CERTAME "AS IMAXES DO PATRIMONIO"

Como centro “Modelo Ponte…nas ondas! DE BOAS PRÁCTICAS CO PATRIMONIO CULTURAL INMATERIAL”, propoñemos a participación no 9º Certame de recolla das imaxes do patrimonio inmaterial galego-portugués.

O Certame pretende que este patrimonio que se encontra depositado nas familias sexa transmitido ás novas xeracións para que teñan un coñecemento das súas orixes e do seu patrimonio. Con estas imaxes terán acceso a unha boa parte de expresións culturais que xa desapareceron ou que xa son descoñecidas para os máis xoves.

O patrimonio cultural inmaterial é constituído principalmente por coñecementos, técnicas, formas de organización ou de expresión colectiva xunto coas manifestacións festivas e familiares. Está localizado nas prácticas da vida cotiá que son realizadas polo membros da sociedade que teñen nas familias os núcleos básicos, sendo vivenciada polas persoas portadoras e, como tal, está documentada desde os inicios da fotografía.

As imaxes dos álbums familiares conteñen moitas destas manifestacións e vivencias.

BASES DO CERTAME:

1.-As fotografías deberán conter imaxes de calquera aspecto relacionado co Patrimonio Cultural Inmaterial e estar tomadas en datas anteriores a 1970.

2.-Presentaranse dixitalizadas, coa maior resolución posible, en formato jpg ou png.

3.-Cada imaxe acompañarase dun título e dun texto libre, onde se poderán detallar os datos básicos da foto, onde está tomada, quen aparecen nela, data aproximada na que foi feita e unha explicación do que se ve, relatando a relación desa imaxe co Patrimonio Cultural Inmaterial (PCI).

4.-O texto debe enviarse por separado en formato Word ou na propia mensaxe de correo electrónico. Terá unha extensión máxima de 150 palabras.

5.-Tamén se pode enviar un podcast que terá unha duración máxima de 5 minutos e poderá conter música, entrevistas e calquera outro material que explique a foto á que acompaña.

As fotos xunto co texto ou o podcast debedes envialo ao correo da biblioteca:  bibliotecaseisdonadal@gmail.com

A data límite para o envío da fotografía, acompañada do seu texto/audio explicativo é o 20 de xuño.

Animádevos a participar!!!

Na seguinte ligazón tedes máis información

https://pontenasondas.org/9o-certame-de-recolla-das-imaxes-e-podcasts-do-patrimonio-inmaterial-galego-portugues/

DÍA DA NARRACIÓN ORAL

No Día Internacional da Narración Oral, conmemórase a arte de narrar de viva voz, manifestación artística tamén denominada contacontos.

Celébrase cada 20 de marzo, coincidindo co equinoccio de primavera. 

Festival Atlántica, Sete Falares e NOGA (Narración Oral Galega) celebran xuntos esta data.

Nesta edición, o manifesto realizouno Camiño Noia e o cartel é de Rachel Boo.

"Celebrar o «Día da Narración Oral» servirá para revitalizar o que as nosas maiores transmitiron desde hai séculos de xeración en xeración, dar voz ó que non foi contado e recordarnos que todos os pobos do mundo comparten o vínculo universal nos mesmos contos, cos mesmos valores, sentimentos, medos e gozos".

FONTE: NOGA E BIBLIOTECAS ESCOLARES

PREMIADOS NO CERTAME "AS IMAXES DO PATRIMONIO"

Hoxe 14 de novembro, as clases de 4º de Primaria asistiron a un evento moi especial: a entrega de premios do  8º Certame de fotografía "As imaxes do patrimonio" Inmaterial Galego-Portugués, convocado pola Asociación cultural e pedagóxica  Ponte...nas ondas!. 

A gala tivo lugar no Auditorio do Centro Veciñal e Cultural de Valadares en Vigo.

O noso centro participou neste certame con varias imaxes, proporcionadas polas familias da nosa comunidade educativa.

Na categoría de Ensino Primario, recibimos un accésit coa imaxe “Día da labranza”, de Diego Mingotes.

Lingua, danza e música uniron a escolas galegas e portuguesas na gran festa do Día Internacional do Patrimonio.

Esta iniciativa é unha fermosa maneira de preservar a riqueza do noso patrimonio, transmitindo historias, coñecementos e tradicións ás novas xeracións. As familias xogan un papel fundamental para manter viva a nosa identidade e cultura. Queremos agradecer a colaboración das familias!!!

Tedes máis información de como foi a xornada (vídeos e fotos) na seguinte ligazón

https://pontenasondas.org/lingua-danza-e-musica-unen-a-escolas-galegas-e-portuguesas-na-gran-festa-do-dia-internacional-do-patrimonio/

A MAXIA DA VENDIMA

O martes 21 de outubro, o colexio vestiuse de outono e tradición para celebrar "A vendima" que nos conecta coa terra e co traballo das nosas mans.  Os máis pequenos/as, os grupos de infantil, e os seus padriños e madriñas de primaria, uníronse nunha actividade chea de sensibilidade e aprendizaxe.

Antes de sentir o doce zume das uvas baixo os seus pés, os nenos e nenas exploraron o mundo da vendima nas aulas. En quendas, mergullámonos nunha experiencia sensorial e manipulativa.

A profe Puri, guiounos a través da tradición, os materiais e o proceso de elaboración do viño.

Coas tesoiras nas mans e o corazón cheo de ilusión, os pequenos/as vendimadores/as cortaron os acios da parra. Despois, pisaron as uvas, sentindo a explosión de sabores e aromas que enchían o aire de ledicia.

Unha mañá para celebrar a tradición, o traballo en equipo e a alegría de aprender xuntos para crear un recordo inesquecible.

Esta actividade foi unha homenaxe ás nosas raíces, unha forma de manter viva a nosa cultura e de transmitir aos máis novos o valor do traballo, da natureza e da comunidade. 

FOLIADA DAS LETRAS

O venres 23 de maio o noso centro co grupo de “Cantareiras do Seis” participamos na Foliada das Letras Galego-Portuguesas en Compostela.

Nesa xornada reivindicamos e celebramos o rico patrimonio oral galego-portugués e os nosos cancioneiros tradicionais. 

A Foliada foi unha auténtica romaría, chea de música, alegría e cultura. Cantar e bailar foron as actividades principais, e fixémolo con moito entusiasmo. Compartimos a nosa paixón polas letras e a música tradicional con outros grupos de escolas de Galicia e Portugal. Foi unha experiencia enriquecedora que nos uniu a todos nun lazo cultural e emocional.

Durante esta fermosa festa, as nosas voces encheron o aire de Compostela, reivindicando a riqueza e a diversidade das letras galego-portuguesas. Cada canción que interpretamos foi un tributo ao noso patrimonio común, e cada baile foi unha celebración da nosa identidade compartida.

No blog de Música podedes ver os vídeos da actuación:

https://opentagramamaxico.wordpress.com/2025/05/26/ponte-nas-ondas-pno/

AS LETRAS GALEGAS NA RADIO DO SEIS

A clase de 1ºB, xunto coa de 5º Infantil B, prepararon un programa especial co fin de conmemorar o Día das Letras Galegas. 

Este ano está dedicada ás cantareiras,  mulleres que coas súas voces e melodías, transmiten historias e emocións que forman parte do noso patrimonio cultural. Esta homenaxe busca poñer en valor o seu legado e a súa contribución á cultura galega.

Desfrutade desta nova entrega!!!

CERTAME "AS IMAXES DO PATRIMONIO"

Como centro “Modelo Ponte…nas ondas! DE BOAS PRÁCTICAS CO PATRIMONIO CULTURAL INMATERIAL”, propoñemos a participación no 8º Certame de recolla das imaxes do patrimonio inmaterial galego-portugués.

O Certame pretende que este patrimonio que se encontra depositado nas familias sexa transmitido ás novas xeracións para que teñan un coñecemento das súas orixes e do seu patrimonio. Con estas imaxes terán acceso a unha boa parte de expresións culturais que xa desapareceron ou que xa son descoñecidas para os máis xoves.

O patrimonio cultural inmaterial é constituído principalmente por coñecementos, técnicas, formas de organización ou de expresión colectiva xunto coas manifestacións festivas e familiares. Está localizado nas prácticas da vida cotiá que son realizadas polo membros da sociedade que teñen nas familias os núcleos básicos, sendo vivenciada polas persoas portadoras e, como tal, está documentada desde os inicios da fotografía.

As imaxes dos álbums familiares conteñen moitas destas manifestacións e vivencias.

BASES DO CERTAME:

1.-As fotografías deberán conter imaxes de calquera aspecto relacionado co Patrimonio Cultural Inmaterial e estar tomadas en datas anteriores a 1970.

2.-Presentaranse dixitalizadas, coa maior resolución posible, en formato jpg ou png.

3.-Cada imaxe acompañarase dun título e dun texto libre, onde se poderán detallar os datos básicos da foto, onde está tomada, quen aparecen nela, data aproximada na que foi feita e unha explicación do que se ve, relatando a relación desa imaxe co Patrimonio Cultural Inmaterial (PCI).

4.-O texto debe enviarse por separado en formato Word ou na propia mensaxe de correo electrónico. Terá unha extensión máxima de 150 palabras.

 

5.-Tamén se pode enviar un podcast que terá unha duración máxima de 5 minutos e poderá conter música, entrevistas e calquera outro material que explique a foto á que acompaña.

As fotos xunto co texto ou o podcast debedes envialo ao correo da biblioteca: bibliotecaseisdonadal@gmail.com

A data límite para o envío da fotografía, acompañada do seu texto/audio explicativo é o 15 de xuño.

Animádevos a participar!!!

Na seguinte ligazón tedes máis información

https://pontenasondas.org/8o-certame-de-recolla-das-imaxes-e-podcasts-do-patrimonio-inmaterial-galego-portugues/

AS CANTAREIRAS NA RADIO DO SEIS

Blanca, Nakire e Sofía, alumnas de 5º de Primaria e membros do Club de Lectura, gravaron un programa adicado ás cantareiras. Foi creado con motivo da súa participación no VII Concurso de Podcasts Radio na Biblio e así homenaxear a nosa poesía popular oral co gallo das Letras Galegas 2025.

Parabéns polo voso traballo e agardamos que desfutedes desta nova entrega da Radio do Seis!!!

FALADOIRO NA RADIO DO SEIS

Os programas da Radio do Seis continúan a sorprendernos!!!

Nesta ocasión, o alumnado de 6º de Educación Infantil gravaron un faladoiro moi especial como parte da súa participación no VII Concurso de Podcasts Radio na Biblio e así homenaxear ás cantareiras e pandereteiras, figuras clave da nosa tradición musical co gallo das Letras Galegas 2025 e por en valor a nosa rica poesía popular oral que tanto nos enriquece e define como pobo.

Parabéns polo voso traballo! Desfrutade desta nova entrega!!!

OBRADOIRO DE REGUEIFA

O venres 4 de abril, tivemos a visita de Pinto de Herbón e Luis o Caruncho co seu tradicional “Obradoiro de regueifas”.

Ensinaron ao alumnado de 6º de Primaria a orixe das regueifas e a maneira de elaborar as coplas. Achegáronse a improvisación oral, ao ritmo, rima e xogos de palabras...

Aprenderon un montón e xa están preparados e preparadas para crear sin parar!. Grazas regueifeiros!!!

ENTREGA DE PREMIOS "AS IMAXES DO PATRIMONIO"

Este venres 15 de novembro, na véspera do Día Internacional do Patrimonio, as clases de 5º de Edº Infantil asistiremos ao acto de entrega de premios do 7º Certame “As imaxes do patrimonio” Inmaterial Galego-Portugués, convocado pola Asociación cultural e pedagóxica Ponte...nas ondas!, nunha gala musical, no Auditorio do Centro Veciñal e Cultural de Valadares en Vigo.

O noso centro participou neste certame con varias imaxes que foron aportadas polas familias e que recollen historias como: un cantar de Reis, unha noiva no seu día de voda, unha familia de ebanistas e costureiras, un avó facendo unha meda de millo, un grupo de veciños posando nunha carretera, unha familia desfrutando do domingo no pobo, tocando a pandeireta na banda municipal de Avión e unha foto para o carnet de familia numerosa.

Na categoría de Ensino Primario, recibimos un accésit coa imaxe “A vendima”, de Roi Priego.

Queremos agradecer a todas as familias da nosa comunidade educativa a súa colaboración e o seu esforzo por buscar e seleccionar entre os seus álbums familiares aquelas fotografías que conteñen elementos do noso patrimonio. Unha fermosa maneira de coñecer e preservar a riqueza do noso patrimonio, sendo portadores de historias, coñecementos e tradicións e así transmitirllo ás novas xeracións. Parabéns!!!

VISITA DE LUÍS DO RÍO

Continuamos coas visitas relacionadas co noso PDI “Feira artesanal”, e o venres 18 de outubro, recibimos ao cesteiro, músico, artesán de instrumentos musicais e divulgador da nosa cultura e tradicións LUÍS DO RÍO.

Compartiu co alumnado unha charla sobre instrumentos musicais feitos con materiais naturais: pallas, canas...

Explicounos o proceso de creación e vimos diferentes exemplos (pipa de herba, asubiote, pito do pastor...) e tamén poidemos facer música  coas palletas. Moitas grazas Luís!

VISITAMOS O MUSEO LISTE

O alumnado de 2º de Primaria visitou o Museo Liste. Foi como viaxar no tempo!

Puideron visitar dúas exposicións. Nunha, chamada “Os sons do traballo” escoitamos os sons dos antigos oficios, carpinteiro, costureira, ferreiro... e vimos como se facían as cousas. Foi como estar nunha película!

Despois,  exploramos o museo e vimos moitas cousas curiosas. Había un tear, xoguetes antigos, hórreos... ata un carro de madeira!

Foi un día xenial para aprender e converternos en auténticos expertos/as artesáns!!

DÍA INTERNACIONAL DA NARRACIÓN ORAL

No Día Internacional da Narración Oral, conmemórase a arte de narrar de viva voz, manifestación artística tamén denominada contacontos.

Celébrase cada 20 de marzo, coincidindo co equinoccio de primavera. A festividade tivo a súa orixe en Suecia no ano 1991 e, aos poucos fóronse engadindo outros países. 

Festival Atlántica, Sete Falares e Colectivo Narración Oral Galega (NOGA) celebran xuntos esta data.

A narración oral é unha arte escénica de pequeno formato que está presente en todas as programacións de xeito diario en Galicia.

Nesta edición, o manifesto realizouno Paula Carballeira, escritora, actriz, dramaturga e unha das pioneiras da narración oral.

No texto convídanos a contar e a ser parte da historia, a ser inmortal… “se queres”.

VISÍTANOS UNHA MERDEIRA

O martes 6 de febreiro, contamos coa presenza de María Escudeiro, nai do centro, que viu falarnos sobre unha figura do entroido vigués: Os Merdeiros.

María foi unha das primeiras Merdeiras que sairon polo Casco Vello no 2006, ano no que comenza a recuperarse esta personaxe do noso entroido.

Ao longo da charla ensinounos os diferentes elementos que compoñen a vestimenta do Merdeiro: chaleque, faxín e a carouta.

O alumnado de 1º, 2º e 3º de Primaria aprendeu moitas cousas: a súa orixe, o comportamento, que días saen no Entroido, por onde podemos velos, a asociación que levou a cabo a súa recuperación, etc.

Agasallounos cun libro da Asociación Etnográfica da Merdeira, “O Merdeiro. Personaxe da Ribeira”, de Hadrián Román Carreiro e Adriana del Río Miranda, que recolle unha pequena escolma da historia do entroido da cidade de Vigo e analiza a figura do Merdeiro e que pasará a formar parte dos fondos da nosa biblioteca.

Moitas grazas María!!!