Baixo a carpa celeste do inverno, cando a metade do frío xa pasou e os primeiros paxariños comezan a ulir o amor, a biblioteca convértese nun circo de historias marabillosas para celebrar o Día da Candeloria.
“A partir da
Candeloria, ningunha ave voa soa”, di o refrán
para lembrarnos que no mes de febreiro comeza, na cultura popular, cunha
celebración especial, casan os paxariños, emparéllanse para facer os seus niños
e comenza o retorno das aves migratorias que preludian o renacer primaveral.
Na biblioteca, preparamos un número especial para vós: “NAMÓRATE DUN LIBRO!!!.💕💕
.png)
Do 2 ao 6 de
febreiro, a biblioteca transfórmase nun escenario de fantasía onde os libros
son os protagonistas. Deixádevos sorprender e... pasen e vexan!
Na biblioteca poderás atopar libros
sorpresa, anónimos, envoltos en papel de periódico e con corazóns de distintas
cores, que indican a idade á que están dirixidos. Non teñen nin título, nin
autor/a, nin ningún dato que indique o seu contido...
Instrucións do espectáculo:
1.-Entrade na biblioteca nos recreos.
2.-Escollede un libro sorpresa segundo a cor dos corazóns que vos guiarán (cada cor indica a idade recomendada).
3.-Rexistrade o libro coma préstamo.
4.-Levádeo con vós para a vosa casa e non o abrades ata chegar.
5.-Devolvédeo á biblioteca no seu prazo (15 días), co corazón cheo de historias.
Deixádevos seducir por esa historia agochada, lista
para transportarvos a mundos descoñecidos. Cada libro é un novo
número de circo, cheo de emocións, risas e aprendizaxes. Non perdades esta
oportunidade de namorarvos da lectura. Agardámosvos!
.png)
.png)
