planeta.

Máis información na páxina web do Apalpador

Pasade pola biblioteca e poderedes ler os libros que temos do Apalpador

Máis recursos sobre o Apalpador

Biblioteca Víctor Sáenz	Galipedia
Vieiros da escola	Galicia Encantada
Páxina de Coordinadora galega	Biblioteca Outeiro de Matilda
Unidade didáctica. Fundaçom Artabria	CRA "RAIÑA ARAGONTA"
	COORDINADORA DO ENDL DO BARBANZA
CEIP ESPIÑEIRA-ALDÁN	CEIP "OUTEIRO DAS PENAS"