ACTUALIZAMOS OS XOGOS NAS MOCHILAS

Informámosvos de que renovamos os xogos dispoñibles nas nosas 7 Mochilas de Xogos este mes de febreiro. Cada mochila contén dous xogos diferentes, deseñados para ofrecer diversión e aprendizaxe en familia.

Se estades interesados en solicitar unha mochila en préstamo, tedes que enviar un correo electrónico a bibliotecaseisdonadal@gmail.com indicando o nome e o curso do/da fillo/filla.

As mochilas préstanse por unha semana. Asignaranse por orde de solicitude e entregaranse ao voso fillo/filla. Rexistraranse co número de carné da biblioteca do alumnado.

Dentro de cada mochila atoparedes as normas de uso correspondente a cada xogo e un QR.

Para ver os xogos incluidos en cada mochila con máis detalle, consultade a seguinte presentación.

Mochilas de xogos de Biblioteca Seis do Nadal

MOCHILAS TEMÁTICAS

A biblioteca pon en marcha de novo a iniciativa “Mochilas Temáticas”, unha proposta que xa tivo moito éxito hai dous cursos. Trátase de 12 mochilas con libros e materiais sobre temas concretos, pensadas para achegar diferentes lecturas aos fogares e compartir momentos de aprendizaxe e lecer en familia.

As familias podedes escoller entre as seguintes mochilas:

-Estimulación da linguaxe oral para Edº Infantil: para os máis pequen@s, con contos para fomentar a comunicación.

-Cociña: receitas divertidas e libros sobre alimentación saudable para desfrutar cociñando en familia.

-Creativa: ideas para dar renda solta á imaxinación e crear obras de arte.

-Científica: experimentos e libros sobre ciencia para descubrir o mundo que nos rodea.

-Mitoloxía: para descubrir lendas e seres fantásticos.

-Coidado do Planeta: libros para aprender a respectar o medio ambiente e como protexelo.

Cada mochila préstase por unha semana.

Para solicitala, debes enviar un correo electrónico a bibliotecaseisdonadal@gmail.com, indicando: nome da mochila, curso e nome do fillo/filla.

As mochilas asignaranse por orde de solicitude e entregaránse ao voso/a fillo/filla. Rexistrarase con nº de carné da biblioteca do alumnado.

Animámosvos a participar nesta iniciativa e desfrutar en familia!

MOCHILAS VIAXEIRAS

Un curso máis, as Mochilas Viaxeiras iniciaron a súa viaxe. 20 mochilas, coma acróbatas expertas, voarán de fogar en fogar, levando consigo un universo de posibilidades. Preparádevos para ser os/as protagonistas dun espectáculo único, onde a maxia dos libros cobra vida nas vosas casas.

Dentro de cada mochila atoparedes:

-Unha carta explicando o seu funcionamento e un listado do material.

-O Caderno Viaxeiro, o noso particular diario de abordo. Invitámosvos a encherme de cores, palabras, impresións, suxestións e debuxos. Contádenos que vos pareceu o contido da mochila, que vos inspirou, que vos fixo sorrir.

-Un truco de maxia para sorprender e divertirse en familia.

Como mestr@s de cerimonia desta marabillosa función, a vosa participación é esencial para o éxito da Mochila Viaxeira. 

Lembrade, a puntualidade é fundamental para que a función continúe sen interrupcións. Tratar a mochila e o seu contido con agarimo, coma se fosen obxectos máxicos. E, sobre todo, desfrutar de cada instante, de cada palabra, de cada sorriso compartido. A maxia reside na conexión familiar e no amor pola lectura.

Grazas por formar parte desta aventura. Xunt@s, faremos da Mochila Viaxeira un espectáculo inesquecible!  

SEMANA DA BIBLIOTECA

Benvidos e benvidas ao maior espectáculo do ano! A Semana da Biblioteca, do 20 ao 24 de outubro, chega cargada de imaxinación, lectura e comunidade!

A nosa  Mochila Viaxeira é unha maleta chea de ilusión!!! Como un circo ambulante en miniatura, viaxa de casa en casa, sementando historias, risas e momentos máxicos en cada parada. Non perdas a oportunidade de recibila no teu fogar e descubrir os tesouros que garda!!.

O mércores 22 de outubro, prepárense para a gran función! Da man do Consorcio Editorial Galego, o noso mestre de cerimonias, o contacontos Servando Barreiro, guiaravos a través dun espectáculo de palabras, música e soños. 

Pola tarde, as familias convértense nas estrelas do noso circo! Participarán nunha tarde de xogos de mesa, onde a maxia e a alegría serán os ingredientes principais.

Achégate á biblioteca e déixate sorprender!

MOCHILAS DE XOGOS EN FAMILIA

Co obxectivo de compartir momentos de diversión e aprendizaxe en familia continuamos coa actividade das Mochilas de Xogos iniciada o curso pasado. Unha iniciativa pensada para encher os vosos días de risas, creatividade e momentos inesquecibles.

Preparamos 7 mochilas (4 para Edº Infantil e 3 para Edº Primaria) para os diferentes niveis educativos.

Cada mochila contén dous xogos, acompañados das súas respectivas normas de uso. Ademais, para facilitar a comprensión, cada xogo inclúe instrucións detalladas e un código QR que enlaza a un vídeo explicativo.

A partir do 7 de outubro as familias interesadas poderán solicitar o préstamo dalgunha das mochilas. O prazo de préstamo será dunha semana.

Para solicitar unha mochila, envía un correo electrónico a bibliotecaseisdonadal@gmail.com, indicando o nome do teu fillo ou filla e o curso correspondente. A asignación das mochilas realizarase por orde de solicitude e rexistrarase co número de carné da biblioteca do alumnado.

Na seguinte presentación, podedes ver con máis detalle os xogos incluidos en cada mochila.

Mochilas de xogos de Biblioteca Seis do Nadal

MOCHILAS DE XOGOS EN FAMILIA

Este mes de abril, temos unha proposta para as familias: as Mochilas de xogos. Ten como obxectivo fomentar momentos de diversión e aprendizaxe e serán o complemento perfecto para gozar en familia.

Preparamos un total de catro mochilas, cada unha deseñada para diferentes niveis educativos:

• Unha mochila para Educación Infantil
• Tres mochilas para Educación Primaria

Cada mochila contén dous xogos, acompañados das súas respectivas normas de uso. Ademais, para facilitar a comprensión, cada xogo inclúe instrucións detalladas e un código QR que enlaza a un vídeo explicativo.

A partir deste mes de abril e ata finais de maio, as familias interesadas poderán solicitar o préstamo dalgunha das mochilas. O prazo máximo de préstamo será de 15 días.

Para solicitar unha mochila, envía un correo electrónico a bibliotecaseisdonadal@gmail.com, indicando o nome do teu fillo ou filla e o curso correspondente. A asignación das mochilas realizarase por orde de solicitude e rexistrarase co número de carné da biblioteca do alumnado.

Agardamos que estas Mochilas de xogos traian momentos de diversión e aprendizaxe a todas as familias. Aproveitade esta oportunidade para compartir e explorar novos desafíos xuntos.

Na seguinte presentación, podedes ver con máis detalle os xogos incluídos en cada mochila.

 

Mochilas de xogos de Biblioteca Seis do Nadal

ARTESANÍA NAS MOCHILAS VIAXEIRAS

Este curso o Seis convértese nunha Feira Artesanal, por iso,  nas mochilas viaxeiras ían propostas para facer en familia, empregando diferentes materiais de refugallo, pezas de madeira, elementos da natureza...

Compartimos uns exemplos das producións das familias que están expostas no vestíbulo do centro: cara de lixo reciclada, paxaros de madeira, punto de cruz con material reutilizable...

Grazas pola vosa colaboración!!

Mochilas Viaxeiras de Biblioteca Seis do Nadal

CELEBRAMOS O DÍA DAS BIBLIOTECAS

Nesta semana demos comenzo coas actividades na biblioteca: escollemos os libros que levamos en préstamo, preparamos os pasaportes lectores, vimos as primeiras novidades, cada aula recolleu a súa mochila viaxeira, o voluntariado comenzou co seu traballo solidario e de contacontos, recordamos normas de funcionamento...

As Mochilas Viaxeiras iniciaron a súa andaina aos vosos fogares dende este mes ata finais de maio que regresarán á biblioteca.

Con esta proposta queremos que as familias poidades compartir momentos en torno aos libros e a lectura.

Levan unha carta explicando o seu funcionamento e un listado do material así como un caderno viaxeiro, en branco, para escribir, debuxar, pegar unha foto, suxerencias... deixar a vosa pegada para compartir co resto da aula!!!

Tamén acompaña unha proposta de actividade para facer en familia, relacionada co PDI, que logo formarán parte da exposición que organizaremos no centro.

Agardamos que as desfrutedes!!!

MOCHILAS VIAXEIRAS TEMÁTICAS

Deseñamos unha nova proposta para as familias lectoras : o préstamo de Mochilas Viaxeiras Temáticas.

Desde este mes de abril e ata finais de maio, as familias poderán solicitar o préstamo dalgunha das seguintes mochilas por un periodo de 15 días.

Solicitaranse enviando un correo electrónico a bibliotecaseisdonadal@gmail.com indicando o nome da mochila e o número se hai dúas, o nome do seu fillo/filla e o curso para entregarlle a mochila directamente. Rexistrarase co nº de carnet da biblioteca do alumnado.

Agardamos que as disfrutedes!!!

Na seguinte presentación podedes ver con máis detalle os libros das distintas mochilas.

MOCHILAS VIAXEIRAS TEMÁTICAS de Biblioteca Seis do Nadal

MOCHILAS VIAXEIRAS

Este venres saíron as Mochilas Viaxeiras, unha maneira de tecer lazos coas familias a través da lectura.

Son 20 mochilas que viaxarán polas vosas casas dende este mes ata o seu regreso á biblioteca en xuño.

Van acompañadas dunha Carta ás Familias na que se explica  o seu funcionamento e un listado do material. E tamén un Caderno Viaxeiro, espazo en branco para que enchades con debuxos, suxerencias, aportacións e comentarios que vos xurdan sobre os documentos que vos entregamos.

Agardamos que as desfrutedes!!!

MOCHILAS VIAXEIRAS

Coa apertura da biblioteca na última semana de outubro demos inicio ás distintas actividades, entre elas, as Mochilas Viaxeiras que xa comenzaron a súa andaina polos vosos fogares.

Están pensadas para que as familias compartades momentos en torno aos libros e a lectura.

Seguindo o lema de Bibliotecas deste curso “Escribir a Biblioteca Escolar”, unha das propostas é inventar e escribir unha historia co álbum ilustrado que vai dentro de cada mochila. O producto final recollerase no Caderno Viaxeiro así como as vosas opinións, suxerencias, debuxos,… sobre os documentos emprestados.

Agardamos que as disfrutedes!!!

AS MOCHILAS VIAXEIRAS INICIAN O SEU CAMIÑO

Hoxe iniciaron o seu camiño as Mochilas Viaxeiras.

Son un vínculo entre a  familia e a biblioteca, proporcionando a oportunidade de facer lecturas compartidas e conversas sobre os libros ademais de reforzar o labor común na formación de lectores e lectoras máis novos.

Van acompañados dunha Carta na  que se explica o seu funcionamento e o listado do material e un Caderno Viaxeiro, espazo en branco para que aportedes as vosas impresións, suxerencias, debuxos e comentarios que vos xurdan ao redor dos documentos que vos emprestamos.

    Boas Lecturas e Bo Camiño!!!!!!!!!!!

22 DE ABRIL, DÍA DA TERRA

Hoxe cumprense 50 anos desde que se celebra o Día Internacional da Terra. O promotor deste día foi Gaylord Nelson, que decidiu instaurar este día para concienciar á poboación dos problemas que nos afectan en torno a contaminación, a conservación do medio ambiente  e a necesidade de coidar o noso planeta e promover a armonía entre natureza e planeta.

O noso proxecto anual está centrado en “Cambiar o mundo” polo que ao longo deste curso traballamos sobre coidado do medio ambente, reducir, reciclar e reutilizar, xestión de residuos,…

Deixamos unha pequena mostra dos traballos que realizaron coas propostas das mochilas viaxeiras sobre Arte reciclado.

Podedes facer manualidades e marcapáxinas con materiais de refugallo que teñades por casa.

Lecturas 

Preme na imaxe e accederas ao conto 

"¿Qué le pasa al planeta"

Poesía "Arbolidades"

SEMANA DA BIBLIOTECA ESCOLAR

Conmemoramos esa semana, do 22 ao 25 de outubro, dándolle un protagonismo especial a nosa biblioteca.

O mércores 23 de outubro contamos coa presenza de Berto Pirata escritor de “Déixate de contos”, acompañado polos seus fillos xemelgos Nóah e Gerôme, alumnos do noso colexio e protagonistas do seu libro. 

Tamén o acompañaba María Salinas quen introduciu a súa presentación cun vídeo moi chulo que todos poidemos cantar. Participamos contando varios contos do seu libro e asinounos un exemplar de agasallo para a nosa biblioteca.E sempre co mellor consello que podemos ter: Que ninguen nos diga que non podemos, que sexamos o que queiramos ser e nunca deixemos de soñar. Grazas!!!

Os días 24 e 25 de outubro, todos os grupos pasaron pola biblioteca e alí agardáballes unha sorpresa. Descubriron que colgadas do teito había bolas de corcho blanco co nome de cada aula e unha mensaxe que convidaba a decorar o noso planeta. Todos eles formarán parte da exposición final do proxecto.

Ademais poideron:

-Descubrir as Novidades.

-Recoller a súa Mochila Viaxeira, que este curso son novas, para iniciar o seu percorrido polas casas do alumnado. Van acompañadas dun caderno viaxeiro para que as familias fagan as súas aportacións e suxerencias. 

-As clases de educación infantil de tres anos recolleron os seus carnets e as bolsas viaxeiras. 

CADERNOS VIAXEIROS

A viaxe das mochilas chegou ao seu fin e xa están na nosa biblioteca.

Os materiais que proporcionamos tiñan por obxectivo desenvolver a imaxinación, despertar as emocións e favorecer as súas propias obras de arte.

-Receitas, para favorecer a creatividade na cociña.

-Poesía, para inspirar e crear arte con ritmo e movemento.

-Comics, para imaxinar e crear historias con personaxes fantásticos.

Con dúas propostas:

-Convidamos a ser LANDARTISTAS: facer creacións con paus, pedras, froitos,... e outros elementos da natureza (land-art), facerlle unha foto e pegala no caderno para que todos e todas poidamos desfrutar desa creación.

-PINTAR, empregando diferentes técnicas en función do nivel, Miró (debuxo automático) para infantil, 1º e 2º, Matisse (pintura con tesoiras) para 3º e 4º, Andy Warhol (litografías) para 5º e  6º.

Deixamos unha pequena mostra dos traballos realizados nos cadernos, que amosan o éxito da mochila. Grazas ás familias pola vosa colaboración!!!