Estamos rematando o curso e chegan as vacacións, tempo para descansar, ir á praia, ao monte, viaxar... e tamén para ler!!!
Presentamos a nosa Guía de Lecturas para que pasedes "Un verán de película".
Narrativa, banda
deseñada, libros informativos e música, son as nosas recomendacións para que disfrutedes no voso tempo de lecer.
Colabora co
comercio local e merca nas súas librarías!!!
Bo verán!!!
Guía de verán de Biblioteca Seis do NadalOs nosos Clubs de
Lectura de alumnado remataron o martes 18 de xuño cunha xuntanza na que compartimos as nosas impresións
sobre esta experiencia e a entrega de diplomas.
Recollemos as súas
opinións sobre o seu funcionamento:
-Unha experiencia
interesante por compartir cos compañeiros e compañeiras momentos e opinións
sobre os libros lidos.
-Os encontros
literarios cos autores, Pere Tobaruela, Xabier Domínguez e Pablo Prado.
-A visita ás dúas
librarías.
-Os libros máis valorados: "Nerea. A invasión dos trastos" e "A Señorita Bubble. Baixo cero" (5º) e, "Unha veciña de película" (6º).
Moitas grazas a
todos e todas por participar!!! Ata o curso que ven!!!
A nosa comunidade educativa está de noraboa!!!
Concedéronnos o “Selo Biblioteca Escolar Solidaria” neste curso 2023-2024, que recoñece e pon en valor aquelas bibliotecas que atenden as necesidades dos integrantes da comunidade educativa en materia de lectura e acceso ao coñecemento.
Este selo é un distintivo de calidade en termos de traballlo solidario a favor da comunidade educativa, no ámbito da lectura e as compensacións das desigualdades no acceso aos bens culturais e que conta con alumnado e familias voluntarias que contribúen á xestión e dinamización da biblioteca.
Esto foi posible grazas á
colaboración e implicación de todas as persoas que formamos esta comunidade
educativa. Nesta gran familia do Seis todos e todas contamos!!!
A Directora Xeral de Ordenación e Innovación Educativa Judith Fernández visitou o noso centro e fixo entrega do recoñecemento do Selo cun diploma que recolleron Martina, Nicolás, Breogán e Noa, en representación do voluntariado.
Parabéns a toda a comunidade educativa!!!
Despois do concurso "Buscamos un logo para a radio", no que participou alumnado de primaria, resultaron gañadoras os debuxos de Caetana e Eire, alumnas de 5º. Entre as dúas tiveron que deseñar un novo logo que unificara elementos dos dous anteriores.
Este será o logo da nosa radio, a Radio do Seis!!! Parabéns polo voso traballo!!! Vémonos o curso que ven con máis programas e formación!!!
O 14 de xuño o alumnado de 1º de primaria tivo unha animacion lectora co escritor e deseñador gráfico David Rodríguez, autor de “Superavoa”.
Un libro no que fala da avoa Rita, que garda un segredo. É unha superheroina. Se non fose por ela e os seus superpoderes, o mundo viríase abaixo. Un libro cheo de tenrura e de humor.
Pasámolo moi ben escoitando a historia e cantando a canción da superavoa.
Grazas
David!!!
Este venres 14 de xuño despedimos ao
voluntariado. 28 colaboradores/as de sexto de primaria que participaron en
actividades de xestión e dinamización na biblioteca durante este curso.
Entre as súas funcións: colocar os
diferentes materiais nos andeis correspondentes, organizar o espazo para as
actividades que se desenvolven nela(exposición, encontro con autores/as,
cine...), axudando no seu día a día aos usuarios e usuarias no recreo,
preparando contos para ler aos compañeiros/as máis pequenos/as e visitando o
Centro de Día Atendo...
Grazas polo voso traballo e moita sorte
na nova etapa que escomenzades!!!
O alumnado de Educación Infantil desfrutou dunha mañá chea de contos e de música na compaña de Paco Nogueiras.
Paco
ven sempre coa súa maleta cargada de fermosas historias ás que pon música co
seu acordeón e ukelele.
Nesta
ocasión, contounos: Animais, Grisela, Ratos na escola, o elefante que perdeu o
seu ollo, a araña moi ocupada, da Ed. Kalandraka.
Rematamos
cantando todos xuntos “Son animal” do seu novo libro-cd.
Grazas
Paco pola visita!!!
En música traballaron as Bandas Sonoras máis famosas da historia do cinema e os compositores desas bandas sonoras.
O
alumnado de 5º e 6º de Primaria elaborou traballos onde investigaron sobre a
película, o argumento, os actores e actrices, a biografia do compositor...
Con estes traballos organizouse unha exposición nos corredores do cole.
Como remate do proxecto documental anual “OSEISMEDIA”, contamos coa presenza de Álvaro e Suso Costas, do grupo MITIC, que interpretaron bandas sonoras de películas como ET, juego de tronos, star wars, indiana jones...
A protagonista no escenario foi a gaita.
Todos e todas, grandes e
pequenos/as, desfrutamos e bailamos ao ritmo da música.
Moitas grazas pola visita!!!
Un gran peche para este ano
de película!!!!
No Obradoiro da Linguaxe de Edº Infantil traballaron o tema do proxecto “OSEISMEDIA” en varias sesións.
Presentáronlle
aos nenos/as distintos tipos de cámaras fotográficas: compactas, réflex,
dixitais, analóxicas...
Tamén lles
explicaron como funcionan as cámaras con carrete e viron e tocaron distintos
negativos. Todo o alumnado probou a mirar polo visor e a darlle ao disparador.
Posteriormente
elaboraron un visor de cartolina, do tamaño dunha foto de 10x15, e saíron ao
patio co obxectivo de buscar cada un a instantánea que máis lle gustase.
Elixiron a súa foto, a imprimiron e a pegaron nun marco.
Cada alumno/a
explicouna despois aos demais (describiron a fotos, por que elixiu ese tema,
que sensacións lle provocou...), puxéronlle un título e decoraron o marco.
Con todas elas realizaron unha exposición no corredor, chamada: “ANACOS DO NOSO PATIO”, certificando a autenticidade das obras cun diploma.
O luns, 3 de xuño, o alumnado do centro tivo a sorte de coñecer ao cineasta vigués Álvaro Gago, director da premiada película “Matria” rodada en Galicia e en galego, e nomeada aos premios Goya de cinema.
No encontro puidemos ver a
súa “ópera prima” titulada “Curricán”, curtametraxe rodada en 16mm na
localidade de Vilanova de Arousa tamén en galego e protagonizada por un avó mariñeiro
e os seus dous netos, e que nos contou que está baseada nas súas propias
vivencias da infancia.
4º de Edº infantil disfrutou
cos exemplos prácticos e puido tocar e experimentar co taumatropo e o zootropo.
Grazas Alvaro pola visita e por compartir con nós o teu tempo!!! Moita sorte nos novos proxectos!!!
Con motivo das Letras Galegas o alumnado de 4º e 5º de primaria participaron nun taller de robótica inspirado na paixón pola música da homenaxeada nas Letras Galegas de este ano: Luísa Villalta.
Tras ler unha versión resumida do conto "Tinta do Mar" que recolle a biografía de Luísa Villalta, o alumnado comezou a programar un violín con axuda de Scratch; para posteriormente empregar unha placa Makey Makey “para darlle vida” á maqueta do violino de Luísa.
Unha vez construído chegou o momento de tocar as partituras creadas polo alumnado de 5º na área de música, partituras inspiradas no poema Antiquísima de Luísa Villalta. A continuación podedes desfrutar da fermosa melodía creada:
No mes de maio, as actividades que se desenvolveron na BiblioLab tiveron como eixo temático as Letras Galegas e o pensamento computacional.
LAPIS 3D
Creación de
marionetas para inventar historias relacionadas coa vida de Luísa Villalta,
homenaxeada nas Letras Galegas deste ano 2024.
ANIMANDO A LUISA
VILLALTA CON SCRATCH
Utilizamos o
programa Scratch para crear animación na que Luísa toca o seu violino.
XOGA CO TALE-BOT
Programamos o
Tale-bot seguindo os percorridos propostos á vez que se descobre a vida de Luísa
Villalta.
CODY CUBE. Versión:
atraque nun porto galego
Xogo de taboleiro
que fomenta o pensamento computacional desenchufado cuxo obxectivo é atracar o
barco no porto antes que os demais xogadores.
A LUPA MÁXICA
Descubrimos os datos
máis relevantes da biografía de Luísa Villalta a través da lupa máxica que
permite cubrir a ficha de investigación.
CÓDIGO BINARIO
Descubrimos cal é a
linguaxe dos ordenadores e seguindo as instruccións soubemos cal era o nome que
se agochaba tras o código.
PIXEL ART
Creamos unha lámpada
empregando a antiga linguaxe que os ordenadores utilizaban para representar as imaxes.
AFUNDIR A FROTA
Xogo de coordenadas no
que en lugar de atopar barcos, atopamos imaxes relacionadas coas Letras Galegas
deste ano: un libro, un violín, a Luísa, a Torre de Hércules e a bandeira
galega.
Xa está aquí un novo programa da Radio do Seis.
Nesta ocasión os
protagonistas son as clases de 1ºA e 5º de Edº Infantil A que prepararon un
programa para conmemorar o Día Mundial do Medio Ambiente.
Agardamos que o desfrutedes!!!
Os nenos e nenas de 1ºA traballaron de forma activa o Día Mundial do Medio Ambiente que se celebra o 5 de xuño.
Este ano, o lema desta data é “As nosas terras. O noso futuro.
Somos a #XeraciónRestauración”. Con este lema, búscase crear conciencia sobre
a importancia de restaurar as terras degradadas, deter a desertificación e
fortalecer a resiliencia á sequía.
Para celebrar esta data, a cativada de 1º A coñeceron a tres
incribles activistas mediambientais: Jane Goodall, Wangari Maathai e Greta
Thunberg e tamén realizaron diversas actividades para promover a acción e
conciencia ambiental.
Gravaron o programa de radio, xunto ao alumnado de 5º Edº Infantil
A, que pronto poderedes escoitar.
Reconvertendo paisaxes secas
Utilizando fotografías de diferentes paisaxes devastadas polas sequías,
deron vida a un mundo cheo de esperanza e cor, demostrando a súa capacidade
para imaxinar un futuro máis verde.
Pancartas polo medio ambiente
Con gran entusiasmo, os pequenos e pequenas, crearon pancartas con mensaxes
claras e contundentes para reivindicar a importancia de coidar o noso planeta.
A través das actividades, os nenos e nenas tomaron conciencia da
importancia de protexer o noso planeta e adquiriron ferramentas para
convertirse en axentes de cambio.
E como di Greta Thunberg, incluso os máis pequenos/as poden facer
grandes cousas.
Xuntos podemos construir un futuro máis sostible!!!.
Coa chegada do
bo tempo, a Biblioteca propón un espazo PIC-NIC no patio.
As nenas e os nenos atoparon unha cesta chea de: contos, cómics... para desfrutar de momentos de lecer coa lectura: sentadas e sentados, deitadas e deitados, compartindo, dramatizando...
Habilitamos
catro cestas (Edº Infantil, 1º ciclo, 2º ciclo e 3º ciclo). O voluntariado da
biblioteca prepara o espazo: alfombras, manteis, sinalización e cestas.
Está sendo un éxito,
será unha experiencia que repetiremos en vindeiros cursos!!!
O venres 31 de maio, os Clubs de Lectura de 5º e 6º realizaron unha saída para coñecer a organización e funcionamento dunha libraría.
Para elo, achegámonos a libraría Nobel, onde Maribel e Eva,
atendéronnos moi amablemente explicándonos todo o traballo que fan e tamén nos
ensinaron algunhas coleccións axeitadas a nosa idade e que gustan aos lectores
e lectoras.
Por outra banda, como este curso o lema de bibliotecas escolares é sobre banda deseñada, quixemos coñecer unha librería especializada en cómic, Sousa cómic. Antonio, explicounos que tipo de materiais podemos atopar nesta libraría.
A rapazada estivo vendo e ollando aqueles libros que lles gustaría
que estiveran na nosa colección facendo unha selección e que logo mercamos.
Agradecer a Maribel, Eva e Antonio pola súa atención e
amabilidade!!!
Rematamos a xornada coa visita ao Museo Quiñones de León, onde
fixemos un percorrido pola sala de arqueoloxía
e poidemos visualizar os restos de petroglifos e cultura castrexa que son a temática do libro “Maxia de pedra”
de Xabier Domínguez que leron os nenos e nenas de 5º.
Rematamos merendando e
facendo a foto de grupo!!!
