VISITA DE PERE TOBARUELA

O 24  de abril o alumnado de terceiro recibiu a visita do escritor Pere Tobaruela .

O encontro tivo lugar na Sala Rosalía e comenzou cunha breve presentación sobre o autor invitado por parte dos nenos e nenas.

Pere Tobaruela (Barcelona 1965), vive actualmente en Rois. É por isto que alterna a escrita en catalán e en galego. Con corenta títulos publicados nalgunhas das editoriais máis importantes de Cataluña, Galicia e o resto do Estado, transita por diversos xéneros literarios: libro ilustrado, banda deseñada, ensaio, biografía, escolma de entrevistas, conto e novela. Dentro da súa produción novelística atopamos obras infantís e xuvenís, e tamén para o público adulto.

Neste curso limos o seu libro "Vouvos papar", escrito xunto con Luz Méndez e publicado no ano 2008. É a historia de dous nenos que viven unha aventura en internet.

Pere falounos sobre os personaxes desta historia, Tucho, Mucha, o lobo, o carballo,... e contámoslle cales eran os nosos favoritos. Contounos como o lobo representa ao medo, e como na historia nos motiva e afrontar a esos medos que todos temos.

Despois reflexionamos sobre se preferimos as películas ou os libros, e que nos aporta cada unha destas modalidades para contar historias.

Pere explicounos moi ben como a lectura activa as conexións entre as nosas neuronas e abre a nosa imaxinación, entre outros moitos beneficios.

Pasamos un rato moi agradable falando con Pere que nos asinou os nosos libros. Grazas!!!