un home viaxeiro
todo emocionado
de ver o mundo enteiro"
Neste Entroido emocionante e viaxeiro imos ver que manda o Meco
19 feb 2017
18 feb 2017
ENCONTRO CON LEDICIA COSTAS
O 14 de
febreiro recibimos a Ledicia Costas. Tivo un encontro
co Club de lectura,16 alumnos/as de 6º de primaria: tocaba posta en común coa
súa obra "Escarlatina, a cociñeira defunta".
Preparamos especialmente a súa visita: unha das alumnas caracterizouse como Escarlatina, outros fixeron debuxos dos personaxes, outros prepararon algunhas receitas do seu libro,..
E
conseguimos sorprendela, pois nada máis ver a caracterizada de Escarlatina quixo
fotografarse con ela.
O encontro tivo lugar na sala Rosalía, onde a agardaban as receitas elaboradas polos membros do club de lectura.
Descubrimos
moitos dos seus segredos: que lle fascina a temática relacionada coa morte, que
é moi larpeira, que escribe dende os trece anos,.....contounos anécdotas e
poidemos facerlle todas aquelas preguntas sobre os personaxes, as
ilustracións,...que levabamos preparadas.
Anticipounos que xa está traballando no seu próximo libro que terá que ver cunha tradición nosa ,o samaín.
Houbo
tempo tamén para asinar no libro de visitas do centro e nos exemplares de
Escarlatina e Esmeraldina.
E, coma sempre que nos visita, soubonos a pouco.
Moitas grazas Ledicia por compartir connosco o teu tempo e achegarnos a túa experiencia literaria. Ata a próxima!!
Preparamos especialmente a súa visita: unha das alumnas caracterizouse como Escarlatina, outros fixeron debuxos dos personaxes, outros prepararon algunhas receitas do seu libro,..
O encontro tivo lugar na sala Rosalía, onde a agardaban as receitas elaboradas polos membros do club de lectura.
Anticipounos que xa está traballando no seu próximo libro que terá que ver cunha tradición nosa ,o samaín.
E, coma sempre que nos visita, soubonos a pouco.
Moitas grazas Ledicia por compartir connosco o teu tempo e achegarnos a túa experiencia literaria. Ata a próxima!!
16 feb 2017
DÍA DE ROSALÍA DE CASTRO 2017
A Asociación de Escritoras e Escritores en Lingua Galega (AELG) disponse a conmemorar un ano máis o Día de Rosalía de Castro. O 24 de febreiro, fixado no Calendario do Libro e da Lectura como
aniversario do nacemento da autora, esta entidade propón á cidadanía que
agasalle un libro en galego e unha flor.
Alén do
acto central, que terá lugar ás 12:00 do domingo 19 de febreiro no Panteón de
Galegos Ilustres, a AELG en colaboración coa súa base asociativa está
organizando por todo o país lecturas públicas da obra de Rosalía de Castro.
En todos estes actos lerase o tradicional
manifesto da AELG, que este ano elaborará a escritora Ledicia Costas.
En Vigo
Para
expandir o poder da súa palabra entre a xente nova, a AELG convida a celebrar o
Día de Rosalía de Castro nos centros de ensino con estas accións colectivas de
difusión da súa obra.
Para Educación
Infantil e Primaria a AELG propón que cada alumna/o elabore unha máscara de
Rosalía de Castro. Posteriormente faríanse fotos do alumnado caracterizado
de Rosalía acompañado das súas persoas maiores, portando entre ambos un pequeno
cartel cun verso rosaliano da escolla da alumna ou alumno. A documentación
gráfica sería subida á rede polo centro de ensino antes do 24 de febreiro, coa
etiqueta #RosalíaTe.
Fonte: AELG
Fonte: AELG
14 feb 2017
LIBROS NOVOS
Estas son as novidades deste mes de febreiro que están en exposición na biblioteca e que xa podedes levar en préstamo para as vosas casas.
Agardamos que vos gusten!!!!
13 feb 2017
DÍA DA PAZ 2017
O luns 30 de xaneiro celebramos o Día da Paz co lema
"Tod@s baixo o mesmo sol"
Ao
longo desa semana desenvolvemos actividades relacionadas co tema con lecturas, cancións, escribimos a palabra paz en varios idiomas, debuxos, mensaxes, ...
traballando valores como a amizade, solidariedade, respeto, compromiso, axuda,
convivencia, ...e recordando a necesidade da Paz no mundo.
Ilustramos a canción "Beixo, abrazo e apreixón" de Mama Cabra.
Con camisetas brancas e calcetíns pintados coas cores do arco da vella xuntámonos no pavillón para cantar "El mismo
sol".
Entre todos/todas montamos un mural en forma de sol cos nosos sorrisos.
30 ene 2017
DÍA DA ILUSTRACIÓN 2017
O
día 30 de xaneiro, coincidindo co nacemento de Daniel Rodríguez Castelao,
celébrase o Día da Ilustración.
As
bibliotecas públicas galegas organizan diversas actividades: obradoiros de cómic
e ilustración, exposicións, mostras bibliográficas,...
(Preme
na imaxe para acceder á programación)
Este ano, como novidade, iníciase unha serie de homenaxes a
autores históricos galegos que comeza co debuxante, caricaturista e humorista
gráfico Álvaro Cebreiro (A Coruña, 1903-1956).
A AGPI (Asociación Galega de Profesionais da Ilustración) elaborou un
vídeo para a difusión da súa vida e obra.
29 ene 2017
LECTURAS E CANCIÓN PARA O DÍA DA PAZ
O equipo de biblioteca fixo unha selección de lecturas sobre a solidariedade, a amizade, personaxes que loitaron pola paz no mundo, de valores, .... para conmemorar o Día Escolar da Paz e non violencia.
Esta é a canción que nos acompañará mañá 30 de xaneiro na nosa celebración.
23 ene 2017
ILUSTRAR UNHA CANCIÓN PARA A PAZ
Para
conmemorar o Día da Paz e o Día da Ilustración, o 30 de xaneiro, propoñemos Ilustrar unha canción para a Paz .
Para facer
as vosas obras artísticas podedes empregar diferentes materiais , texturas, collage,....
Con todas elas montaremos unha exposición no vestíbulo do centro.
A canción é "Beixo, abrazo e apreixón" do libro-cd "A bruxa Discordia" , Cancións
para a Paz, de Mamá Cabra e Carmen Gil.
"Damos con esta canción
abrazos sen ton nin son.
E repartimos montóns
de beixos e de apreixóns.
Esta é a
ligazón para escoitala
18 ene 2017
NOVIDADES
Estos son as novidades deste mes que xa temos na biblioteca e que agardan por vós!!
Seguro que atoparedes algunha do voso gusto.
8 ene 2017
CALENDARIO DO LIBRO E DA LECTURA 2017
A Secretaría Xeral de Cultura difunde o novo Calendario do ano 2017 coas datas máis salientables en torno ao libro e á lectura.
A ilustración é de Tania Solla.
Suscribirse a:
Entradas (Atom)