ACTIVIDADES LETRAS GALEGAS

Realizamos diferentes actividades coas que difundir a figura de Xela Arias, homenaxeada polas Letras Galegas.

Fixemos retratos, murais, lectura e recitado dos seus poemas, actividades en liña,.... que nos permitiron achegarnos a súa vida e obra.

Exposición de libros sobre a autora.

Ilustramos os seus versos.

Seguindo a proposta do IES Alexandre Bóveda, ao que estamos adscritos, "A poesía de Xela Arias nas rúas da súa cidade", visibilizáronse os versos e poemas que ilustramos no peche exterior do centro.

POLO CORREO DO VENTO

Onte, recibimos a visita de Polo Correo do Vento, que protagonizou unha actividade de contacontos ilustrado dedicado a Xela Arias, homenaxeada polo Día das Letras Galegas.

A narración oral estivo acompañada de música e de lingua de signos, así como un obradoiro no que foron debuxando a caricatura da poeta e dando pinceladas para que o alumnado fixera as súas propias.

Asinaron no libro “Xela Arias. Liberdade, solidariedade e amor pola lingua”, da colección Mulleres Galegas, Lela Edicións, con ilustracións de Tania Solla, e que xa temos na nosa biblioteca.

Desfrutamos e aprendemos moito sobre Xela e sobre a nosa lingua!!! As ilustracións quedaron de agasallo para o centro.

Grazas por esta fermosa xornada!!! 

O noso agradecemento a Anpa que fixo posible esta actividade!!!

ENCONTRO CON LEDICIA COSTAS

Nesta semana das Letras Galegas, recibimos a visita da escritora Ledicia Costas, que compartiu co alumnado dúas sesións para falar dos seus libros.

Primeiro foi o turno de 4ºA, que leron “Vampira de biblioteca”, ilustrado po Victor Rivas, Ed. Xerais. Contounos o moito que lle gusta o mundo dos vampiros, bruxas, mortos,…

Eleonora, unha vampira que papa os insectos que queren roer as páxinas dos libros da biblioteca onde vive.

Unha segunda sesión con 6ºA, leron “ A Señorita Bubble. Baixo cero”, ilustrado por Andrés Meixide. Ed. Xerais.

Abrígate ben e prepárate para vivir unha aventura baixo cero, onde Bubble vai ter que enfrontarse a un poderoso inimigo. Papá Noel cruzou ao lado escuro. 

Comentounos que haberá novas aventuras da Señorita Bubble en Londres e seguramente en París. Agardamos pola súa lectura!!! 

Un encontro moi ameno no que houbo momentos para as preguntas, contounos anécdotas moi divertidas, en que se inspira para escribir os seus libros, falounos do mundo maxico da lectura, dos protagonistas das súas historias,….

Rematou asinando nos nosos exemplares e no libro de lembranzas.

Grazas Ledicia!! Un pracer contar contigo unha vez máis!!!

LETRAS GALEGAS 2021: XELA ARIAS

O Día das Letras Galegas 2021 está adicado a XELA ARIAS (1962-2003).

«Que nunca, nunca xamais, me diga alguén que non entende de poesía. A poesía non se entende, síntese ou non se sinte, faise ou non se fai»

Real Academia Galega

(Preme na imaxe)

Foi poeta, tradutora e editora, desenvolveu o seu traballo profesional en Edicións Xerais entre 1980 e 1990.

Tras licenciarse en Filoloxía, exerceu como profesora de ensino secundario ata o seu falecemento.

Como poeta publicou os libros Denuncia do equilibrio (1986), Tigres como cabalos (1990), Intempériome (2003) e Darío a diario(1996), dedicado ao seu fillo.

Foi tradutora ao galego de obras en portugués, italiano, inglés, castelán, francés... como Contos ao Teléfono, de Rodari; As bruxas, de Roald Dalh; O Gato Gaiado..., de Jorge Amado...

Estos son os libros que se mercaron para achegarnos a súa vida e obra.

Xela Arias, Editora

(Preme na imaxe)

Xela Arias, Tradutora

(Preme na imaxe)

O Portal da Lingua Galega

(Preme na imaxe)

Escape Room "Os segredos de Xela"

de Noemí García

(Preme na imaxe)

No blog do Equipo de Dinamización da Lingua Galega "O Fiadeiro" tedes máis información e recursos: 

https://ofiadeirodoseis.blogspot.com/2021/03/xela-arias.html

BOOKFACE NO SEIS

Unha das actividades propostas para o mes de Abril, foi a realización de ”Bookface”, que consiste en integrar, mimetizar, encaixar, unha parte do corpo ( cara, mans,…) coa portada dun libro, xogando coas cores, a luz,... para conseguir crear unha nova imaxe.

Coas fotos que enviaron os distintos membros da Comunidade Educativa (familias, alumnado e profesorado), montamos este vídeo. Grazas pola vosa colaboración e participación!!!

ENCONTRO CON MARÍA CANOSA

O 29 de abril recibimos a visita da escritora María Canosa, autora de Unha fábrica de bicos, ilustrado por Dani Padrón, da Editorial Xerais.

Contounos que este libro está inspirado na súa filla, a quen non lle gustaban os bicos e que o nome de Mindi (a protagonista) é o nome da súa boneca preferida.

Cando o ilustrador, despois de ler o conto, lle presentou o seu traballo, non o podía crer! A súa filla convertérase nunha porquiña! Quedou encantada.

Fomos interactuando con preguntas e contando o conto entre todos e todas.

Ensinámoslle o vídeo do conto que preparamos para o Día do Libro e agasallámola coa nosa adaptación traducida a pictogramas. Ela agasallounos a nós asinando os nosos exemplares.

Un pracer contar contigo unha vez máis María. 

Moitas grazas!!!