O PAPAGAIO : XORNAL DIXITAL

Xa podedes ler en formato dixital os últimos números de abril, maio e xuño do xornal O Papagaio. (Preme nas imaxes)

 ABRIL 

 MAIO

XUÑO

DÍA MUNDIAL DOS OCÉANOS

Hoxe celebramos o Día Mundial dos Océanos. O obxectivo é recordar o papel dos océanos na nosa vida cotiá, as accións para protexer o océano e utilizar os recursos mariños dunha maneira sostible.

Os océanos, verdadeiros pulmóns do planeta, son unha fonte importante de alimentos e mediciñas e unha parte esencial da biosfera .

Video sobre a importancia dos océanos

O lema deste ano 2020 é “Innovación para un océano sostible”.

Os residuos e o lixo, fundamentalmente plásticos, que circulan polas superficies e que son arrastrados as súas profundidades están a ocasionar un impacto sobre os ecosistemas mariños, a fauna e sobre a nosa propia vida.

Sogama coa súa campaña “Rumbo a toda vela cara á sostibilidade dos océanos”  fai unha reflexión e recolle datos sobre os efectos da acción humana sobre eles.

(Preme na imaxe)

-Nos últimos 40 anos, a cantidade de lixo mariño -só na capa superficial- aumentou en máis dun 100%.

-O plástico representa  entre o 60 e 90% de todos os refugallos mariños, coa particulariedade de que este material tarda máis de 400 anos en descompoñerse no medio mariño.

-Calcúlase que 13 millóns de toneladas de residuos plásticos acaban nos océanos cada ano, cifra que equivale a verter no mar un camión de lixo cheo de plástico cada minuto. O 85% do lixo marítimo ten a súa orixe en terra.

RECOMENDACIÓNS LECTORAS
(Preme nas imaxes)

PLASTICUS MARITIMUS. Unha especie invasora

 Escrito por Ana Pégo e Isabel Minhós Martíns. 
Ed. Kalandraka

É unha fermosa guía de campo para concienciar sobre a contaminación por plástico e sensibilizar para un uso racional do mesmo

XELÍS, O GUIEIRO DAS BOTELLAS DE MAR 

Escrito por Rosa Aneiros, ilustrado por Andrés Meixide, Premio Merlín de Literatura Infantil 2019. Ed. Xerais. 

Unha aventura para poder salvar os océanos, na que os personaxes emprenderán a dura tarefa de atrapar a illa de plásticos para evitar a desfeita ecolóxica do planeta.

O LIBRO DOS OCÉANOS 

Escrito por Esther Gonstalla. Catroventos Editora.

Un retrato detallado que nos permite comprender mellor as relacións que existen entre a actividade humana e os cambios que sofre o mar, un retrato que, alén de convidar á reflexión, se converte nun recurso para a acción.

INVENTARIO ILUSTRADO DOS MARES 

Escrito por Virginie Aladjidi. Ed. Kalandraka

Unha guía da rica biodiversidade mariña que reúne un centenar de animais e plantas, algúns en perigo de extinción.

OS MAIOS EN CONFINAMENTO DO SEIS

Este é o resultado das propostas que plantexamos para facer os maios e as coplas. Uns maios diferentes e confinados feitos con materiais diversos, de reciclaxe,... que tiñades nos vosos fogares.

Grazas pola vosa participación!!!!!

15 ANOS DE LIX GALEGA

Bibliotecas Escolares publica a guía 15 anos de LIX Galega na que se recolle unha selección dos libros que tiveron unha maior presenza nas bibliotecas escolares galegas nestes primeiros quince anos do PLAMBE, que acompañaron ao alumnado galego no seu paso pola escola e polo instituto neste período e que, finalmente, teñen o recoñecemento das lectoras e dos lectores galegos.

Non están todos pero todos os que están son referentes de lectura e forman parte do imaxinario do lector e da lectora que foi medrando xunto coa rede de bibliotecas escolares galegas.

Son títulos que tiveron recoñecemento a nivel galego, a nivel estatal e a nivel internacional. 

GUÍA 15 anos de Lix Galega

DÍPTICO

FONTE: BIBLIOTECAS ESCOLARES

MURO DAS PALABRAS XEITOSAS

Unha das actividades que plantexamos para a Semana da Letras Galegas foi facer entre todos e todas O Muro das Palabras Xeitosas utilizando tetrabriks como base e creando no mesmo unha Palabra en Galego que para nós fora especial.

Este é o resultado das vosas aportacións. Moitas grazas pola vosa participación!!!

Preme nas imaxes para acceder aos muros.

 Educación Infantil

1º e 2º Primaria

3º e 4º Primaria

5º e 6º Primaria

DÍA INTERNACIONAL DOS MUSEOS 2020

Hoxe, 18 de maio, é o Día Internacional dos Museos co lema “Museos pola igualdade: diversidade e inclusión”.

O obxectivo é concienciarnos sobre a importancia dos museos como medio de intercambio cultural, o enrequecemento das culturas, así como para o desenrolo da comprensión mútua, da colaboración e da paz entre os pobos.

Ante a situación de pandemia a celebración organízase con actividades virtuais e en liña.

(Preme nas imaxes)

Percorrido polos Museos de Galicia con actividades diversas.

No Gaiás, Cidade da Cultura, Día dos Museos 2020, fan un percorrido por diferentes proxectos expositivos.

No Museo de Arte Contemporánea de Vigo, MARCO, celebran esta data cun programa de actividades en rede, dirixidas a distinto público co tema desta edición. 

Lecturas

17 DE MAIO, DÍA DAS LETRAS GALEGAS 2020

Canción de Uxía sobre un fragmento dunha poesía de  Ricardo Carvalho Calero do seu libro “Reticências”.

Uxía en colaboración con Tanxugueiras e Faia 

“A Fala”

SEMANA DAS LETRAS GALEGAS

Proxecto educativo “As pitas  baixo a choiva”.

Composto por un conto, varios temas musicais e unha unidade didáctica elaborado pola coordinadora de Equipas de Normalización Lingüística de Ferrolterra e Edicións Embora.

                 Preme na imaxe para ler o conto

Relato orixinal de Ricardo Carvalho Calero cedido por Edicións Embora que narra un feito anecdótico da infancia do autor.

Actividade interactiva sobre o conto na  web Primavera das Letras

O Seminario Galán con actividades sobre este conto para Educación Infantil en pictogramas.

RICARDO CARVALHO CALERO

Ao longo desta semana das Letras iremos publicando máis recursos para achegarnos á figura de Ricardo Carvalho Calero.

Nesta entrada coñeceredes un pouco máis ao autor homenaxeado a través dos seguintes xogos.

 (Preme nas imaxes)

XOGO DON RIDARDO

XOGO PARA INFANTIL

XOGO PARA PRIMARIA 
O misterio da casa de Ricardo Carvalho Calero

PARA OS MÁIS MAIORES

LETRAS GALEGAS 2020

Aínda que todos os días son días en galego, para nós Maio é o Mes das Letras. A figura homenaxeada o 17 de maio, Día das Letras Galegas 2020, é o escritor RICARDO CARVALHO CALERO

Nas seguintes ligazóns atoparedes materiais e recursos para coñecer a súa vida e obra.(Preme nas imaxes)

PÁXINA WEB NA REAL ACADEMIA GALEGA

PRIMAVERA DAS LETRAS

SEMINARIO GALÁN

O PORTAL DA LINGUA

PORTAL DAS PALABRAS

A POESÍA DE CARBALLO EN SETE PALABRAS

SETE PALABRAS DO TEATRO DE CARBALLO 

REDE LECTURA 

Novidades Editoriais sobre Carvalho Calero

GAIÁS CIDADE DA CULTURA

Aventuras no monte das artes

Ricardo Carvalho Calero

EN ABRIL... LIBROS MIL!

Neste mes dos libros estivemos moi ben acompañados nas nosas casas... Pasa o rato enriba destes edificios e compróbao!

Nós quedamos na casa, pero sacamos aos personaxes dos contos a pasear e este foi o resultado: 


Moitas grazas a todos e todas pola vosa colaboración!

MAIOS NA CASA

Chegou a primavera e con ela os maios e, aínda que en confinamento, é o seu momento.

“ A Festa dos Maios é a festa da primavera, ben sexa da súa chegada, ben do seu trunfo. Significa o reverdecer das prantas , o comezo do ano agrícola, a ledicia de ver o sol por riba do horizonte e coller altura e forza". Vicente Risco.

CELEBRANDO O DÍA DO LIBRO

O noso vídeo sacando os personaxes dos libros a pasear vai aumentando!

No noso barrio, dentro destes edificios, estades vós lendo o voso libro favorito. Só tedes que pasar o rato por enriba e buscarvos (aumentade a foto para vela mellor).

Se aínda nos nos mandastes a vosa foto lendo un libro ou sacando os seus personaxes a pasear podedes facelo ata o xoves 30. Moitas grazas pola vosa participación!!!

Agardamos que vos gusten!!!

23 DE ABRIL,DÍA DO LIBRO

E por fin chegou o  Día do Libro e xa temos unha pequena mostra das fotos que nos fostes enviando para celebrar este día. O vídeo definitivo tardará uns días, así que podedes seguir enviando máis.

Vídeo “Disfrázome do meu personaxe de conto”

Grazas pola vosa participación!!!!

Tamén temos unha sorpresa, a profe Carmen preparou este agasallo para todos e todas.
Agardamos que vos guste!!!!

Feliz Día do Libro!!!!!

22 DE ABRIL, DÍA DA TERRA

Hoxe cumprense 50 anos desde que se celebra o Día Internacional da Terra. O promotor deste día foi Gaylord Nelson, que decidiu instaurar este día para concienciar á poboación dos problemas que nos afectan en torno a contaminación, a conservación do medio ambiente  e a necesidade de coidar o noso planeta e promover a armonía entre natureza e planeta.

O noso proxecto anual está centrado en “Cambiar o mundo” polo que ao longo deste curso traballamos sobre coidado do medio ambente, reducir, reciclar e reutilizar, xestión de residuos,…

Deixamos unha pequena mostra dos traballos que realizaron coas propostas das mochilas viaxeiras sobre Arte reciclado.

Podedes facer manualidades e marcapáxinas con materiais de refugallo que teñades por casa.

Lecturas 

Preme na imaxe e accederas ao conto 

"¿Qué le pasa al planeta"

Poesía "Arbolidades"

PROPOSTAS PARA O DÍA DO LIBRO

O vindeiro xoves 23 de Abril, celebramos o Día do Libro e queremos propoñervos a todos e todas, alumnado, familias e profesorado que participedes para poder celebrar esta data dunha maneira diferente e especial.

Facemos dúas propostas:

1.-Faite unha foto lendo o teu libro favorito.

2.-Saca aos personaxes dos contos a pasear. Disfrázate do personaxe do teu conto ou libro preferido.

Enviade as vosas fotos ao seguinte enderezo electrónico Bibliotecaseisdonadal@gmail.com

Con todas elas faremos unha montaxe que publicaremos no blogue. Animádevos!!!

En Abril...libros mil!!!#quedonacasa

DÍA MUNDIAL DO LIBRO 2020

Achégase o Día Mundial do Libro e do Dereito de Autor, en acepción da UNESCO, e desde a Consellería de Educación, Universidade e formación Profesional edítase o díptico para conmemorar este día 23 de abril de 2020.

Acudiuse, como en anos anteriores a unha persoa referente da literatura galega actual, neste caso ao escritor, xornalista e divulgador da cultura de Galicia, Manuel Gago, quen creou un texto orixinal cedido xenerosamente para esta pequena peza de difusión do Día do Libro, centrándose nas potencialidades do libro e da lectura e que nos agasalla esta evocadora afirmación: 

,

"Cada libro que lemos queda gardado no noso peito como semente, paxaro ou xabarín"

Que a primavera entre polas fiestras e traia a voz das aves para acompañar as nosas lecturas!

o   DÍPTICO COMPLETO (pdf)

o   TEXTO de Manuel Gago

FONTE: BIBLIOTECAS ESCOLARES