II SEMANA ROBÓTICA

Debido o gran éxito do curso pasado, este ano, repetimos a Semana Robótica, aínda que con moitas novidades. O gran éxito desta semana e a implicación de todo o alumnado e mestres/mestras.

Este curso escolar tamén chegaron novos robots, trátase de seis Mbot e outros seis escornabots. A familia robótica medra!!

A nosa semana robótica consistiu en que o alumnado de 4º, 5º e 6º prepararon un traballo de investigación sobre robótica e montaran e prepararan uns xogos cos Mbot, que presentaron nas clases de 1º, 2º e 3º. Eles mesmos fixeron de mestres e ensinaron todo o que anteriormente aprenderon: que son os robots, cales son os máis famosos, que é a programación, o pensamento computacional, que libros de robótica hai na biblioteca, …. Eles mesmos elixiron a súa maneira de presentalo e organizar os xogos cos Mbot.

Tanto maiores como pequenos pasárono xenial!! Unha maneira moi divertida de aprender!!

Pero aquí non quedou todo, o alumnado de 3º encargouse de montar os novos escornabots que chegaron e de levalos ás diferentes aulas de Educación Infantil a mostralos e xogar cos pequenos/as. As aulas de infantil son as novas casas destes robots, para que dende agora, os empreguen un montón e aprendan dunha maneira divertida.

Ademais durante os recreos tivemos as I Carreiras Escornabóticas, os encargados/as de organizalas foron os voluntarios/as da biblioteca e o fixeron encantados e de marabilla. Primeiro durante dous días apuntaron a todos os rapaces e rapazas que quixeron participar e despois por niveis foron competindo. Tendo uns gañadores en Educación Infantil e outros en Educación Primaria aos que lle fixemos entrega dun diploma. Quedando con gañas de máis.

Tendo tanto éxito seguro que para o curso que ven temos a III Semana robótica, estade ben atentos!!!

VI QUEDADA LITERARIA

Por segundo ano participamos nesta actividade, que se celebrou o 27 de maio no Parque de Castrelos, xunto con outros doce centros de Vigo e un de Porriño, o Ceip de Ribeira: 

Ceip O Rocío-Ceip Castelao- Ceip Carrasqueira-Ceip Emilia Pardo Bazán-Ceip Doutor Fleming-Ceip O Pombal-Ceip Chans Bembrive-Ceip Eduardo Pondal-Ceip Frián-Teis-Ceip Ría de Vigo-EEI Rúa Aragón-IES Santo Tomé.

Contamos coa colaboración do Servizo de Normalización Lingüística do Concello de Vigo e a Biblioteca Xosé Neira Vilas.

Os protagonistas da xornada foron os nenos e nenas e os libros.

Educación infantil de catro anos disfrutaron de contacontos a cargo do alumnado dos clubs de lectura do Instituto Santo Tomé.

O alumnado de terceiro, dividido en dous grupos, fixo unha actividade de lectura compartida co Ceip Carrasqueira,  Ceip O Pombal e Ceip Frián-Teis, cos que intercambiaron marcapáxinas e disfrutamos de momentos de lectura, merenda e charla.

O peche á xornada púxoo Bea Campos, co espectáculo “A tropa do Doutor Milagre” cheo de música, baile, xogo, comedia e diversión. Rematamos cantando todos xuntos "O libro máxico" de Migallas. Foi unha experiencia maravillosa!!!

LECTURAS COMPARTIDAS

Para conmemorar o mes das Nosas Letras, hoxe 24 de maio, fixemos unha actividade de lectura compartida entre o noso alumnado de infantil de tres anos e o de cuarto de primaria do Cep Celso Emilio.

O lugar elexido foi o parque da Bouza, no que  disfrutamos dunha estupenda mañá de sol,  lecturas en galego, merenda e xogos no parque.

Pasámolo moi ben!!! Foto do grupo e entrega de marcapáxinas puxeron o remate a esta xornada tan especial!!!

CARTEIS E PROGRAMA MES DAS LETRAS

Na semana do 14 de maio iniciamos as actividades relacionadas coas Letras Galegas e a figura de Antón Fraguas que se desenvolverán ao longo deste mes.

Coñecemos o autor homenaxeado, Antón Fraguas, a través da exposición dos carteis que elaboramos para o concurso das Letras Galegas e que están expostos no vestíbulo do centro. Van acompañados dunha guía de actividades.

Todos os carteis comenzan coa melodía dun CANTAR DE CEGO. 

Na parte esquerda están impresos PICTOGRAMAS que se corresponden coas dúas estrofas de catro versos para o alumnado de necesidades de apoio específico educativo con dificultades cognitivas, de aprendizaxe da lectoescritura ou sen comunicación oral. Son pictogramas de Arasaac.

Hai un código QR coas actividades suxeridas para cada cartel.

Na parte dereita hai outro código QR para que as persoas cegas, dun xeito auditivo, poidan saber o que hai en cada cartel.

No rectángulo verde están as dúas estrofas en BRAILLE, para que o alumnado con dificultades de visión poida coñecer a vida e obra de Antón Fraguas a través dos dez carteis.

PROGRAMA DE ACTIVIDADES

-Participación no CORRELINGUA, 14 de maio.

-Actuación do grupo OVIRAVAI, 15 de maio.

-OBRADOIROS: carpinteiro, cesteiro, oleira, fiadeira, palilleiras.

-Visita de Rosalía e Antón Fraguas, 22 de maio.

-Charla exposición sobre o TRAXE GALEGO.

-EXPOSICIÓN ETNOGRÁFICA, cos materiais aportados polas familias.

-LECTURAS COMPARTIDAS, co Cep Celso Emilio, 24 de maio.

-VI QUEDADA LITERARIA, con outros centros de Vigo, 27 de maio.

CORRRELINGUA 2019

 O 14 de maio participamos con outros centros de Vigo no Correlingua co lema "O GALEGO É A FÓRMULA".

O percorrido iniciouse na Praza do Rei e o alumnado de terceiro de primaria incorporouse na Praza de América para continuar a marcha ata o Parque de Castrelos onde agardaban os máis pequenos de infantil que estaban a disfrutar da actuación de Paco Nogueiras.

A lectura do Manifesto, a entrega de agasallos aos centros gañadores do concurso e a actuación de Cuarta Xusta puxeron o remate dunha xornada en prol da nosa lingua.

ANTÓN FRAGUAS,LETRAS GALEGAS 2019

ANTÓN FRAGUAS FRAGUAS , historiador, xeógrafo, antropólogo e etnógrafo é o homenaxeado este ano nas Letras Galegas 2019.

Deixamos as seguintes ligazóns con materiais e RECURSOS diversos para achegarnos a súa vida e obra.
(Premer nas imaxes)

PÁXINA NA WEB DA REAL ACADEMIA GALEGA

PRIMAVERA DAS LETRAS

SEMINARIO GALÁN

O PORTAL DA LINGUA

PORTAL DAS PALABRAS

Sete palabras de Antón Fraguas

Seres máxicos do universo Fraguas

MUSEO DO POBO GALEGO

Unidade didáctica 

EN PICTOGRAMAS

Biografía en pictogramas

LECTURAS

Unha viaxe polo universo de Antón Fraguas

PERE TOBARUELA NO SEIS

Hoxe recibimos ao escritor, PERE TOBARUELA, autor de numerosísimas obras de xénero narrativo, ensaio e xuvenil.

A sesión iniciouse coa lectura dun texto por parte do alumnado de terceiro rememorando a súa vida e traxectoria que el acolleu de bo grao e emocionado. “Esta é a razón pola que me adico a escribir, en especial para nenos, son estos momentos os que me alientan a facelo”.

Nenos e nenas quixeron homenaxealo, cunha exposición de debuxos sobre o seu libro “Catro Pedras vellas”, e á súa persoa que Pere examinou facendo moitas preguntas sobre o punto de vista dos nenos e nenas que os realizaron, amosando moita interese e curiosidade.

Pere comezou a súa exposición dicindo que lle resultou curioso que a profesora de terceiro calificase “Catro Pedras vellas” como unha narración de aventuras na liña dos “Cinco” ou os “Goonies”, moi ochenteira. Dixo que eso resumía bastante ben o espírito da obra. 

A súa intención era escribir unha novela de nenos para nenos, na que eles fosen os suxeitos activos da aventura e non os suxeitos pacientes, nuns tempos nas que todo se coñece indo en coche e non explorando a pé, na que as aventuras aparecen reflexadas nas pantallas das televisión, tabletas e videoconsolas, e xa non se viven en primeira persoa.

Este libro é unha volta aos valores daquela época, a aventura á antigua usanza, narrada de forma sinxela pero que encerra unha gran complexidade, personaxes ben definidos e profundos cos que os rapaces e rapazas se poden identificar e imaxinar.

Continuou facendo unhas preguntas “Que é que máis vos gustou da obra?” “Que é o que menos vos gustou?”. Tal vez o de pedir a opinión do público ao que van dirixidas as súas obras é o segredo do seu éxito e un exemplo a seguir para o que teña en mente escribir.

Despois de aprender moito con el, de xeito ameno e interactivo e descubrir que xa ten entregada a súa última obra, un novo libro de “Formig4s”, que esperamos con expectación, despediuse non sen antes asinar os libros con paciencia e agarimo. Grazas!!!