CULTURGAL 2019

Culturgal é a feira da actividade cultural de Galicia, que se celebrará do 29 de novembro ao 1 de decembro de 2019 no Pazo da Cultura de Pontevedra co lema 

“Dalle unha volta á Feira”

O programa da 12ª Culturgal reserva grandes sorpresas: música, teatro, danza, libros, arte, ciencia e moitos obradoiros nos que falar, movernos e descubrir.

Unha Feira que espalla as súas liñas de programación en diferentes escenarios: INFANTIL, con contacontos, baile, obradoiros, obradoiros, ciencia, etc; o FORO como espazo recollido de presentacións e encontros profesionais; a CARPA, cunha dotación técnica excelente para espectáculos cun aforo máximo de 400 persoas; o LIBRO, o espazo de referencia para o encontro entre autoras/es e público con todos os premios, novidades e lanzamentos a curto prazo e o CINEMA, unha sala na que atoparse coa colleita audiovisual do ano e adiantarse ao que virá.

Ligazón ao PROGRAMA

https://culturgal.moncake.com/files/culturgal/2019/11/FolletoProgramaInfantilCulturgal2019.pdf

ENCONTRO INTERXERACIONAL

O 20 de novembro, contamos coa presenza de varias usuarias e usuarios do Centro de Día Atendo.

Compartiron unha maravillosa experiencia co alumnado de educación infantil de catro anos e  de segundo de primaria. As rimas populares foron o elemento motivador que nos permitiu que todos e todas poideramos desfrutar destos momentos máxicos.

Este encontro interxeracional enmárcase dentro da actividade que desenvolvemos neste mes de novembro da Tradición oral, tan importante é necesaria para achegarnos aos contos, lendas,… que os nosos antergos foron transmitindo de xeración en xeración e que forman parte do noso patrimonio inmaterial.

Para darlles as grazas entregámoslles unhas tarxetas e unha flor que fixemos entre todos e todas.

25 N: DÍA INTERNACIONAL PARA A ELIMINACIÓN DA VIOLENCIA CONTRA A MULLER

Hoxe, 25 de Novembro, Día Internacional para a Eliminación da violencia contra a Muller, é unha xornada de denuncia ante a permanente violencia que se exerce sobre as mulleres en todo o mundo e tamén de sensibilizar e concienciar a toda a sociedade na necesidade de educar en igualdade, fomentando os valores de respecto e tolerancia.

Dende a biblioteca fixemos unha selección de Lecturas para a igualdade que están expostas na entrada do centro e na biblioteca.

Antes do recreo fixemos un acto colectivo co lema  “Cambiemos o mundo… cheas de vidas”. 

Concentrámonos no pavillon , colocándonos por cursos e formamos un lazo violeta xa que todos e todas viñemos cunha camiseta desa cor.

Todas e todos xuntos  cantamos “Chea de vida“ de Guadi Galego en lingua de signos. Rematamos levantando unhas cartulinas violetas.

Previamente decoramos as escaleiras con varias palabras da canción.

20 N: DÍA INTERNACIONAL DOS DEREITOS DA INFANCIA

O Día Internacional dos dereitos dos nenos e nenas, celébrase todos os anos o 20 de novembro. É un día de celebración polos avances conseguidos, pero sobre todo é un día para chamar a atención sobre a situación dos nenos e nenas máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.

Este 20 de novembro o Día da Infancia coincide coa celebración do 30 cumpreanos da Convención sobre os Dereitos dos nenos e nenas.

A Convención dos Dereitos dos nenos e nenas establece unha serie de dereitos, incluidos os relativos á vida, á saúde, á educación, e o dereito a xogar, á vida familiar, a estar protexidos da violencia, a non ser discriminados e a que se escoiten as súas opinións.

A Biblioteca organiza  unha Exposición de fondos sobre o tema.

Nas seguintes ligazóns podedes atopar Recursos

 (preme nas imaxes)

Unicef

Rayuela

Plataforma de Infancia

Recompilación da Biblioteca Víctor Sáenz

NOVEMBRO, MES DA CIENCIA EN GALEGO

Desde a Consellería de Educación, Universidade e Formación Profesional, en colaboración coa Secretaría Xeral de Política Lingüística e a Dirección Xeral de Políticas Culturais (Subdirección Xeral de Bibliotecas), da Consellería de Cultura, vense impulsando a celebración anual do mes de novembro como MES DA CIENCIA EN GALEGO NAS BIBLIOTECAS. Iníciase esta actuación coa elección dunha imaxe e a difusión dun texto, a modo de MANIFESTO,  da científica Alicia Estévez Taranzo, microbióloga, académica da RAGC e da RAFG e premio María Josefa Wonenburger Planells (2018). A científica resalta a importancia das bibliotecas “para que moitos dos coñecementos rigorosamente contrastados sexan accesibles ao público”.

Desde a Asesoría de bibliotecas escolares realizouse unha recompilación de recursos dixitais relacionados coa ciencia, en galego, que se pon a disposición de todas as bibliotecas: libros e unidades didácticas descargables en formato pdf, páxinas web de institucións, museos e asociacións de profesores e divulgadores científicos, convocatorias e propostas, blogues de ciencia dos centros educativos, experiencias de bibliotecas escolares, etc. 

o  MANIFESTO DE ALICIA ESTÉVEZ TORANZO

o FOLLETO INFORMATIVO: MES DA CIENCIA EN GALEGO NAS BIBLIOTECAS

o MATERIAIS. MES DA CIENCIA EN GALEGO NAS BIBLIOTECAS

o  PINTEREST CIENCIA EN GALEGO

FONTE: BIBLIOTECAS ESCOLARES

MAGOSTO 2019

O venres 8 celebramos o Magosto no colexio. 

Foi unha mañá na que disfrutamos de xogos, música e castañas. Pasámolo moi ben!!!

Xogos distribuidos nos patios  de infantil, pavillón e pista polideportiva.: xogo da rá, relevos de castañas, tres pés, á corda e ós bolos. O alumnado de sexto foron os encargados de coordinar os xogos.

Manualidades con castañas

BEA CAMPOS, CONTOS CON PEGADA

Un curso máis participamos na Campaña Impórtanos, promovida polo Concello de Vigo, que ten por obxectivo promover a reflexión e o compromiso de todas e todos na consecución dun mundo máis xusto e sustentable.

O mércores 6 de novembro contamos coa presenza de Bea Campos que fixo unha sesión con contos que deixaron pegada no alumnado de educación infantil de cinco anos.

Os contos foron: Nadarín, Daniela Pirata e Cando o xeo se derrite.

Fixeronnos reflexionar sobre diversidade, convivencia, igualdade, coidado do planeta e solidariedade.

Bea rematou cantando “Cantarela dos nenos/nenas” de Xosé Neira Vilas. 

“MOITA XENTE PEQUENA, 

EN LUGARES PEQUENOS,

FACENDO COUSAS PEQUENAS,

PODEN CAMBIAR O MUNDO.” 

Máis información sobre a Campaña na páxina 

                   www.importanos.org

MAGOSTO: LECTURAS E RECURSOS

Estamos no outono, tempo de castañas e de magostos. O venres 8 de novembro, se o tempo nos acompaña, celebraremos o MAGOSTO no centro.

Nas aulas estamos traballando o vocabulario, lendas, ditos, refráns, xogos… e preparando os nosos cestiños.

Xa temos no recanto “Outono de Libros” unha selección de lecturas para estas datas.

Na seguinte ligazón atoparedes moitos Recursos sobre o tema: poemas, música, contos, xogos,…

                              (Preme na imaxe)

SEMANA DA BIBLIOTECA ESCOLAR

Conmemoramos esa semana, do 22 ao 25 de outubro, dándolle un protagonismo especial a nosa biblioteca.

O mércores 23 de outubro contamos coa presenza de Berto Pirata escritor de “Déixate de contos”, acompañado polos seus fillos xemelgos Nóah e Gerôme, alumnos do noso colexio e protagonistas do seu libro. 

Tamén o acompañaba María Salinas quen introduciu a súa presentación cun vídeo moi chulo que todos poidemos cantar. Participamos contando varios contos do seu libro e asinounos un exemplar de agasallo para a nosa biblioteca.E sempre co mellor consello que podemos ter: Que ninguen nos diga que non podemos, que sexamos o que queiramos ser e nunca deixemos de soñar. Grazas!!!

Os días 24 e 25 de outubro, todos os grupos pasaron pola biblioteca e alí agardáballes unha sorpresa. Descubriron que colgadas do teito había bolas de corcho blanco co nome de cada aula e unha mensaxe que convidaba a decorar o noso planeta. Todos eles formarán parte da exposición final do proxecto.

Ademais poideron:

-Descubrir as Novidades.

-Recoller a súa Mochila Viaxeira, que este curso son novas, para iniciar o seu percorrido polas casas do alumnado. Van acompañadas dun caderno viaxeiro para que as familias fagan as súas aportacións e suxerencias. 

-As clases de educación infantil de tres anos recolleron os seus carnets e as bolsas viaxeiras.