CINEMA POLA PAZ

Durante este mes de xaneiro, a biblioteca ofreceu sesións de cinema nas que grandes e pequenos/as puideron desfrutar da curtametraxe animada "El niño, el topo, el zorro y el caballo". Esta produción, baseada no libro de Charlie Mackesy, é gañadora dun Óscar e un Bafta Film. 

Trátase dun conto universal e inspirador para todas as idades que narra como un neno, unha toupa, un raposo e un cabalo coñécense e forxan unha amizade inesperada, profunda e inquebrantable.

Xuntos aprenden valiosas leccións:

-O que máis necesita o mundo é un pouco de amabilidade.

-O amor non necesita o extraordinario para florecer.

-Nada pode vencer a bondade.

-A  vida non ten que ser perfecta.

-Cando se xuntan nubes de tormenta, todo o que tes que facer é  seguir adiante.

EXPOSICIÓN TEMÁTICA: LECTURAS POLA PAZ

Para conmemorar o 30 de xaneiro, Día da Paz e a Non Violencia, preparamos unha exposición con recursos bibliográficos que buscan informar, investigar e reflexionar sobre a convivencia e os valores que fomentan a Paz.

XORNADA DE BIBLIOTECA CREATIVA 2026

O 28 de xaneiro asistiremos na EGAP á Xornada de Biblioteca Creativa que reunirá ás 211 persoas coordinadoras deste programa.

Inaugurará a xornada Manuel Rodríguez Calviño, abordando o valor das tecedoras como escritoras de historias, continuando con obradoiros simultáneos de escornabots, banda deseñada, colaxe, ficción dixital, creación, imprenta creativa, deseñar xogando e mapas téxtiles. Pecharán as experiencias de catro centros falando da evolución e desenvolvemento dos espazos creativos das súas bibliotecas.

PROGRAMA

FONTE: BIBLIOTECAS ESCOLARES

NOVOS XOGOS NA BIBLIOLAB

Chegaron novos xogos de mesa á Bibliolab, seleccionados para ofrecer experiencias educativas e divertidas!

Os xogos de mesa estimulan diversas habilidades e fomentan o desenvolvemento persoal. Aquí tes algúns dos beneficios que podes obter xogando:

-Pensamento estratéxico: Planifica e anticipa os movementos do teu oponente.

-Socialización: Aprende a interactuar e colaborar con outros.

-Resolución de problemas: Encontra solucións creativas a desafíos complexos.

-Razoamento lóxico: Deduce e argumenta de forma coherente.

-Toma de decisións: Avalía as opcións e elixe a mellor estratexia.

-Cooperación: Traballa en equipo para alcanzar un obxectivo común.

-Comunicación: Expresa as túas ideas e escoita aos demais.

A Bibliolab enriquécese cunha nova selección de xogos de mesa deseñados para estimular a aprendizaxe e o entretemento.

VISITA DE GALICLOWN

O luns 19 de xaneiro foi un día especial para os alumnos e alumnas de 3º e 4º de Primaria. Recibimos a visita de GALICLOWN, unha asociación de pallasos de hospital que se dedican a levar alegría aos nenos e nenas ingresados. 

Os membros de Galiclown ofreceron unha charla moi interesante sobre o papel humanizador do pallaso hospitalario. Explicaron como, a través de técnicas de clown, poéticas e artísticas, poden  conectar coas emocións dos nenos e nenas enfermos/as e hospitalizados/as. 

A visita de Galiclown foi unha experiencia moi enriquecedora para o alumnado chea de emocións e aprendizaxe.

Grazas por educar en valores de solidariedade e colaboración, e por demostrarnos que o humor e a alegría son ferramentas poderosas para superar as dificultades. 

2ª XUNTANZA DO CLUB DE LECTURA 6º

O xoves 15 de xaneiro, o Club de Lectura de 6º de Primaria embarcouse nunha doce aventura na Fábrica de Chocolate de Willy Wonka! A emoción era palpable mentres cada membro buscaba o seu billete dourado, o pase máxico para entrar neste mundo de fantasía.

Unha vez dentro, as nosas lectoras foron recibidas cunha exuberancia de chocolates. Degustaron sabores exóticos, descubriron recheos sorprendentes e saborearon a cremosidade do chocolate con leite e a dozura do chocolate branco. Cada bocado era unha nova experiencia, unha viaxe para os sentidos.

Pero a aventura non rematou aí! Os membros do club de lectura transformáronse en Oompa Loompas, os famosos traballadores da fábrica, coa misión de construír a súa propia casa de chocolate. A tarefa non foi fácil, xa que a tentación de probar os deliciosos ladrillos de chocolate era inmensa. Tiveron que demostrar forza de vontade para non caer no río de chocolate e ser expulsados!

A través da cooperación e o traballo en equipo, os Oompa Loompas lograron superar a proba e construír unha fermosa casa de chocolate. Compartindo ideas e materiais, demostraron que xuntas podían conseguir calquera obxectivo. A súa dedicación e espírito de equipo impresionaron a Willy Wonka, que lles permitiu levar as súas creacións para a casa!

Foi unha xuntanza marabillosa chea de risas, aprendizaxe e, por suposto, moito chocolate. Un día para recordar e celebrar a maxia da lectura e a amizade.

RETO LEGO XANEIRO

En xaneiro, a biblioteca converterase nun incrible circo máxico onde as pezas de Lego serán as grandes estrelas. No gran circo do Seis, as pezas fan piruetas e equilibrios imposibles. Veremos estruturas que lembren ao circo: torres de acróbatas desafiando a gravidade, home bala feito de bloques, a carpa, a pista, o camión circense…

Durante os recreos de xaneiro, únete á diversión na biblioteca. Axúdanos a construir este marabilloso circo de Lego e recibirás unha pegatina para a túa folla de retos. Demostra o artista que levas dentro!

CALENDARIO DO LIBRO E DA LECTURA 2026

Calendario do Libro e da Lectura de Galicia 2026, coas datas, efemérides e conmemoracións máis salientables sobre os libros e a lectura.

As ilustracións son obra da ilustradora Lidia Cao.

O obxectivo deste calendario é fomentar a lectura e a normalización da presenza do libro en todos os sectores da sociedade. Trátase dunha ferramenta fundamental para a dinamización cultural e para difundir figuras senlleiras e datas claves da nosa cultura.

Pretende impulsar entre a cidadanía as actividades culturais arredor das 35 principais efemérides repartidas ao longo de todos os meses do 2026 ao redor das que se organizan distintas propostas.

Entre outras conmemoracións, celebramos

-Día da Ilustración (30 de xaneiro), homenaxeando ao humorista gráfico Siro López.

-Día das Artes Galegas (1 de abril), homenaxeando ao fotógrafo José Suárez.

-Día das Letras Galegas (17 de maio) que xirará ao redor da escritora Begoña Caamaño.

-Día da Lectura (3 de novembro), coincidindo co aniversario do nacemento de Xosé Neira Vilas.

-Día do Patrimonio Inmaterial (17 de outubro) e o Día da corrección de textos (27 de outubro) e o 22 de novembro, Día da música.

Neste ano 2026 destaca a conmemoración do Ano Oteriano tras a declaración oficial do Parlamento de Galicia co gallo de cumprirse o cincuenta aniversario do pasamento de Ramón Otero Pedrayo figura esencial das nosas Letras. 

Preme na imaxe para acceder ao documento en pdf.

OBRADOIRO DE POLOS CREATIVOS POLO NADAL

Neste mes de decembro, coincidindo coa chegada do Nadal, o alumnado de Educación Primaria mergullouse nunha experiencia creativa moi especial nos Polos Creativos.

En colaboración co profesorado de Plástica Bilingüe, os diferentes niveis de primaria implicáronse activamente na creación das decoracións para ambientar o ximnasio de cara ao festival de Nadal. Primeiro preparamos as siluetas coa cortadora láser, e máis tarde, nun traballo totalmente colaborativo, a rapazada dedicouse a pintar cada adorno, enchendo o espazo de cor, creatividade e espírito festivo.

Ao mesmo tempo, o alumnado de 5º de Primaria participou nun obradoiro de deseño 3D empregando o programa Doodle3D, onde puido crear dende cero a súa propia bola de Nadal personalizada co seu nome, experimentando co deseño volumétrico e descubrindo as posibilidades desta ferramenta.

Nesta Nadal os Polos Creativos convertéronse nun lugar para experimentar, aprender e crear xuntos.

BIBLIOLAB: ADORNOS DE NADAL

Durante o mes de decembro, a BiblioLab transformouse nun obradoiro de creatividade sostible. A programación estivo enfocada na reutilización de materiais para a creación de adornos de Nadal.

MADEIRA

Decoramos árbores usando lá de diversas cores e gomets. Deixamos voar a nosa imaxinación e pintamos  paus. Cada pau decorado contou unha historia diferente, reflectindo a creatividade.

ESTAMPAMOS A PAISAXE NAVIDEÑA

Empregando materiais variados creamos paisaxes navideñas cheas de cor e detalles. Esta actividade permitiu experimentar con diferentes texturas e técnicas para crear representacións únicas da época navideña.

PAPIROFLEXIA

A arte da papiroflexia cobrou vida ao dobrar papel para crear diversas figuras de Nadal. Unha oportunidade para aprender e divertirse.

CASIÑAS DE CARTÓN

Usando rolos de papel e cartón, crearon pequenas casiñas de Nadal, decorándoas con branco e detalles. Estas casiñas engadiron un toque máxico e artesanal á decoración navideña.

POSTAIS DE NADAL CON COLLAGE

Empregando a técnica do collage, creamos postais de Nadal personalizadas con recortes, tecidos e outros materiais. Cada postal foi unha expresión única de creatividade e un xeito especial de enviar os mellores desexos navideños.

PAPIROFLEXIA CON LIBROS DE EXPURGO

Unha iniciativa creativa e sostible onde se reutilizaron libros de expurgo para crear árbores de Nadal. Esta actividade promove a conciencia ambiental e a reutilización de materiais, demostrando que a creatividade pode ser respectuosa co planeta.