1ª XUNTANZA CLUB DE LECTURA ADULTAS

O luns 27 de novembro reuniuse por primeira vez neste curso o Club de Lectura de Adultas “Ás seis no Seis”.

Incorporanse catro novas mulleres ao noso club. Nesta primeira ocasión, por diversos motivos, non poidemos xuntarnos todas.

Compartimos opinións sobre o libro “Non penses nun elefante rosa”, no que Antía Yáñez aborda o tema da saúde mental. Permitiunos coñecer e achegarnos a como é a vida de Laura, unha rapaza que ten TOC. A valoración foi moi diversa reflexionando sobre determinados temas que estan presentes no libro: a ansiedade, culpabilidade, amizade con Brais (un neno de 10 anos), o sufrimento, o amor, a relación coa familia...

Coma sempre acompañamos as nosas conversas cun café e algo doce.

Falamos das posibles lecturas deste curso: poesía (Yolanda Castaño), teatro (Paula Carballeira), narrativa… 

Escollemos o seguinte libro que imos ler, “Ninguén contará a verdade” de Pedro Feijoo.

Agardando pola vindeira reunión!!!

PROGRAMA DE RADIO "DÍA DA DISCAPACIDADE"

Xa está aquí un novo programa da nosa Radio Xornal Seis do Nadal.

Nesta ocasión os/as protagonistas son a clase de 5ºB, que nos falarán da Día da DisCapacidade.

Desfrutade desta nova entrega!!!

INAUGURACIÓN ESPAZOS CENTRO

O xoves 30 de novembro contamos coa presenza de varias Autoridades que asistiron á inauguración da Aula Croma, ampliación da Aula Multisensorial e a Cociña do Comedor.

O acto estivo presentado polo voluntariado de 6º da biblioteca que foron os encargados e encargadas de acompañalos na súa visita aos distintos espazos.

Agradecemos a presencia de todas as autoridades da Xunta, ao representante da Asesoría de Bibliotecas Escolares, a Foanpas e a nosa Anpa.

UN CLUB DE LECTURA DE CINE

No mes de novembro comezaron a súa rodaxe os Clubs de Lectura do Seis.

Este curso temos tres clubs: un de 6º de Primaria e dous de 5º de Primaria.

Na primeira xuntanza explicamos a organización e o funcionamento e fixémoslle entrega dunha carpeta coa guía de lecturas e un marcapáxinas.

Iniciaron a súa andaina o 22 de novembro (6ºde Primaria) e o 24 de novembro (5º de Primaria).

Os libros escollidos foron:

“A Señorita Bubble. Baixo cero” de Ledicia Costas, para 5º. Viviremos una nova aventura da señorita Bubble que terá que enfrentarse a un poderoso inimigo, Papa Noel cruzou ao lado escuro.

“Unha veciña de película” de Iria Misa, para 6º. Unha historia máxica que contaxia a paixón polo cine.

Todos e todas estamos desexando comezar coa súa lectura!!!

MES DA CIENCIA NA BIBLIOLAB

Co gallo do Mes da Ciencia desenvolvéronse na BiblioLab diversas actividades de ámbito científico así como unha selección de lecturas en galego que estiveron en exposición para traballar e levar ás aulas.

INVESTIGACIÓN co microscopio

DISCO DE NEWTON

Coloreamos o disco de Newton poñendo as cores na mesma orde que no exemplo. Pegamos un contra outro e facemos un buraco para poñer a palliña. O facemos xirar para ver como, por “arte de maxia”, as cores desaparecen. 

LIBROS DE ILUSIÓNS ÓPTICAS

Mirando a través das lupas de cores verás cousas que non se ven a simple vista. Descubrirás cousas sobre o noso corpo, a natureza, os dinosaurios ou o fondo do mar.

LÁMPADA DE SOMBRAS

Cos tubos facemos lámpadas de aumento de sombras ou dos nosos debuxos.

VOCABULARIO científico co escornabot

Xogo de parellas de imaxes relacionadas coa ciencia e os seus nomes.

ALEXANDER FLEMING

Información e actividades para coñecer a este científico a quen se lle adica o mes da ciencia este ano.

Busqueda nas tabletas da información para completar as fichas de investigación.

GLOBOS ALTOFALANTES

Enchemos o globo de aire, despois mantémolo preto da orella e dámoslle pequenos golpes co dedo para comprobar se escoitamos os sons e as vibracións. 

PINTURA LUMINISCENTE

Despois de facer debuxo libre coa pintura luminiscente apagamos as luces para ver como se iluminan na escuridade.

LIBROS informativos sobre ciencia e experimentos

CINE DE CIENCIA NA BIBLIO

A última semana de novembro tivemos Cine de Ciencia na Biblioteca.

O  mércores 29, o alumnado de Edº Infantil e 1º ciclo de Primaria viron “Os sabios. A historia da fotografía”.

Para os máis maiores, de 3º a 6º de Primaria, o venres 1 de decembro, proxectamos unha película sobre Alexander Fleming, a quen estaba adicado este mes de  novembro, mes da ciencia nas bibliotecas escolares.

Acudiron coas súas entradas, que tiñan un código QR e así poder ver as curtas na súa casa.

CULTURGAL 2023

Culturgal, a Feira das Culturas Galegas de Galicia, celebra a súa 16ª edición no Pazo da Cultura de Pontevedra do 1 ao 3 de decembro.

Un lugar de encontro entre os públicos e artistas, profesionais e institucións.

O programa conta con diversas actividades: novidades editoriais, o último en audiovisual, novas propostas das artes escénicas, espectáculos de música, videoxogos e outras iniciativas vinculadas ao mundo da arte.

Ligazón ao Programa

https://cultur.gal/static/themed/culturgal/docs/2023-programa.pdf

CONTACONTOS POLA IGUALDADE

O voluntariado da Biblioteca preparou dúas lecturas para contar ao alumnado de Educación Infantil con motivo da conmemoración do 25N. Grazas polo voso traballo!!!

Os libros seleccionados foron

Las chicas pueden con todo, Ed. Bruño

Un libro para todas as chicas decididas a cumplir os seus soños.

Niñas y niños feministas. Ed. Nubeocho

Ás nenas e nenos feministas gústanlles todas as cores, levan o pelo o tempo que queiran e elixen os seus xoguetes. A todos lles encanta xogar e mostrar as súas emocións. Pero, sobre todo, non queren que haxa “cousas de nena” e “cousas de neno”.

A HORA DO CÓDIGO

Con motivo da celebración do Mes da Ciencia en Galego nas bibliotecas escolares durante este mes de novembro, o alumnado de 4º, 5º e 6º de Primaria, participou nun obradoiro de robótica inspirado na Hora do Código.

 

Nesta actividade a rapazada tivo a oportunidade de programar un pequeno videoxogo por niveis de forma moi intuitiva e con pequenas axudas, iniciándose así en conceptos básicos da ciencia da computación.

25N NO SEIS DO NADAL

“Nos medios de comunicación, a igualdade é única opción” foi o lema que centrou as actividades e o acto colectivo que se desenvolveu para esta data, 25 de novembro, Día Internacional da eliminación da violencia contra a Muller.

Selección de lecturas que tivemos en exposición para ler, pensar e reflexionar.

Xa na pista e cos nosos petos violetas formamos círculos bailando e cantando a canción "Tribo" de A banda da Loba, co retrouso en lingua de signos.

Cada clase decorou as letras do lema con símbolos relacionados coa igualdade (mans, lazos…) que se colocaron no exterior do centro.

As aulas representaron a nivel gráfico a igualdade na fotografía, no cine… seguindo o Proxecto Documental deste curso.

A Comunidade Educativa do Seis berramos NON a violencia machista!!!